ಬೆಂಗಳೂರು: ಡ್ರಗ್ಸ್ ಮಾಫಿಯಾ ವಿಚಾರದಲ್ಲಿ ಸಿಸಿಬಿ ಕಸ್ಟಡಿಯಲ್ಲಿರುವ ನಟಿ ರಾಗಿಣಿ ಸಲ್ಲಿಸಿರುವ ಜಾಮೀನು ಅರ್ಜಿಯ ವಿಚಾರಣೆ ಸೋಮವಾರ ನಡೆಯಲಿದೆ.
ಕಳೆದ ಶುಕ್ರವಾರ ರಾಗಿಣಿಯವರನ್ನು ಸಿಸಿಬಿ ಪೊಲೀಸರು ಅರೆಸ್ಟ್ ಮಾಡಿದ್ದರು. ನಂತರ ಅವರನ್ನು ಸೋಮವಾರದ ವರೆಗೆ ಕಸ್ಟಡಿಗೆ ತೆಗೆದುಕೊಂಡಿದ್ದರು. ಇಂದು ಮಹಿಳಾ ಸಾಂತ್ವನ ಕೇಂದ್ರದಲ್ಲಿ ಇರಿಸಿ ತನಿಖೆ ಮಾಡುತ್ತಿದ್ದಾರೆ. ಈ ನಡುವೆ ನಾಳೆ ರಾಗಿಣಿಗೆ ಬೇಲ್ ಸಿಗಲ್ಲ ಎಂದು ಹೇಳಲಾಗುತ್ತಿವೆ.
ರಾಗಿಣಿ ಮಾಡಿರುವ ಕೆಲ ತಪ್ಪುಗಳಿಂದ ಕೋರ್ಟ್ ಜಾಮೀನು ಮಂಜೂರು ಮಾಡುವ ಸಾಧ್ಯತೆ ಕಡಿಮೆಯಿದೆ ಎಂಬ ವಿಶ್ಲೇಷಣೆ ಕೇಳಿ ಬಂದಿದೆ. ಸಾಕ್ಷಿ ನಾಶ, ಸರಿಯಾಗಿ ತನಿಖೆಗೆ ಸ್ಪಂದಿಸದಿರುವುದು ತುಪ್ಪದ ಹುಡುಗಿಗೆ ತೊಂದರೆಯಾಗುವ ಸಾಧ್ಯತೆಯಿದೆ.
ಕಷ್ಟ ಯಾಕೆ?
1. ರಾಗಿಣಿ ಬಂಧನ ಪ್ರಕರಣದಲ್ಲಿ ಹಾಕಿರುವ ಸೆಕ್ಷನ್ಗಳು
2. ಅದರಲ್ಲೂ 21ಸಿ ರಾಗಿಣಿ ಪಾಲಿಗೆ ಆಗಲಿದೆ ಬಿಸಿ ತುಪ್ಪ
3. ಈ ರೀತಿಯ ಕೇಸಿನಲ್ಲಿ ಸೆಷನ್ಸ್ ಕೋರ್ಟ್ ಬೇಲ್ ನೀಡೋದು ಕಡಿಮೆ
4. ಸಿಸಿಬಿ ಬಳಿ ಇದೆ ಪ್ರಮುಖ ಸಾಕ್ಷಿಗಳು
5. ರೇಡ್ ವೇಳೆಯಲ್ಲಿ ಸಿಕ್ಕಿವೆ ರಾಗಿಣಿ ಲಾಕ್ ಮಾಡುವ ಸಾಕ್ಷಿ
6. ನೋಟಿಸ್ಗೆ ಉತ್ತರ ನೀಡದೇ ಸಾಕ್ಷಿ ನಾಶ ಪ್ರಯತ್ನ ಆರೋಪ ಮಳುವಾಗಲಿದೆ
7. ಪೊಲೀಸ್ ಕಸ್ಟಡಿ ಮುಗಿಯದೇ ಪೊಲೀಸರು ಆಕ್ಷೇಪಣೆ ಸಲ್ಲಿಸಲ್ಲ
8. ಕಸ್ಟಡಿಯಲ್ಲಿದ್ದೂ ವಿಚಾರಣೆಗೆ ಸಹಕರಿಸದ ಆರೋಪ
