ಮುಂಬೈ: ಮಹಾರಾಷ್ಟ್ರದ ಶಾಲೆಯೊಂದರ ಅಡುಗೆ ಮನೆಯಲ್ಲಿ ಬರೋಬ್ಬರಿ 60 ಕ್ಕೂ ಹೆಚ್ಚು ಹಾವುಗಳು ಕಂಡುಬಂದಿವೆ.
60ಕ್ಕೂ ಹೆಚ್ಚು ವಿಷಪೂರಿತ ಹಾವುಗಳನ್ನು ರಸ್ಸೆಲ್ ನ ವೈಪರ್ ಹಾವುಗಳು ಎಂದು ಗುರುತಿಸಲಾಗಿದೆ. ಇವು ಮಹಾರಾಷ್ಟ್ರದ ಹಿಂಗೋಲಿ ಜಿಲ್ಲೆಯ ಪಂಗ್ರಾ ಬೊಖೇರ್ ಗ್ರಾಮದ ಜಿಲ್ಲಾ ಪರಿಷದ್ ಶಾಲೆಯ ಅಡುಗೆ ಮನೆಯಲ್ಲಿರುವುದು ಗೋಚರವಾಗಿದೆ.
ಶುಕ್ರವಾರ ಮಧ್ಯಾಹ್ನ ಅಡುಗೆ ಸಹಾಯಕಿಗೆ ಮೊದಲು ಎರಡು ರುಸ್ಸೆಲ್ ಹಾವುಗಳು ಕಾಣಸಿಕ್ಕಿವೆ. ಬಳಿಕ ಅಡುಗೆ ಮಾಡಲು ಕಟ್ಟಿಗೆ ತೆಗೆದುಕೊಳ್ಳುವಾಗ 58 ಹಾವುಗಳು ಪತ್ತೆಯಾಗಿವೆ. ಹಾವುಗಳನ್ನು ಕಂಡು ಗಾಬರಿಗೊಂಡ ಶಿಕ್ಷಕಿ ಉಳಿದ ಶಿಕ್ಷಕರಿಗೆ ವಿಷಯ ತಿಳಿಸಿದ್ದಾರೆ.
ಮಾಹಿತಿ ತಿಳಿಯುತ್ತಿದ್ದಂತೆಯೇ ಗ್ರಾಮಸ್ಥರು ಅವುಗಳನ್ನು ಕೋಲಿನಿಂದ ಹೊಡೆಯಲು ಮುಂದಾದರು. ಆಗ ಶಾಲಾ ಆಡಳಿತಾಧಿಕಾರಿ ಅವರನ್ನು ತಡೆದು ಹಾವಿನ ಬಗ್ಗೆ ಉರಗ ತಜ್ಞರಿಗೆ ಮಾಹಿತಿ ನೀಡಿದ್ದಾರೆ. ವಿಷಪೂರಿತ ಹಾವುಗಳನ್ನು ನೋಡಿದ ಬಳಿಕ ವಿದ್ಯಾರ್ಥಿಗಳು ಭಯ ಭೀತಗೊಂಡಿದ್ದಾರೆ. ಮಾಹಿತಿ ತಿಳಿದ ಉರಗ ತಜ್ಞ ವಿಕಿ ದಲಾದ್ ಸ್ಥಳಕ್ಕೆ ಬಂದು ಎರಡು ಗಂಟೆಗಳ ಕಾರ್ಯಾಚರಣೆ ನಡೆಸಿ ಹಾವುಗಳನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.
ದಲಾಲ್ ರಸ್ಸೆಲ್ ವೈಪರ್ ಗಳನ್ನು ಹಿಡಿದು ಬಾಟಲಿಗಳಲ್ಲಿ ಹಾಕುತ್ತಿದಂತೆಯೇ ವಿದ್ಯಾರ್ಥಿಗಳು, ಗ್ರಾಮಸ್ಥರು ಮತ್ತು ಸಿಬ್ಬಂದಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ. ಬಳಿಕ ಶಾಲಾ ಆಡಳಿತಾಧಿಕಾರಿ ಭೀಮಾರಾವ್ ಬೊಖೇರ್ ಅವರು ಎಲ್ಲಾ 60 ಹಾವುಗಳನ್ನು ಅರಣ್ಯ ಅಧಿಕಾರಿ ಜೆ.ಡಿ ಕಾಚ್ವೆಗೆ ಹಸ್ತಾಂತರಿಸಿದ್ದಾರೆ.
#Visuals from Maharashtra: 60 Russells viper snakes were found in the kitchen of a Zilla Parishad school in Pangra Bokhare village of Hingoli district yesterday. The snakes were later rescued by a snake catcher. pic.twitter.com/4mS0kRX0h1
— ANI (@ANI) July 14, 2018