ಆರ್ ಟಿಪಿಎಸ್‍ನ 8ರಲ್ಲಿ 6 ವಿದ್ಯುತ್ ಘಟಕಗಳ ಕಾರ್ಯ ಸ್ಥಗಿತ!

ರಾಯಚೂರು: ರಾಜ್ಯದೆಲ್ಲೆಡೆ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ರಾಯಚೂರಿನಲ್ಲಿರುವ ಶಾಖೋತ್ಪನ್ನ ವಿದ್ಯುತ್ ಕೇಂದ್ರಗಳ ಘಟಕಗಳು ಕಾರ್ಯಸ್ಥಗಿತಗೊಂಡಿವೆ.

ಇಲ್ಲಿನ ಶಕ್ತಿನಗರದಲ್ಲಿರುವ ಆರ್ ಟಿಪಿಎಸ್‍ನ ಒಟ್ಟು ಎಂಟು ಘಟಕಗಳಲ್ಲಿ 6 ವಿದ್ಯುತ್ ಘಟಕಗಳು ಕಾರ್ಯಸ್ಥಗಿತಗೊಂಡಿವೆ. 1 ಮತ್ತು 5 ನೇ ಘಟಕದಲ್ಲಿ ಮಾತ್ರ ವಿದ್ಯುತ್ ಉತ್ಪಾದನೆಯಾಗುತ್ತಿದೆ.

1,720 ಮೆಗಾ ವ್ಯಾಟ್ ಸಾಮರ್ಥ್ಯದ ಕೇಂದ್ರದಲ್ಲಿ ಕೇವಲ 303 ಮೆಗಾ ವ್ಯಾಟ್ ಉತ್ಪಾದನೆಯಾಗುತ್ತಿದೆ. ಇನ್ನು ಯರಮರಸ್ ಸೂಪರ್ ಕ್ರಿಟಿಕಲ್ ಶಾಖೋತ್ಪನ್ನ ವಿದ್ಯುತ್ ನ 800 ಮೆಗಾವ್ಯಾಟ್‍ನ 2 ವಿದ್ಯುತ್ ಕೇಂದ್ರಗಳು ಸಹ ಕಾರ್ಯಸ್ಥಗಿತಗೊಂಡಿವೆ. ರಾಜ್ಯದೆಲ್ಲೆಡೆ ಉತ್ತಮ ಮಳೆಯಾಗುತ್ತಿರುವ ಹಿನ್ನೆಲೆಯಲ್ಲಿ ವಿದ್ಯುತ್ ಬೇಡಿಕೆ ಕುಸಿತವಾಗಿದ್ದು ಘಟಕಗಳು ಕಾರ್ಯಸ್ಥಗಿತಗೊಂಡಿವೆ ಎಂದು ಹೇಳಲಾಗುತ್ತಿದೆ.