ಹುಬ್ಬಳ್ಳಿ: ನಾನ್ ಸ್ಟಾಪ್ ಸ್ಕಿಪಿಂಗ್ ಮಾಡುವ ಮೂಲಕ 56 ವರ್ಷದ ಹಿರಿಯರೊಬ್ಬರು ಗಿನ್ನಿಸ್ ರೆಕಾರ್ಡ್ ದಾಖಲೆ ಬರೆದಿದ್ದಾರೆ.
ಹುಬ್ಬಳ್ಳಿಯ ಶಿರೂರ ಪಾರ್ಕ್ ನಿವಾಸಿಯಾದ ಗುಡ್ಡೋ ನಾಗನಗೌಡ(56) ಅವರು ಹಗ್ಗದಾಟದಲ್ಲಿ ಹೊಸದೊಂದು ಗಿನ್ನಿಸ್ ರೆಕಾರ್ಡ್ ಮಾಡಿದ್ದಾರೆ. ಬ್ಯಾಕ್ವರ್ಡ್ಸ್ ಸ್ಕಿಪ್ ಓವರ್ ರೋಪ್ನಲ್ಲಿ ಕೇವಲ 3 ನಿಮಿಷದಲ್ಲಿ 645 ಜಿಗಿತಗಳನ್ನು ಆಡುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ.
ನಾಗನಗೌಡ ಧಾರವಾಡ ಜಿಲ್ಲೆಯ ನರಗುಂದ ತಾಲೂಕಿನ ಹದ್ಲಿ ಗ್ರಾಮದ ಕಿವಿಜಿ ಬ್ಯಾಂಕ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ನಾಗನಗೌಡ ಈ ಹಿಂದೆಯೂ ಹಗ್ಗದಾಟದಲ್ಲಿ ಗಿನ್ನಿಸ್ ರೆಕಾರ್ಡ್ ಮಾಡಿದ್ದರು. ಕೇವಲ 1 ನಿಮಿಷದಲ್ಲಿ 252 ಜಿಗಿತಗಳನ್ನು ಆಡುವ ಮೂಲಕ ಗಿನ್ನಿಸ್ ರೆಕಾರ್ಡ್ ಮಾಡಿದ್ದರು.
ಇಂದು ಕೇವಲ 3 ನಿಮಿಷದಲ್ಲಿ 645ಕ್ಕೂ ಹೆಚ್ಚು ಜಿಗಿತಗಳನ್ನು ಪೂರೈಸುವ ಮೂಲಕ ಮತ್ತೊಂದು ಸಾಧನೆ ಮಾಡಿದ್ದಾರೆ. ನಾಗನಗೌಡ ಅವರ ಸಾಧನೆಯನ್ನು ಕಂಡು ಸಹದ್ಯೋಗಿಗಳು ಮತ್ತು ಸ್ಥಳೀಯರು ಸಂತಸ ವ್ಯಕ್ತಪಡಿಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
