ಆನೇಕಲ್: ಗ್ರಾಮೀಣ ಭಾಗದ ಬಡ ಕುಟುಂಬದಲ್ಲಿ ಜನಿಸಿದ ಐದು ವರ್ಷದ ಪುಟ್ಟ ಪೋರಿ ಪ್ರತಿಕ್ಷಾ ಹುಲಾ ಹೂಪ್ ರಿಂಗ್ ನಲ್ಲಿ ಇಂಟರ್ ನ್ಯಾಶನಲ್ ಬುಕ್ ಆಫ್ ರೆಕಾರ್ಡ್ ಸಾಧನೆ ಮಾಡಿದ್ದಾಳೆ.
ಹೌದು, ಆನೇಕಲ್ ತಾಲೂಕಿನ ಹಳೇಹಳ್ಳಿ ಗ್ರಾಮದ ನಿವಾಸಿ ಶ್ರೀನಿವಾಸ್ ಹಾಗೂ ದೀಪಾ ದಂಪತಿ ಮಗಳಾದ 5 ವರ್ಷದ ಪುಟ್ಟ ಕಂದ ಪ್ರತಿಕ್ಷಾ ಈ ಸಾಧನೆ ಮಾಡಿದ ಬಾಲಕಿಯಾಗಿದ್ದಾಳೆ. ಹುಲಾ ಹೂಪ್ ರಿಂಗ್ ನಿಂದ ಬರೋಬ್ಬರಿ 44 ನಿಮಿಷ 4 ಸೆಕೆಂಡ್ ಗಳ ವರೆಗೂ ನಿಲ್ಲಿಸದೇ ಸೊಂಟದ ಮೂಲಕ ತಿರುಗಿಸಿ ಇಂಟರ್ ನ್ಯಾಶನಲ್ ಬುಕ್ ಆಫ್ ರೆಕಾರ್ಡ್ ಪುಟ ಸೇರಿದ್ದಾಳೆ. ಇದನ್ನೂ ಓದಿ: ನೋಟರಿ ಕಾಯ್ದೆ ತಿದ್ದುಪಡಿ ವಿರೋಧ – ಸಚಿವ ಪ್ರಹ್ಲಾದ್ ಜೋಶಿಗೆ ಮನವಿ
ಇಷ್ಟೇ ಅಲ್ಲದೇ ಮಲ್ಟಿ ಟ್ಯಾಲೆಂಟ್ ಹೊಂದಿರುವ ಪ್ರತಿಕ್ಷಾ ಆ್ಯಕ್ಟಿಂಗ್, ಡ್ಯಾನ್ಸ್, ಡ್ರಾಯಿಂಗ್, ಮಾಡೆಲಿಂಗ್, ಕ್ಲೇ ಮಾಡೆಲಿಂಗ್ ಮಾಡುವ ಕೌಶಲ್ಯವನ್ನ ಹೊಂದಿದ್ದಾಳೆ. ಈಗಾಗಲೇ ಈಕೆಗೆ ಇಂಡಿಯನ್ ಚಿಲ್ಡ್ರನ್ಸ್ ಟ್ಯಾಲೆಂಟ್ ಅವಾರ್ಡ್, ಇಂಡಿಯಾ ಸ್ಟಾರ್ ಐಕಾನ್ ಕಿಡ್ಸ್ ಅಚಿವೆರ್ಸ್ ಅವಾರ್ಡ್, ಕರ್ನಾಟಕ ಅಚಿವೆರ್ಸ್ ಬುಕ್ ಆಫ್ ರೆಕಾರ್ಡ್, ಸುವರ್ಣ ಸಾಧನ ಶ್ರೀ ಪ್ರಶಸ್ತಿ ಸೇರಿದಂತೆ ಸಾಲು ಸಾಲು ಪ್ರಶಸ್ತಿಗಳು ಈಕೆಯ ಸಾಧನೆಗೆ ಹುಡುಕಿ ಬರುತ್ತಿವೆ.
