ಬೆಂಗಳೂರು: ಶಕ್ತಿಕೇಂದ್ರ ವಿಧಾನಸೌಧದ ನೆರಳಲ್ಲೇ ನಕಲಿ ಛಾಪ ಕಾಗದ ಹಗರಣ ನಡೆದಿದೆ. ನಕಲಿ ಛಾಪಾ ಕಾಗದ ಮಾರಾಟ ಮಾಡ್ತಿದ್ದ ಐವರು ಆರೋಪಿಗಳನ್ನು ಎಸ್‍ಐಟಿ ಬಂಧಿಸಿದೆ.
ಬಂಧಿತ ಆರೋಪಿ ಬಾಬು, ವಿಧಾನಸೌದಲ್ಲಿ ಹೌಸ್ ಕೀಪಿಂಗ್ ಕೆಲಸ ಮಾಡ್ಕೊಂಡಿದ್ದ, ಆತನ ಹೆಂಡತಿಯೂ ವಿಧಾನಸೌಧದದಲ್ಲೇ ಕ್ಲೀನಿಂಗ್ ಕೆಲಸ ಮಾಡ್ತಾ ಇದ್ದರು. ಈಗಾಗಲೇ ಅರೆಸ್ಟ್ ಆಗಿರೋ ನಕಲಿ ಛಾಪಾಕಾಗದ ಜಾಲದ ಸೀಮಾಳಿಂದ ಛಾಪ ಕಾಗದ ಪಡೆಯುತ್ತಿದ್ದ ವಂಚಕ ಬಾಬು, ಅವುಗಳನ್ನು ವಿಧಾನಸೌದದ ಆವರಣದಲ್ಲೇ ಮಾರಾಟ ಮಾಡಿದ್ದ. ಡೀಲ್ ಮಾಡೋರ ಬಳಿ ತಾನು ವಿಧಾನಸೌದದಲ್ಲೇ ಕೆಲಸ ಮಾಡ್ತಿರೋದಾಗಿ ಹೇಳಿಕೊಳ್ತಿದ್ದ.
ಸದ್ಯ ಬಂಧಿತ ಆರೋಪಿಗಳಿಂದ 63 ಲಕ್ಷ ಮೌಲ್ಯದ ನಕಲಿ ಛಾಪಾ ಕಾಗದಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಆರೋಪಿ ಬಾಬು ಸೇರಿ ಐವರು ಆರೋಪಿಗಳನ್ನು ಹೆಚ್ಚಿನ ವಿಚಾರಣೆಗೆ ಪೊಲೀಸರು ಒಳಪಡಿಸಿದ್ದಾರೆ. ಇದನ್ನೂ ಓದಿ: ಗ್ರಾಮದ ಕಷ್ಟ ನಿವಾರಣೆಗಾಗಿ ಬಲೂನು ಹಾರಿಬಿಟ್ಟ ಗ್ರಾಮಸ್ಥರು!
