Connect with us

ರಾಜಕಾಲುವೆಗೆ ಬಿದ್ದು ಎರಡೂವರೆ ವರ್ಷದ ಮಗು ಬಲಿ

ರಾಜಕಾಲುವೆಗೆ ಬಿದ್ದು ಎರಡೂವರೆ ವರ್ಷದ ಮಗು ಬಲಿ

ಬೆಂಗಳೂರು: ರಾಜಕಾಲುವೆಗೆ ಬಿದ್ದು ಎರಡೂವರೆ ವರ್ಷದ ಮಗು ಮೃತಪಟ್ಟಿರುವ ಘಟನೆ ದೊಡ್ಡಬೊಮ್ಮಸಂದ್ರದ ಬಳಿಯಲ್ಲಿ ನಡೆದಿದೆ.

ತನುಶ್ರೀ (3) ಸಾವನ್ನಪ್ಪಿದ ಮಗು. ಕಲುಬುರಗಿ ಮೂಲದ ಲಕ್ಷ್ಮಿ ಹಾಗೂ ಸಾಬಣ್ಣ ದಂಪತಿ ಮಗಳು. ಕಳೆದ 4 ವರ್ಷಗಳ ಹಿಂದೆ ನಗರದಕ್ಕೆ ಬಂದಿದ್ದ ದಂಪತಿ ರಾಜಕಾಲುವೆ ಪಕ್ಕದಲ್ಲಿ ಟೆಂಟ್ ನಿರ್ಮಿಸಿಕೊಂಡು ನೆಲೆಸಿದ್ದರು. ಜೀವನಕ್ಕಾಗಿ ಗಾರೆ ಕೆಲಸ ಮಾಡುತ್ತಿದ್ದರು.

ಬೆಳಗ್ಗೆ ಆಟ ಆಡುವಾಗ ರಾಜಕಾಲುವೆಗೆ ಬಿದ್ದು ಮಗು ಮೃತಪಟ್ಟಿದೆ. ಈ ವೇಳೆ ಎಲ್ಲರೂ ಮನೆ ಒಳಗಡೆ ಇದ್ದರೂ, ಯಾರೂ ಮಗು ರಾಜಕಾಲುವೆಗೆ ಬಿದ್ದಿರುವುದನ್ನು ಗಮನಿಸಿಲ್ಲ. ಮಗು ಕಾಣದೇ ಇದ್ದಾಗ ಹುಡುಕಾಡಿದಾಗ ರಾಜಕಾಲುವೆಗೆ ಬಿದ್ದಿರುವುದು ಗೊತ್ತಾಗಿದೆ.

ಈ ಪ್ರದೇಶದಲ್ಲಿ ಸುಮಾರು 20 ಕುಟುಂಬಗಳು ಟೆಂಟ್ ನಿರ್ಮಿಸಿಕೊಂಡು ವಾಸ ನಡೆಸುತ್ತಿವೆ. ರಾಜಕಾಲುವೆ ಸುತ್ತಲೂ ಮನೆಗಳಿದ್ದರೂ ಕಾಲುವೆಯನ್ನು ಮುಚ್ಚಿಲ್ಲ. ವಿದ್ಯಾರಣ್ಯಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

https://www.youtube.com/watch?v=5osCCOmeCLo

Advertisement
Advertisement