2 ಅಡಿ ಎತ್ತರದ ವಧುವಿನ ಕೈ ಹಿಡಿದ 2.5 ಅಡಿ ಎತ್ತರದ ವರ!

ಕೋಲಾರ: ಅತಿ ಅಪರೂಪ ಎನ್ನುವಂತೆ ಕುಬ್ಜ ಜೋಡಿಯ ವಿವಾಹ ಸಮಾರಂಭ ಜಿಲ್ಲೆಯ ಹೊಸಕೋಟೆ ತಾಲ್ಲೂಕಿನ ಗಡಿ ಜಡಗೇನಹಳ್ಳಿಯಲ್ಲಿ ನಡೆದಿದೆ.

ಮದುವೆಗಳು ಸ್ವರ್ಗದಲ್ಲಿ ನಿಶ್ಚಯವಾಗುತ್ತವೆ ಅನ್ನೋದಕ್ಕೆ ಇಲ್ಲಿ ನಡೆದ ಅಪರೂಪದ ಕುಬ್ಜರ ಮದುವೆ ಸಾಕ್ಷಿಯಾಗಿದೆ. ಜಡಗೇನಹಳ್ಳಿ ಪುರಾಣ ಪ್ರಸಿದ್ದ ಕಾಲಭೈರವೇಶ್ವರ ದೇವಾಲಯದಲ್ಲಿಂದು ಗುರು-ಹಿರಿಯರ ಸಮ್ಮುಖದಲ್ಲಿ ಜಿಲ್ಲೆಯ ಮಾಲೂರು ತಾಲ್ಲೂಕಿನ ಯಶವಂತಪುರದ ಅನಿಲ್ ಕುಮಾರ್ (28) ಹಾಗೂ ಬೆಂಗಳೂರು ಗ್ರಾಮಾಂತರ ಜಿಲ್ಲೆ ವಿಜಯಪುರದ ವರಲಕ್ಷ್ಮೀ ಸತಿಪತಿಗಳಾಗಿದ್ದಾರೆ.

2.5 ಅಡಿ ಎತ್ತರದ ವರ ಅನಿಲ್ ಕುಮಾರ್ ಹಾಗೂ 2 ಅಡಿ ಎತ್ತರದ ವಧು ವರಲಕ್ಷ್ಮಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇತ್ತೀಚೆಗೆ ಇಬ್ಬರ ನಿಶ್ಚಿತಾರ್ಥದ ಫೋಟೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಫುಲ್ ವೈರಲ್ ಆಗಿತ್ತು ಬಲು ಅಪರೂಪ ನಮ್ಮ ಜೋಡಿ ಅನ್ನೊ ಕುಬ್ಜರ ವಿವಾಹಕ್ಕೆ ಸೋಷಿಯಲ್ ಮೀಡಿಯಾದಲ್ಲೂ ಕೂಡ ಶುಭಾಶಯಗಳ ಮಹಾಪೂರವೇ ಹರಿದುಬಂದಿದೆ.