ಕೋಲ್ಕತ್ತಾ: ವೃದ್ಧರೊಬ್ಬರು ತನ್ನ ಪತ್ನಿಯ ಮೇಲಿನ ಪ್ರೀತಿ ಹಾಗೂ ಸಂಗೀತದ ಮೇಲೆ ಇರುವ ಅಭಿಮಾನವನ್ನು ಜನರ ಮುಂದೆ ಪ್ರದರ್ಶಿಸಿರುವ ಮನಕಲಕುವ ಕಥೆಯೊಂದು ಇಲ್ಲಿದೆ.
ಕೋಲ್ಕತ್ತಾದ ಬಲರಾಮ್ ಡೇ ಸ್ಟ್ರೀಟ್‍ನ ನಿವಾಸಿ ಸ್ವಪನ್ ಸೇಟ್ ಅವರ ಕಥೆ ಸಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. 2002ರಲ್ಲಿ ಸೆಟ್ ಪತ್ನಿಯ ಗರ್ಭಕೋಶದಲ್ಲಿ ಕ್ಯಾನ್ಸರ್ ಇರುವುದು ಪತ್ತೆಯಾಗಿದೆ. ಬಡಕುಟುಂಬವಾಗಿದ್ದರಿಂದ ಸೇಟ್ ಗೆ ಪತ್ನಿಯ ಚಿಕಿತ್ಸೆಗೆ ಹಣ ಹೊಂದಿಸಲು ಸಾಧ್ಯವಾಗುತ್ತಿರಲಿಲ್ಲ. ಹೀಗಾಗಿ ಪತ್ನಿಯ ಚಿಕಿತ್ಸೆಗೆ ಹಣ ಸಂಗ್ರಹಿಸುವ ಸಲುವಾಗಿ ಅವರು ಪಿಟೀಲು ನುಡಿಸಲು ದೇಶಾದ್ಯಂತ ಪ್ರಯಾಣಿಸಿದರು.
ಸೇಟ್ ಕೇವಲ ಪಿಟೀಲು ವಾದಕ ಮಾತ್ರವಲ್ಲದೆ ಪೈಂಟರ್ ಹಾಗೂ ಶಿಲ್ಪಿ ಕೂಡ. ಹೀಗಾಗಿ ತಮ್ಮ ಕಲೆಯನ್ನೇ ಬಳಸಿಕೊಂಡು ಪತ್ನಿಯನ್ನು ಬದುಕಿಸುವ ನಿರ್ಧಾರಕ್ಕೆ ಬಂದರು. ತಮ್ಮ ಕಲೆಯ ಮೂಲಕ ಪತ್ನಿಯ ಚಿಕಿತ್ಸೆಗಾಗಿ ಹಣವನ್ನು ಸಂಗ್ರಹಿಸಲು ನಿರ್ಧರಿಸಿದರು. 17 ವರ್ಷಗಳ ಕಾಲ ಅದನ್ನು ಮುಂದುವರಿಸಿದರು. ಅಂತೆಯೇ ಪತ್ನಿ 2019 ರಲ್ಲಿ ಚೇತರಿಸಿಕೊಂಡರು. ಅದಾಗ್ಯೂ ಸೇಟ್ ಅವರು ನಗರಗಳಲ್ಲಿ ಸಂಚರಿಸಿ ಜನರನ್ನು ರಂಜಿಸಲು ಪಿಟೀಲು ನುಡಿಸುತ್ತಿದ್ದರು. ಸಾಮಾನ್ಯವಾಗಿ ಸೆಟ್ ಅವರು ಪಿಟೀಲು ನುಡಿಸುವಾಗ ಬಿಳಿ ಕುರ್ತಾ ಮತ್ತು ಧೋತಿ ಧರಿಸುತ್ತಾರೆ.
ಅಂತೆಯೇ ಇದೇ ತಿಂಗಳ ಆರಂಭದಲ್ಲಿ ಕೋಲ್ಕತ್ತಾದ ಶಾಪಿಂಗ್ ಮಾಲ್ ಹೊರಗಡೆ ಸೆಟ್ ಅವರು ವಯೋಲಿನ್ ನುಡಿಸುತ್ತಿರುವ ವೀಡಿಯೋವನ್ನು ಫೇಸ್‍ಬುಕ್‍ನಲ್ಲಿ ಶೇರ್ ಮಾಡಿಕೊಳ್ಳಲಾಗಿದ್ದು, ಅದು ಸಾಕಷ್ಟು ವೈರಲ್ ಆಗಿದೆ.
ಸ್ವಪನ್ ಸೇಟ್. ಪೈಂಟರ್, ಶಿಲ್ಪಿ ಹಾಗೂ ವಯೋಲಿನ್ ನುಡಿಸುತ್ತಿರುವ ಇವರು ಕೋಲ್ಕತ್ತಾದ ಬಲರಾಮ್ ಡೇ ಸ್ಟ್ರೀಟ್ ನಲ್ಲಿ ಸ್ಟುಡಿಯೋವನ್ನು ಕೂಡ ಹೊಂದಿದ್ದಾರೆ. 2002ರಲ್ಲಿ ಸೆಟ್ ಪತ್ನಿಗೆ ಗರ್ಭಾಶಯದ ಕ್ಯಾನ್ಸರ್ ಇರುವುದು ಗೊತ್ತಾಯಿತು. ಹೀಗಾಗಿ ಅವರಿಗೆ ದುಬಾರಿ ಬೆಲೆ ಚಿಕಿತ್ಸೆಯ ಅವಶ್ಯಕತೆ ಇತ್ತು. ಪತ್ನಿಯ ಚಿಕಿತ್ಸೆಗೆ ಹಣವನ್ನು ಸಂಗ್ರಹಿಸಲು ಸೆಟ್ ತಮ್ಮ ಕಲೆಯನ್ನೇ ಬಳಸಿಕೊಂಡರು. ಪಿಟೀಲು ನುಡಿಸಲು ಮತ್ತು ಪೈಂಟಿಂಗ್ ಮಾಡಲು ವಿವಿಧ ಸ್ಥಳಗಳಿಗೆ ಪ್ರಯಾಣಿಸಿದರು ಎಂದು ಕ್ಯಾಪ್ಷನ್ ನೀಡಲಾಗಿತ್ತು.
17 ವರ್ಷಗಳ ಸತತ ಪ್ರಯತ್ನದಿಂದ 2019ರ ವೇಲೆ ಸೇಟ್ ಪತ್ನಿ ಕ್ಯಾನ್ಸರ್ ನಿಂದ ಚೇತರಿಸಿಕೊಂಡರು. ಆದರೂ ಸೇಟ್ ಮಾತ್ರ ತಮ್ಮ ಕಾಯಕ ಮುಂದುವರಿಸಿದ್ದಾರೆ. ವಿವಿಧ ಕಡೆ ತೆರಳಿ ಈಗಲೂ ವಯೋಲಿನ್ ಹಾಗೂ ಪೈಂಟಿಂಗ್ ಮಾಡುತ್ತಿದ್ದಾರೆ.
