ಮುಂಬೈ: 15 ವರ್ಷದ ಬಾಲಕನೊಬ್ಬ ನ್ಯೂಜೆರ್ಸಿ ಜಾಹೀರಾತು ಏಜೆನ್ಸಿಯು ಆಯೋಜಿಸಿದ್ದ ಡಿ-ಕೋಡಿಂಗ್ (ವೆಬ್ ಡೆವಲಪ್‌ಮೆಂಟ್ ಕೋಡಿಂಗ್) ಸ್ಪರ್ಧೆಯಲ್ಲಿ ಗೆದ್ದು, ತನ್ನ ವಯಸ್ಸಿನ ಮಿತಿಯಿಂದಾಗಿ 33 ಲಕ್ಷ ವೇತನ ಪ್ಯಾಕೇಜ್ ಪಡೆಯುವ ಉದ್ಯೋಗದಿಂದ ವಂಚಿತನಾಗಿದ್ದಾನೆ.

ಮಹಾರಾಷ್ಟ್ರ ನಾಗ್ಪುರದ 15 ವರ್ಷದ ಬಾಲಕ ವೇದಾಂತ್ ಅಮೆರಿಕದ ನ್ಯೂಜೆರ್ಸಿ ಜಾಹೀರಾತು ಏಜೆನ್ಸಿಯು ಆಯೋಜಿಸಿದ್ದ ಸ್ಪರ್ಧೆಯಲ್ಲಿ ಗೆದ್ದಿದ್ದಾನೆ. ಆದರೆ ಈತನ ವಯಸ್ಸಿನ ಮಿತಿ ತಿಳಿದ ನಂತರ ಕಂಪನಿಯು ಉದ್ಯೋಗ ನೀಡುವ ಪ್ರಸ್ತಾಪವನ್ನು ಹಿಂತೆಗೆದುಕೊಂಡಿದೆ. ಇದನ್ನೂ ಓದಿ: ಮರಳು ಮೂಟೆ ಅಳವಡಿಸಿದ ನಂತರ ಮಡಿಕೇರಿ-ಮಂಗಳೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಲಘು ವಾಹನ ಸಂಚಾರ: ಬಿ.ಸಿ.ನಾಗೇಶ್

ಬಾಲಕ ವೇದಾಂತ್ ತನ್ನ ತಾಯಿಯ ಹಳೆಯ ಲ್ಯಾಪ್‌ಟಾಪ್‌ನಲ್ಲಿ ಇನ್‌ಸ್ಟಾಗ್ರಾಮ್ ವೀಕ್ಷಣೆ ಮಾಡುತ್ತಿದ್ದಾಗ ವೆಬ್ ಡೆವಲಪ್‌ಮೆಂಟ್ ಸ್ಪರ್ಧೆ ಆಯೋಜಿಸಿರುವುದು ಗೊತ್ತಾಗಿದೆ. ನಂತರ ಸ್ಪರ್ಧೆಗೆ ನೋಂದಣಿ ಮಾಡಿಕೊಂಡು ಎರಡು ದಿನಗಳ ಅವಧಿಯಲ್ಲಿ 2,066 ಸಾಲುಗಳ ಕೋಡ್ ಮತ್ತು ಸ್ಪರ್ಧೆಯಲ್ಲಿ ಜಯಗಳಿಸಿದ್ದಾನೆ.

ಬಳಿಕ ನ್ಯೂಜೆರ್ಸಿ ಜಾಹೀರಾತು ಏಜೆನ್ಸಿಯು ಈತನಿಗೆ ಕೆಲಸ ನಿಯೋಜಿಸಲು ಹಾಗೂ ಇತರ ಕೋಡರ್‌ಗಳನ್ನೂ ತಾನು ನಿರ್ವಹಿಸುವಂತೆ ಮಾಡಲು ಎಚ್‌ಆರ್‌ಡಿ ತಂಡದಲ್ಲಿ ಕೆಲಸ ನೀಡಿದೆ. ಆದರೆ ಈತ 15 ವರ್ಷದ ಬಾಲಕನೆಂದು ತಿಳಿದ ನಂತರ ಪ್ರಸ್ತಾಪವನ್ನು ಹಿಂತೆದುಕೊಂಡಿದೆ ಎಂದು ವರದಿಯಾಗಿದೆ. ಇದನ್ನೂ ಓದಿ: ಕೇಂದ್ರ ಸಚಿವೆಯ 18 ವಯಸ್ಸಿನ ಪುತ್ರಿ ಅಕ್ರಮ ಬಾರ್‌ ನಡೆಸುತ್ತಿದ್ದಾರೆಂದು ಆರೋಪ – ಕೈ ನಾಯಕರಿಗೆ ಸ್ಮೃತಿ ಇರಾನಿ ನೋಟಿಸ್‌

ಹೀಗಿದ್ದೂ ಕಂಪನಿಯು ವೇದಾಂತ್‌ನನ್ನು ನಿರುತ್ಸಾಹಗೊಳಿಸದೇ ತನ್ನ ಶಿಕ್ಷಣ ಪೂರ್ಣಗೊಳಿಸಲು ಸಲಹೆ ನೀಡಿದೆ. ಪೂರ್ಣಗೊಳಿಸಿದ ನಂತರ ವೇದಾಂತ್‌ನನ್ನು ಸಂಪರ್ಕಿಸಲು ಹೇಳಿದೆ. ನಮ್ಮ ತಂಡವು ನಿಮ್ಮ ಅನುಭವ, ವೃತ್ತಿಪರತೆ ಮತ್ತು ವಿಧಾನದಿಂದ ನಾವು ಪ್ರಭಾವಿತರಾಗಿದ್ದೇವೆ ಎಂದು ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದೆ.

ವೇದಾಂತ್ ಅವರು Animeeditor.com ಎಂಬ ವೆಬ್‌ಸೈಟ್ ಅನ್ನು ಅಭಿವೃದ್ಧಿಪಡಿಸಿದ್ದಾರೆ. ಇದು ಬ್ಲಾಗ್‌ಗಳು, ವ್ಲಾಗ್‌ಗಳು, ಚಾಟ್‌ಬಾಟ್ ಮತ್ತು ವೀಡಿಯೊ ವೀಕ್ಷಣೆಯ ವೇದಿಕೆಯ ಹೆಚ್ಚುವರಿ ವೈಶಿಷ್ಟ್ಯಗಳೊಂದಿಗೆ ಯುಟ್ಯೂಬ್‌ನಂತಹ ವೀಡಿಯೊಗಳನ್ನು ಅಪ್‌ಲೋಡ್ ಮಾಡುವ ಆಯ್ಕೆಯನ್ನೂ ನೀಡುವುದಾಗಿದೆ.