– ಕೇರಳದಲ್ಲಿ ಮೊದಲ ಪ್ರಕರಣ
– ಪತ್ನಿಯ ವಿರುದ್ಧ ಪತಿ ದೂರು
ತಿರುವನಂತಪುರ: ತಾಯಿ ತನ್ನ 14 ವರ್ಷದ ಮಗನನ್ನೇ ಲೈಂಗಿಕವಾಗಿ ಬಳಸಿಕೊಂಡ ಎಂಬ ಆರೋಪದಡಿ ಮಹಿಳೆಯನ್ನು ಪೊಲೀಸರು ಬಂಧಿಸಿರುವ ಘಟನೆ ವರದಿಯಾಗಿದೆ.
ಕೇರಳದ ತಿರುವನಂತಪುರಂ ಜಿಲ್ಲೆಯ ಕಡಕ್ಕವೂರ್ ನಲ್ಲಿ 14 ವರ್ಷದ ಮಗನನ್ನು ತಾಯಿ ಲೈಂಗಿಕವಾಗಿ ಬಳಸಿಕೊಂಡಿದ್ದರು. ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ ಕಾಯ್ದೆಯಡಿ ಮಹಿಳೆಯನ್ನು ಪೊಲೀಸರು ಬಂಧಿಸಿದ್ದಾರೆ. ನಂತರ ಮಾತಾನಾಡಿದ ಪೊಲೀಸ್ ಅಧಿಕಾರಿ ಇದೂ ಕೇರಳ ರಾಜ್ಯದಲ್ಲಿ ನಡೆದ ಮೊದಲ ಘಟನೆಯಾಗಿದೆ ಎಂದರು.
ಬಾಲಕನ ತಾಯಿ ತಮ್ಮ ಮಗನನ್ನು ಕೆಲ ಸಮಯಗಳಿಂದ ಲೈಂಗಿಕವಾಗಿ ದುರುಪಯೋಗ ಪಡಿಸಿಕೊಳುತ್ತಿದ್ದಾಳೆಂದು ತಂದೆಯಿಂದಲೇ ದೂರು ದಾಖಲಾಗಿತ್ತು. ಪ್ರಕರಣವನ್ನ ಮಕ್ಕಳ ಕಲ್ಯಾಣ ಆಯೋಗಕ್ಕೆ ರವಾನಿಸಲಾಗಿದೆ. 35 ವರ್ಷದ ಮಹಿಳೆ ತನ್ನ ಮಗನನ್ನು ದುರುಪಯೋಗ ಪಡಿಸಿರುವುದನ್ನು ಬಾಲಕನ ತಂದೆ ದೃಢಪಡಿಸಿದ ನಂತರ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡು ಮಹಿಳೆಯನ್ನು ಬಂಧಿಸಿದ್ದಾರೆ. ನಂತರ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು. ನ್ಯಾಯಾಲಯದ ಸೂಚನೆಯಂತೆ ಮಹಿಳೆಯನ್ನು ತಿರುವನಂತಪುರದ ಮಹಿಳಾ ಜೈಲಿನಲ್ಲಿ ನ್ಯಾಯಾಂಗ ಬಂಧನದಲ್ಲಿರಿಸಲಾಗಿದೆ ಎಂದು ತಿಳಿಸಿದರು.
