250 ಅಡಿ ಆಳಕ್ಕೆ ಬಿದ್ದ ಬಸ್- 12 ಸಾವು, 26 ಮಂದಿಗೆ ಗಾಯ

ಶಿಮ್ಲಾ: ಪಠಾಣ್‍ಕೋಟ್ ನಿಂದ ಡಲಹೌಜಿ ನಗರಕ್ಕೆ ತೆರಳುತ್ತಿದ್ದ ಬಸ್ ನೈನೀಖಢ್ ಬಳಿ ಸುಮಾರು 250 ಅಡಿ ಆಳದ ಕಮರಿಗೆ ಬಿದ್ದಿದ್ದು, 12 ಮಂದಿ ಪ್ರಯಾಣಿಕರು ಮೃತಪಟ್ಟಿದ್ದಾರೆ. ಘಟನೆಯಲ್ಲಿ 26 ಮಂದಿ ಗಾಯಗೊಂಡಿದ್ದು, ಗಾಯಾಳುಗಳನ್ನು ಆಸ್ಪತ್ರೆಗೆ ರವಾನಿಸಲಾಗುತ್ತಿದೆ.

ಬಸ್ ನಲ್ಲಿ ಸುಮಾರು 40 ಜನ ಪ್ರಯಾಣಿಸುತ್ತಿದ್ದರು ಎಂದು ಹೇಳಲಾಗುತ್ತಿದೆ. ಘಟನೆಯ ವಿಷಯ ತಿಳಿಯುತ್ತಿದ್ದಂತೆ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿ ರಕ್ಷಣಾ ಕಾರ್ಯದಲ್ಲಿ ತೊಡಗಿಕೊಂಡಿದ್ದಾರೆ. ಆಳವಾದ ಕಮರಿಗೆ ಬಸ್ ಬಿದ್ದಿದ್ದರಿಂದ ಪೊಲೀಸರು ರಕ್ಷಣಾ ಕಾರ್ಯಕ್ಕೆ ಸೈನಿಕರ ಸಹಾಯ ಪಡೆಯಲು ಮನವಿ ಮಾಡಿಕೊಂಡಿದ್ದಾರೆ.

ಬಸ್ ಇಂದು ಬೆಳಗ್ಗಿನ ಜಾವ ಬಸ್ 4.30ಕ್ಕೆ ಪಠಾಣ್‍ಕೋಟ್‍ನಿಂದ ಡಲಹೌಜಿ ಕಡೆ ಪ್ರಯಾಣ ಬೆಳೆಸಿತ್ತು. ಬೆಳಗ್ಗಿನ ಜಾವ ಮಂದ ಬೆಳಕಿನ ಹಿನ್ನೆಲೆಯಲ್ಲಿ ಅಪಘಾತ ಸಂಭವಿಸಿರುವ ಸಾಧ್ಯತೆಗಳಿವೆ. ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ರವಾನಿಸಲಾಗುತ್ತಿದೆ ಎಂದು ಚಂಬಾ ಎಸ್ ಪಿ ಡಾ. ಮೋನಿಕಾ ತಿಳಿಸಿದ್ದಾರೆ.