ಬೆಂಗಳೂರು: 105 ವರ್ಷದ ಕೊರೊನಾ ಸೋಂಕಿತ ಅಜ್ಜ ಚಿಕಿತ್ಸೆ ಫಲಕಾರಿಯಾಗದೆ ಇಂದು ಸಾವನ್ನಪ್ಪಿದ್ದಾರೆ.
ಬಸವೇಶ್ವರ ನಗರದ ಅತ್ಯಂತ ಹಿರಿಯ ವ್ಯಕ್ತಿಗೆ ಕೊರೊನಾ ಸೋಂಕು ಬಂದಿತ್ತು. ನಂತರ ಅವರನ್ನು ಬಸವೇಶ್ವರ ನಗರದ ಪ್ರಿಸ್ಟಿನ್ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ಆದರೆ ಇಂದು ಚಿಕಿತ್ಸೆ ಫಲಕಾರಿಯಾಗದೆ ಶತಾಯುಷಿ ಅಜ್ಜ ಮೃತಪಟ್ಟಿದ್ದಾರೆ.
105 ವರ್ಷದ ಅಜ್ಜನನ್ನು ಕೇರ್ ಟೇಕರ್ ಒಬ್ಬರು ನೋಡಿಕೊಳ್ಳುತ್ತಿದ್ದರು. ಈ ಕೇರ್ ಟೇಕರ್ ನಿಂದ ಅಜ್ಜನಿಗೂ ಕೊರೊನಾ ಬಂದಿತ್ತು. ನಂತರ ಶತಾಯುಷಿ ಅಜ್ಜನನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. 105 ವರ್ಷ ವಯಸ್ಸಾದರೂ ಅಜ್ಜ ಫಿಟ್ ಅಂಡ್ ಫೈನ್ ಆಗಿದ್ದರು. ಶತಾಯುಷಿ ಅಜ್ಜನಿಗೆ ಡಯಾಬಿಟಿಸ್ ಇಲ್ಲ. ಜೊತೆಗೆ ಕೊರೊನಾ ಗುಣಲಕ್ಷಣದ ತೀವ್ರತೆಯೂ ಇರಲಿಲ್ಲ.
ಕೇವಲ ಜ್ವರ ಮಾತ್ರ ಬಂದಿತ್ತು. ಕೋವಿಡ್ ಟೆಸ್ಟ್ ಮಾಡಿಸಿದಾಗ ಮಂಗಳವಾರ ಪಾಸಿಟಿವ್ ಅಂತ ಗೊತ್ತಾಗಿತ್ತು. ಆಕ್ಸಿಜನ್ ಲೆವೆಲ್ ಕಡಿಮೆಯಾಗಬಹುದು ಎನ್ನುವ ಕಾರಣಕ್ಕೆ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಇಂದು ಚಿಕಿತ್ಸೆ ಫಲಕಾರಿಯಾಗದೆ ಕೊರೊನಾದಿಂದ ಮೃತಪಟ್ಟಿದ್ದಾರೆ.
