ಹಾಸನ: ಕರ್ನಾಟಕದಲ್ಲಿ ಲೋಕಸಭೆ ಚುನಾವಣೆಯ ಮೊದಲನೇ ಹಂತದ ಮತ ಚಲಾವಣೆ ಮುಕ್ತಾಯವಾಗಿದ್ದು, ಕಡೇ ಕ್ಷಣದಲ್ಲಿ 103 ವರ್ಷದ ವಯೋವೃದ್ಧೆಯೊಬ್ಬರು ಮತದಾನ ಮಾಡುವ ಮೂಲಕ ತಮ್ಮ ಹಕ್ಕನ್ನು ಚಲಾಯಿಸಿದ್ದಾರೆ.
ಹೊಳೆನರಸೀಪುರ ವಿಧಾನಸಭಾ ಕ್ಷೇತ್ರದ ಮತಗಟ್ಟೆ 155, ಮಾರೇನಹಳ್ಳಿಯಲ್ಲಿ ಕಾಳಮ್ಮ(103) ವ್ಹೀಲ್ ಚೇರ್ ನಲ್ಲಿ ಬಂದು ಹಕ್ಕು ಚಲಾಯಿಸಿದ್ದಾರೆ. 103 ವರ್ಷವಾಗಿದ್ದರೂ ಖುಷಿಯಿಂದ ಬಂದು ವೃದ್ಧೆ ಮತ ಹಾಕಿದ್ದಾರೆ. ಇನ್ನೇನು ಮತಗಟ್ಟೆ ಮುಚ್ಚುವ ಸಮಯಕ್ಕೆ ಅಂದರೆ ಸಂಜೆ 6 ಗಂಟೆ ಸುಮಾರಿಗೆ ಬಂದ ವೃದ್ಧೆ ತಮ್ಮ ಮತ ಚಲಾವಣೆ ಮಾಡಿದ್ದಾರೆ.
ಜಿಲ್ಲೆಯಾದ್ಯಂತ ಇಂದು ಬೆಳಗ್ಗೆಯಿಂದಲೂ ಬಿರುಸಿನ ಮತದಾನ ನಡೆದಿದೆ. ಸಂಜೆ 5 ಗಂಟೆವರೆಗೆ ಶೇ 71.14ರಷ್ಟು ಮತದಾನವಾಗಿದೆ.
