100 ವರ್ಷದ, 2 ಮೀಟರ್ ಉದ್ದದ ದೈತ್ಯ ಮೀನು ಅಮೇರಿಕಾದಲ್ಲಿ ಪತ್ತೆ

ವಾಷಿಂಗ್ಟನ್: ಅಪರೂಪದ ಜಾತಿಗೆ ಸೇರಿದ 100 ವರ್ಷದ ಸ್ಟರ್ಜಿಯನ್ ಎಂಬ ದೈತ್ಯ ಮೀನೊಂದು ಅಮೇರಿಕಾದ ಡೆಟ್ರಾಯ್ಟ್ ನದಿಯಲ್ಲಿ ಪತ್ತೆಯಾಗಿದೆ. 108 ಕೆಜಿ ತೂಕ ಮತ್ತು 2 ಮೀಟರ್ ಉದ್ದದ ಈ ಮೀನಿನ ಫೋಟೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ಈ ಮೀನಿನ ಫೋಟೋವನ್ನು ಅಲ್ಬೆನಾ ಫಿಶ್ ಮತ್ತು ವೈಲ್ಡ್ ಲೈಫ್ ಕನ್ಸರ್ವೇಶನ್ ಆಫೀಸ್, ತನ್ನ ಫೇಸ್ ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಮೀನಿನ ಪಕ್ಕ ಇಲಾಖೆಯ ಸಿಬ್ಬಂದಿಯೊಬ್ಬರು ಮಲಗಿರುವುದನ್ನು ಕಾಣಬಹುದಾದಿದೆ.

ಮೀನಿನ ಸುತ್ತಳತೆಯ ಆಧಾರದಲ್ಲಿ ಇದೊಂದು ಹೆಣ್ಣು ಮೀನು ಎಂದು ಅಂದಾಜಿಸಲಾಗಿದ್ದು, ಇದಕ್ಕೆ 100ಕ್ಕೂ ಅಧಿಕ ವರ್ಷ ವಯಸ್ಸಾಗಿದೆ. ಅಲ್ಲದೆ ಇದು ಅಮೆರಿಕದ ಇತಿಹಾಸದಲ್ಲಿಯೇ ಪತ್ತೆಯಾದ ಅತ್ಯಂತ ದೊಡ್ಡ ಸ್ಟರ್ಜಿಯನ್ ಮೀನಾಗಿದೆ ಎಂದು ತಿಳಿಸಲಾಗಿದೆ. ನಂತರ ಈ ಮೀನನ್ನು ಪುನಃ ನದಿಗೆ ಬಿಡುಗಡಲಾಗಿದೆ.

ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆಯೇ ಲೈಕ್ಸ್ ಹಾಗೂ ಕಾಮೆಂಟ್‍ಗಳು ಹರಿದುಬರುತ್ತಿದೆ.