ಮೊರಾದಾಬಾದ್: ಉತ್ತರ ಪ್ರದೇಶದ ಮೊರಾದಾಬಾದ್ನ ವಿವಿಧ ಶಾಲೆಯ ವಿದ್ಯಾರ್ಥಿಗಳು ರಕ್ಷಾ ಬಂಧನದ ಅಂಗವಾಗಿ ಭಾರತೀಯ ಸೈನಿಕರಿಗೆ 100 ಅಡಿ ಉದ್ದದ ರಾಖಿ ತಯಾರಿಸಿ ಕಳುಹಿಸುವ ಮೂಲಕ ದೇಶಪ್ರೇಮ ಮೆರೆದಿದ್ದಾರೆ.
ಈ ವಿಶೇಷ ರಾಖಿಯ ಜೊತೆ ವಿವಿಧ ರಾಜ್ಯದ ಸಂಸ್ಕೃತಿ ಮತ್ತು ಬೇರೆ ಬೇರೆ ಧರ್ಮದ ನಡುವಿನ ಏಕತೆ ಹಾಗೂ ಸಾಮರಸ್ಯದ ಸಂದೇಶವನ್ನು ಸಹ ಕಳುಹಿಸಿದ್ದಾರೆ. ಬೃಹತ್ ಆಕಾರದ ರಾಖಿಯಲ್ಲಿ ವಿವಿಧ ಬಣ್ಣದ ಪೇಪರ್ಸ್, ಬಟ್ಟೆ ಲೇಸ್, ಹಾಗೂ ಅಲಂಕಾರಿಕ ಸಾಮಗ್ರಿಗಳನ್ನು ಬಳಸಲಾಗಿದೆ.
ಇತ್ತೀಚೆಗೆ ಜಮ್ಮ-ಕಾಶ್ಮೀರದಲ್ಲಿ ನಡೆದ ಭಯೋತ್ಪಾಕ ದಾಳಿಯ ನಂತರ ಸೈನಿಕರ ಮೇಲಿನ ಪ್ರೀತಿಗಾಗಿ ಈ ದೊಡ್ಡ ಪ್ರಮಾಣದ ರಾಖಿಯನ್ನು ಸಿದ್ಧಪಡಿಸಿ ಯೋಧರಿಗೆ ಕಳಿಸಿಕೊಡುವ ವಿಚಾರ ಹೊಳೆಯಿತು ಎಂದು ವಿದ್ಯಾರ್ಥಿಗಳು ಹೇಳಿದ್ದಾರೆ. ಸದ್ಯ ವಿದ್ಯಾರ್ಥಿಗಳು ಪೋಸ್ಟ್ ಮೂಲಕ ಈ ರಾಖಿಯನ್ನು ದೇಶ ಕಾಯೋ ಸೈನಿಕರಿಗೆ ಕಳುಹಿಸಿದ್ದಾರೆ.