ಕರ್ನಾಟಕದ ಬಳಿಕ ಗೋವಾದಲ್ಲಿ 10 ಕೈ ಶಾಸಕರು ಬಿಜೆಪಿ ಸೇರ್ಪಡೆ

ಪಣಜಿ: ಕರ್ನಾಟಕದ ಬಳಿಕ ಈಗ ಗೋವಾದಲ್ಲೂ ಕಾಂಗ್ರೆಸ್ ಶಾಸಕರು ಬಿಜೆಪಿಗೆ ಬೆಂಬಲ ನೀಡಲು ಮುಂದಾಗಿದ್ದಾರೆ.

ಕಾಂಗ್ರೆಸ್ಸಿನ 15 ಶಾಸಕರ ಪೈಕಿ 10 ಜನ ಬಿಜೆಪಿಗೆ ಬೆಂಬಲ ನೀಡಲು ಮುಂದಾಗಿದ್ದಾರೆ. ವಿರೋಧ ಪಕ್ಷದ ನಾಯಕ ಬಾಬು ಕವಲೇಕರ್ ನೇತೃತ್ವದಲ್ಲಿ 10 ಶಾಸಕರು ಪ್ರತ್ಯೇಕವಾಗಿ ಬಿಜೆಪಿಗೆ ಬೆಂಬಲ ನೀಡಲು ಮುಂದಾಗಿದ್ದಾರೆ.

ಶಾಸಕರೆಲ್ಲ ಸ್ಪೀಕರ್ ಅವರನ್ನು ಭೇಟಿ ಮಾಡಿದ್ದು ಇಂದು ರಾತ್ರಿಯೇ ಬಿಜೆಪಿ ಸೇರ್ಪಡೆಯಾಗುವ ಸಾಧ್ಯತೆಯಿದೆ. ಒಟ್ಟು 40 ಶಾಸಕರು ಇರವ ವಿಧಾನಸಭೆಯಲ್ಲಿ ಬಿಜೆಪಿ 17, ಕಾಂಗ್ರೆಸ್ 15, ಜೆಎಫ್‍ಎಫ್ 3, ಎಂಜಿಪಿ 1, ಎನ್‍ಸಿಪಿ 2, ಇಬ್ಬರು ಪಕ್ಷೇತರರು ಆಯ್ಕೆಯಾಗಿದ್ದಾರೆ.