ಬೆಂಗಳೂರು: ಕೊರೊನಾ ವಿರುದ್ಧ ಹೋರಾಡಿ 99 ವರ್ಷದ ಅಜ್ಜಿಯೊಬ್ಬರು 10 ದಿನದಲ್ಲಿ ಗುಣಮುಖರಾಗಿದ್ದಾರೆ.
ಕೆಮ್ಮು ಜ್ವರದಿಂದ ಬಳಲುತ್ತಿದ್ದ ಬೆಂಗಳೂರಿನ 99 ವರ್ಷದ ಅಜ್ಜಿ 10 ದಿನಕ್ಕೆ ಕೊರೊನಾ ಗೆದ್ದು ಮನೆಗೆ ವಾಪಾಸ್ ಆಗಿದ್ದಾರೆ. ಆಗಸ್ಟ್ 1ರಂದು ಮಲ್ಲೇಶ್ವರಂನ ಮಣಿಪಾಲ ಆಸ್ಪತ್ರೆಗೆ ದಾಖಲಾಗಿದ್ದ 99 ವರ್ಷದ ಅಜ್ಜಿ ಆಗಸ್ಟ್ 11ರಂದು ಕೊರೊನಾ ಗೆದ್ದು ಡಿಸ್ಚಾರ್ಜ್ ಆಗಿದ್ದಾರೆ.
ಈ ಬಗ್ಗೆ ಮಾತನಾಡಿದ ಮಣಿಪಾಲ್ ಆಸ್ಪತ್ರೆಯ ಸೂಪರಿಡೆಂಟ್ ಡಾ.ಸೌಮ್ಯ, 99 ವರ್ಷದ ಅಜ್ಜಿ ಕೊರೊನಾದಿಂದ ಬೇಗ ಗುಣಮುಖವಾಗಿದ್ದು, ಖುಷಿಯಾಗಿದೆ. ಕೊರೊನಾ ಬಂದ ತಕ್ಷಣ ಯಾರೂ ಕೂಡ ಗಾಬರಿಯಾಗಬೇಕಿಲ್ಲ. ಕೊರೊನಕ್ಕೆ ಹೆದರಬೇಕಿಲ್ಲ. ಸೋಂಕಿದಿಂದ ವಯಸ್ಸಾದವರೂ ಕೂಡ ಬೇಗ ಚೇತರಿಕೆ ಕಾಣುತ್ತಾರೆ ಎಂದು ತಿಳಿಸಿದ್ದಾರೆ.
