ಹೆಚ್ಚಾಗುತ್ತಿದೆ ಕೊರೊನಾ ಐಸಿಯು ರೋಗಿಗಳ ಸಂಖ್ಯೆ- ಒಂದೇ ದಿನ 173 ಮಂದಿ ಐಸಿಯುಗೆ ಶಿಫ್ಟ್

Public TV
1 Min Read
icu

– ಬುಧವಾರದ ವರೆಗೆ 452 ಸೋಂಕಿತರು ಐಸಿಯುಗೆ ಶಿಫ್ಟ್

ಬೆಂಗಳೂರು: ರೋಗ ಲಕ್ಷಣ ಇಲ್ಲದ, ಕಡಿಮೆ ರೋಗ ಲಕ್ಷಣ ಇರುವ ರೋಗಿಗಳ ನಿಯಂತ್ರಣವೇ ಸರ್ಕಾರಕ್ಕೆ ಸವಾಲಾಗಿದ್ದು, ಸಂಪೂರ್ಣ ನಿರ್ಲಕ್ಷ್ಯ ವಹಿಸುತ್ತಿದೆ. ಇಂತಹ ಸಂದರ್ಭದಲ್ಲಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಕೊರೊನಾ ಸೋಂಕಿತರ ಗತಿ ಏನು ಎಂಬ ಪ್ರಶ್ನೆ ಇದೀಗ ಕಾಡುತ್ತಿದೆ. ದಿನೇ ದಿನೇ ಐಸಿಯುಗೆ ಶಿಫ್ಟ್ ಆಗುತ್ತಿರುವ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿದ್ದು, ಭರ್ತಿಯಾಗುವ ಆತಂಕ ಕಾಡುತ್ತಿದೆ.

ICU

ರಾಜ್ಯದಲ್ಲಿ ಕೊರೊನಾ ಐಸಿಯು ರೋಗಿಗಳ ಸಂಖ್ಯೆ ಹೆಚ್ಚುತ್ತಿದ್ದು, ಬುಧವಾರ ಒಂದೇ ದಿನ 173 ಸೋಂಕಿತರು ಐಸಿಯುಗೆ ಶಿಫ್ಟ್ ಆಗಿದ್ದಾರೆ. ಐಸಿಯುಗೆ ಶಿಫ್ಟ್ ಆಗುತ್ತಿರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಮಂಗಳವಾರ 279 ಸೋಂಕಿತರು ಐಸಿಯುನಲ್ಲಿದ್ದರು. ಬುಧವಾರದ ಹೊತ್ತಿಗೆ ಇದು ಡಬಲ್ ಆಗಿದ್ದು, ಐಸಿಯುನಲ್ಲಿರುವ ಸೋಂಕಿತರ ಸಂಖ್ಯೆ 452ಕ್ಕೆ ಏರಿಕೆಯಾಗಿದೆ.

ಬುಧವಾರ ಒಂದೇ ದಿನ ಬೆಂಗಳೂರಿನಲ್ಲಿ 115 ಮಂದಿ ಐಸಿಯುಗೆ ಸ್ಥಳಾಂತರವಾಗಿದ್ದಾರೆ. ಮಂಗಳವಾರದ ವರೆಗೆ ಬೆಂಗಳೂರಿನಲ್ಲಿ ಐಸಿಯುನಲ್ಲಿದ್ದ ಸೋಂಕಿತರ ಸಂಖ್ಯೆ 175, ಬುಧವಾರದ ಹೊತ್ತಿಗೆ ಈ ಸಂಖ್ಯೆ 290ಕ್ಕೆ ಹೆಚ್ಚಿದೆ.

Corona 1 10 app

ಐಸಿಯುನಲ್ಲಿರುವ ಸೋಂಕಿತರ ಜಿಲ್ಲಾವಾರು ಅಂಕಿಅಂಶ
ಬೆಂಗಳೂರು 290, ಧಾರವಾಡದಲ್ಲಿ 21, ರಾಯಚೂರು 18, ಬಳ್ಳಾರಿ 14, ಕಲಬುರಗಿ 13, ಮೈಸೂರು 11, ಬೀದರ್ 11, ಮಂಡ್ಯ 10, ಬೆಳಗಾವಿ 9, ಗದಗ, ತುಮಕೂರು, ದಕ್ಷಿಣ ಕನ್ನಡ, ಹಾಸನ ತಲಾ 7, ಶಿವಮೊಗ್ಗ 5, ಬಾಗಲಕೋಟೆ 4, ದಾವಣಗೆರೆ 3, ಚಿಕ್ಕಬಳ್ಳಾಪುರ 3, ಚಾಮರಾಜನಗರ 2, ಕೊಪ್ಪಳ 2, ಉಡುಪಿ 2 ಹಾಗೂ ಕೊಡಗು, ಚಿಕ್ಕಬಳ್ಳಾಪುರ, ಉತ್ತರ ಕನ್ನಡ, ವಿಜಯಪುರ, ಹಾವೇರಿ, ರಾಮನಗರಗಳಲ್ಲಿ ತಲಾ ಒಬ್ಬರು ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *