ಹಾಸನ: ಹಾಸನದಲ್ಲಿ ಕೊರೊನಾಗೆ ಮೂವರು ಬಲಿಯಾಗಿದ್ದು, ಇಂದು ಒಟ್ಟು 21 ಹೊಸ ಪಾಸಿಟಿವ್ ಪ್ರಕರಣಗಳು ದಾಖಲಾಗಿದೆ.
ಮೃತರಲ್ಲಿ ಇಬ್ಬರು ಪುರುಷರಾಗಿದ್ದು, ಒಬ್ಬರು ಮಹಿಳೆಯಾಗಿದ್ದಾರೆ. ಒಬ್ಬರಿಗೆ 55 ವರ್ಷ ವಯಸ್ಸಾಗಿದ್ದರೆ ಮತ್ತೊಬ್ಬರಿಗೆ 76 ವರ್ಷ ವಯಸ್ಸಾಗಿದೆ. ಮತ್ತೊಬ್ಬರಿಗೆ 75 ವರ್ಷ ವಯಸ್ಸಾಗಿದೆ. ಮೂವರಿಗೂ ಕೊರೊನಾ ಜೊತೆಗೆ ಕಿಡ್ನಿ ಸಮಸ್ಯೆ ಸೇರಿದಂತೆ ಇನ್ನಿತರ ಸಮಸ್ಯೆಯಿಂದ ಬಳಲುತ್ತಿದ್ದರು ಎಂಬ ಮಾಹಿತಿ ಲಭ್ಯವಾಗಿದೆ.
ಹಾಸನದಲ್ಲಿ ಇದುವರೆಗೂ 615 ಪಾಸಿಟಿವ್ ಕೇಸ್ ಕಂಡು ಬಂದಿದೆ. ಒಟ್ಟು 390 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ. 210 ಸಕ್ರಿಯ ಪ್ರಕರಣಗಳು ಇದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಹಾಸನದಲ್ಲಿ ಇದುವರೆಗೂ ಕೊರೊನಾದಿಂದ 15 ಜನ ಮೃತಪಟ್ಟಂತಾಗಿದೆ ಎಂದು ಡಿಎಚ್ಒ ಸತೀಶ್ ಮಾಹಿತಿ ನೀಡಿದ್ದಾರೆ.
