ಹಾಡಹಗಲೇ ಡಾಕ್ಟರ್ ಹೊಟ್ಟೆಗೆ ಚಾಕು ಇರಿತ – ವ್ಯಕ್ತಿ ಅರೆಸ್ಟ್

ಕಲಬುರಗಿ: ಹಾಡಹಗಲೇ ವ್ಯಕ್ತಿಯೊಬ್ಬ ವೈದ್ಯರ ಹೊಟ್ಟೆಗೆ ಚಾಕುವಿನಿಂದ ಇರಿದು ಇದೀಗ ಪೊಲೀಸರ ಅತಿಥಿಯಾದ ಘಟನೆ ಕಲಬುರಗಿ ನಗರದ ಜಿಲ್ಲಾಧಿಕಾರಿ ಕಚೇರಿ ಮುಂದಿನ ಸಿದ್ದಗಂಗಾ ಡೆಂಟಲ್ ಆಸ್ಪತ್ರೆ ಮುಂದೆ ನಡೆದಿದೆ.

ಡಾ. ವಿಶ್ವನಾಥ್ ಪಾಟೀಲ್ ಚಾಕು ಇರಿತಕ್ಕೊಳಗಾದ ವೈದ್ಯ. ಇವರು ರಸ್ತೆ ಬದಿ ಡಸ್ಟರ್ ಕಾರು ನಿಲ್ಲಿಸಿ ಕಾಂಪ್ಲೆಕ್ಸ್ ವೊಂದರ ಕಡೆ ಹೋಗ್ತಿದ್ದರು. ಈ ವೇಳೆ ಏಕಾಏಕಿ ಬಂದ ಅನಾಮಧೇಯ ವ್ಯಕ್ತಿ ವೈದ್ಯರಿಗೆ ಚಾಕುವಿನಿಂದ ಇರಿದಿದ್ದಾನೆ.

ಚಾಕು ಇರಿತದಿಂದ ವಿಶ್ವನಾಥ್ ಹೊಟ್ಟೆಯಿಂದ ರಕ್ತಸ್ರಾವವಾಗಿದೆ. ಇತ್ತ ಚಾಕು ಇರಿದ ವ್ಯಕ್ತಿಯ ಬಳಿ ನೋಟ್ ಬುಕ್ ಹಾಗೂ ಅದರಲ್ಲಿ ಡಾ. ವಿಶ್ವನಾಥ್‍ರ ಡಿಟೈಲ್ಸ್ ಪತ್ತೆಯಾಗಿದೆ. ಹಳೆ ವೈಷಮ್ಯದ ಹಿನ್ನೆಲೆಯಲ್ಲಿ ಚಾಕು ಇರಿದಿರುವ ಶಂಕೆ ವ್ಯಕ್ತವಾಗಿದೆ.

ಸ್ಥಳಕ್ಕೆ ಸ್ಟೇಷನ್ ಬಜಾರ್ ಠಾಣೆ ಪೊಲೀಸರು ಭೇಟಿ ನೀಡಿ ವ್ಯಕ್ತಿಯನ್ನ ಬಂಧಿಸಿದ್ದಾರೆ.