ಸ್ಯಾಂಡಲ್‍ವುಡ್ ಕೃಷ್ಣನಿಗೆ ಸಿಕ್ರು ಹೊಸ ಜಿಮ್ ಪಾರ್ಟ್ನರ್

ಬೆಂಗಳೂರು: ಸ್ಯಾಂಡಲ್‍ವುಡ್ ಕೃಷ್ಣ ಅಜಯ್ ರಾವ್ ಅವರಿಗೆ ಹೊಸ ಜಿಮ್ ಪಾರ್ಟ್ನರ್ ಸಿಕ್ಕಿದ್ದು, ಫೋಟೋಗಳನ್ನ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಹೌದು, ಅಜಯ್ ರಾವ್‍ಗೆ ಸಿಕ್ಕಿರುವ ಹೊಸ ಜಿಮ್ ಪಾರ್ಟ್ನರ್ ಅವರ ಮುದ್ದಿನ ಮಗಳು ಚೆರ್ರಿ. ಜಿಮ್ ನಲ್ಲಿ ಮಗಳ ಜೊತೆ ವರ್ಕೌಟ್ ಮಾಡುತ್ತಿರುವ ಕ್ಯೂಟ್ ಫೋಟೋ ಹಂಚಿಕೊಂಡಿದ್ದಾರೆ. ಮುದ್ದು ಚೆರ್ರಿ ತನ್ನ ಕೋಮಲ ಕೈಗಳಿಂದ ಡಂಬಲ್ಸ್ ಎತ್ತಲು ಪ್ರಯತ್ನಿಸುತ್ತಿರೋದನ್ನ ಫೋಟೋಗಳನ್ನ ನೋಡಬಹುದು. ಸದ್ಯ ಮಗಳ ಜೊತೆ ಜಿಮ್ ಮಾಡುತ್ತಿರುವ ಫೋಟೋಗಳು ವೈರಲ್ ಆಗ್ತಿದೆ.

ಅಜಯ್ ರಾವ್ ಮಗಳಿಗೆ ಚೆರಿಷ್ಮಾ ಎಂದು ಹೆಸರಿಟ್ಟಿದ್ದು, ಪ್ರೀತಿಯಿಂದ ಚೆರ್ರಿ ಅಂತ ಕರೆಯುತ್ತಾರೆ. ನವೆಂಬರ್ 22ರಂದು ಮುದ್ದು ಚೆರ್ರಿಯ ಎರಡನೇ ವರ್ಷದ ಹುಟ್ಟುಹಬ್ಬವನ್ನ ಆಚರಿಸಿದ್ದರು. ಬರ್ತ್ ಡೇ ಫೋಟೋಗಳು ಸಹ ವೈರಲ್ ಆಗಿದ್ದವು. ಅಜಯ್ ರಾವ್ ಸಿನಿಮಾ ಜೊತೆಗೆ ಮಗಳ ಮುದ್ದು ಫೋಟೋಗಳನ್ನ ಹಂಚಿಕೊಳ್ಳುತ್ತಿರುತ್ತಾರೆ.

ತಂದೆ ಮತ್ತು ಮಗಳ ನಡುವಿನ ಬಾಂಧವ್ಯದ ಬಗ್ಗೆ ಹೇಳಲು ಪದಗಳೇ ಸಾಲಲ್ಲ. ಮಗಳು ತಂದೆಗೆ ಎರಡನೇ ತಾಯಿ ಆಗ್ತಾಳೆ ಅನ್ನೋ ಮಾತಿದೆ. ಅಮ್ಮನಿಗಿಂತಲೂ ಮಗಳಿಗೆ ಅಪಪ್ಪ ಹೆಚ್ಚು ಇಷ್ಟ. ತಂದೆಯ ಪ್ರೀತಿಯ ಮಗಳು, ಡ್ಯಾಡಿಯ ಏಂಜೆಲ್ ಅಂತ ಹೆಣ್ಣು ಮಕ್ಕಳು ಹೇಳಿಕೊಳ್ಳುತ್ತಿರುತ್ತಾರೆ. ಒಂದು ಹೆಣ್ಣು ಹತ್ತು ಗಂಡು ಮಕ್ಕಳಿಗೆ ಸಮ ಅನ್ನೋ ಮಾತು ಇದೆ.

I have gotta new gym partner ???????????? pic.twitter.com/U6C0gmzRdO

— Ajai Rao (@AjaiRao) April 5, 2021