ಸ್ಯಾಂಡಲ್‍ವುಡ್‍ನಲ್ಲಿ ಡ್ರಗ್ಸ್ ಬಿರುಗಾಳಿ- ವಿಚಾರಣೆ ವೇಳೆ ಲೂಸ್ ಮಾದ ಯೋಗಿ ಹೇಳಿದ್ದೇನು?

ಬೆಂಗಳೂರು: ಸ್ಯಾಂಡಲ್‍ವುಡ್‍ಗೆ ಅಪ್ಪಳಿಸಿರುವ ಡ್ರಗ್ಸ್ ಸುಂಟರಗಾಳಿಗೆ ಈಗ ಹೊಸ ದಿಕ್ಕು ಸಿಕ್ಕಿದೆ. ಕನ್ನಡ ಸಿನಿಲೋಕದ ನಶೆ ದುನಿಯಾದಲ್ಲಿ ಲೂಸ್ ಮಾದ ಯೋಗಿ ಹೆಸರೂ ಕೇಳಿ ಬಂದಿದೆ.

ಲೂಸ್ ಮಾದ ಯೋಗಿಯನ್ನ ಆಂತರಿಕ ಭದ್ರತಾ ವಿಭಾಗದ ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ. ಯೋಗಿಗೆ ಡ್ರಗ್ಸ್ ದಂಧೆಕೋರರ ಜೊತೆ ನಂಟಿರುವ ಬಗ್ಗೆ ಸುಳಿವು ಸಿಕ್ಕಿದೆ. ಮೊಬೈಲ್ ಲೋಕೇಷನ್ ಮತ್ತು ಕಾಲ್ ರೆಕಾರ್ಡ್ಸ್ ಮಾಹಿತಿ ಪ್ರಕಾರ ಡ್ರಗ್ಸ್ ಪೆಡ್ಲರ್ ರೊಂದಿಗೆ ನಟ ಸಂಪರ್ಕದಲ್ಲಿದ್ದರು ಎಂಬ ಮಾಹಿತಿ ಪೊಲೀಸರಿಗೆ ಸಿಕ್ಕಿದೆ ಎನ್ನಲಾಗುತ್ತಿದೆ.

ಸದ್ಯ ಜೈಲಲ್ಲಿರುವ ನಟಿ ರಾಗಿಣಿ ಜೊತೆಗಿನ ಆತ್ಮೀಯ ಸ್ನೇಹವೂ ಯೋಗಿಗೆ ಮುಳುವಾಗುವ ಸಾಧ್ಯತೆ ಇದೆ. ಈ ಹಿಂದೆ ತಾವು ದುಶ್ಚಟಗಳ ದಾಸನಾಗಿದ್ದೇ ಎಂದು ಕನ್ನಡದ ಯೂಟ್ಯೂಬ್ ಚಾನೆಲ್‍ಗೆ ನೀಡಿದ್ದ ಸಂದರ್ಶನದಲ್ಲಿ ಲೂಸ್ ಮಾದ ಹೇಳಿಕೊಂಡಿದ್ದರು. ಪುಂಡ ಸಿನಿಮಾದ ಸೋಲಿನಿಂದ ಕಂಗೆಟ್ಟು ಕೆಟ್ಟ ಚಟಗಳ ದಾಸನಾಗಿದ್ದೆ. ಅದರಿಂದ ಹೊರಬರಲು ಸಾಕಷ್ಟು ಕಷ್ಟಪಟ್ಟೆ. ಈಗ ಎಲ್ಲ ಚಟಗಳಿಂದ ಮುಕ್ತನಾಗಿದ್ದೇನೆ ಎಂದು ಯೋಗಿ ಹೇಳಿದ್ದರು.

ಯೋಗಿ ಹೇಳಿದ್ದೇನು?
ಈಗಾಗಲೇ ವಿಚಾರಣೆಗೆ ಒಳಗಾಗಿರುವ ಲೂಸ್ ಮಾದ ಯೋಗಿ ಪೊಲೀಸರಿಗೆ ಈ ಕುರಿತು ಮಾತನಾಡಿದ್ದಾರೆ.
ಐಎಸ್‍ಡಿ ಅಧಿಕಾರಿ: ಡ್ರಗ್ಸ್ ಸಂಬಂಧ ಏನ್ ಹೇಳ್ತೀರಿ?
ಲೂಸ್ ಮಾದ: ಡ್ರಗ್ಸ್ ಬಗ್ಗೆ ನನಗೇನು ಗೊತ್ತೇ ಇಲ್ಲ.
ಐಎಸ್‍ಡಿ ಅಧಿಕಾರಿ: ಡ್ರಗ್ ಪೆಡ್ಲರ್ಸ್ ನಿಮ್ಮ ಹೆಸ್ರು ಹೇಳಿದ್ದಾರಲ್ಲ?
ಲೂಸ್ ಮಾದ: ಯಾರು ಸರ್?
ಐಎಸ್‍ಡಿ ಅಧಿಕಾರಿ: ಒಬ್ಬನೇ ಪೆಡ್ಲರ್ ಹೇಳಿಲ್ಲ, ಹಲವಾರು ಪೆಡ್ಲರ್‌ಗಳು ನಿಮ್ಮ ಹೆಸರು ಹೇಳಿದ್ದಾರೆ?
ಲೂಸ್ ಮಾದ: ಹಾಗೇಕೆ ಹೇಳಿದ್ರು ಗೊತ್ತಿಲ್ಲ ಸರ್.
ಐಎಸ್‍ಡಿ ಅಧಿಕಾರಿ: ಡ್ರಗ್ ಸೇವಿಸ್ತಿದ್ದೀರಾ ನೀವು?
ಲೂಸ್ ಮಾದ: ಸರ್. ಫಿಲ್ಮ್ ಯೊಂದರ ಸೋಲಿನಿಂದ ವ್ಯಸನಿಯಾಗಿದ್ದೆ, ಡ್ರಗ್ ಸೇವಿಸಸ್ತಿರಲಿಲ್ಲ, ಎಣ್ಣೆ ಸಿಗರೇಟ್ ಹೆಚ್ಚಾಗಿತ್ತು ಅಷ್ಟೇ.

ಐಎಸ್‍ಡಿ ಅಧಿಕಾರಿ: ನೀವು ಡ್ರಗ್ ತೆಗೆದುಕೊಳ್ಳುತ್ತಿದ್ದ ಬಗ್ಗೆ ನಮ್ಮ ಬಳಿ ಸಾಕ್ಷ್ಯ ಇದೆಯೆಲ್ಲ?
ಲೂಸ್ ಮಾದ: ಉತ್ತರಿಸದೇ ಮೌನ.
ಐಎಸ್‍ಡಿ ಅಧಿಕಾರಿ: ಅಂದ್ರಹಳ್ಳಿ ಬಳಿ ಸಿಕ್ಕಿದ ಡ್ರಗ್ ಪೆಡ್ಲರ್ ಗೂ ನಿಮಗೂ ಏನು ಸಂಬಂಧ?
ಲೂಸ್ ಮಾದ: ಯಾರೋ ಗೊತ್ತಿಲ್ಲ ಸರ್.
ಐಎಸ್‍ಡಿ ಅಧಿಕಾರಿ: ಏಳೆಂಟು ಜನ ಸೇರ್ಕೊಂಡು ಈಗಲು ಡ್ರಗ್ ತರಿಸಿಕೊಳ್ತಿದ್ದೀರಂತಲ್ಲ?
ಲೂಸ್ ಮಾದ: ಯಾವುದು ಇಲ್ಲ ಸರ್.
ಐಎಸ್‍ಡಿ ಅಧಿಕಾರಿ: ಯಾರ್ಯಾರು ನಿಮ್ಮ ಡ್ರಗ್ ಪಾಟ್ರ್ನರ್ಸ್ ಅಂತಾ ಹೇಳ್ಬೇಕಾ?
ಲೂಸ್ ಮಾದ: ಉತ್ತರವಿಲ್ಲ
ಐಎಸ್‍ಡಿ ಅಧಿಕಾರಿ: ಸಾಕಷ್ಟು ಎವಿಡೆನ್ಸ್ ನಿಮ್ಮನ್ನ ಡ್ರಗ್ ಕೇಸಲ್ಲಿ ತೋರಿಸ್ತಿವೆ
ಲೂಸ್ ಮಾದ: ಉತ್ತರವಿಲ್ಲ
ಐಎಸ್‍ಡಿ ಅಧಿಕಾರಿ : ವಿಚಾರಣೆಗೆ ಕರೆದಾಗ ಮತ್ತೆ ಬರಬೇಕು
ಲೂಸ್ ಮಾದ : ಸರಿ ಸರ್.