ಬೆಂಗಳೂರು: ಸ್ಯಾಂಡಲ್‍ವುಡ್ ನಟಿ ರಚಿತಾ ರಾಮ್‍ಗಾಗಿ ನಟರೊಬ್ಬರು ತಮ್ಮ ಪತ್ನಿಯ ಕೈಯಾರೆ ಕೇಕ್ ಮಾಡಿ ಕೊಟ್ಟಿದ್ದಾರೆ. ಈ ಕೇಕ್ ಅನ್ನು ರಚಿತಾ ನಾಲಿಗೆ ಚಪ್ಪರಿಸಿ ತಿಂದ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಅಗುತ್ತಿದೆ.
View this post on Instagram
ಹೌದು. ಈ ಕೇಕ್ ಅನ್ನು ಅಜಯ್ ರಾವ್ ಪತ್ನಿ ಸ್ವಪ್ನಾ ರಾವ್ ತಯಾರಿಸಿದ್ದಾರೆ. ರಚಿತಾ ಅವರು ವೀಡಿಯೋವನ್ನು ಇನ್ ಸ್ಟಾ ದಲ್ಲಿ ಹಂಚಿಕೊಂಡು, ಬಾಯಲ್ಲಿ ನೀರೂರಿಸುವ ಕೇಕ್ ಕಳುಹಿಸಿದ್ದೀರಾ, ಇದು ತುಂಬಾ ತುಂಬಾ ಚೆನ್ನಾಗಿದೆ ಎಂದು ಹೇಳುತ್ತಾ ನಾಲಿಗೆ ಚಪ್ಪರಿಸಿಕೊಂಡು ತಿನ್ನುತ್ತಿರುವುದನ್ನು ಕಾಣಬಹುದಾಗಿದೆ. ಇದನ್ನೂ ಓದಿ: ಈ ವರ್ಷದಲ್ಲಿ ದೇಶದಲ್ಲೇ ಮೊದಲು- ಹಕ್ಕಿ ಜ್ವರಕ್ಕೆ 12ರ ಬಾಲಕ ಬಲಿ
View this post on Instagram
‘ಲವ್ ಯೂ ರಚ್ಚು’ ಸಿನಿಮಾದಲ್ಲಿ ರಚಿತಾ ರಾಮ್ ಹಾಗೂ ಅಜಯ್ ರಾವ್ ನಟಿಸುತ್ತಿದ್ದಾರೆ. ಮೊಗ್ಗಿನ ಮನಸ್ಸು ಖ್ಯಾತಿಯ ಶಶಾಂಕ್ ಕಥೆ ಬರೆದಿರುವ ಈ ಸಿನಿಮಾವನ್ನು ಶಂಕರ್ ಎಸ್ ರಾಜ್ ಡೈರೆಕ್ಷನ್ ಮಾಡುತ್ತಿದ್ದಾರೆ. ಇದೇ ಸಿನಿಮಾದ ಶೂಟಿಂಗ್ ನಡೆಯುತ್ತಿದ್ದು, ಹಾಡೊಂದರ ಚಿತ್ರೀಕರಣದಲ್ಲಿ ಅಜಯ್ ರಾವ್, ರಚಿತಾ ಪಾಲ್ಗೊಂಡಿದ್ದರು. ಈ ವೇಳೆ ಅಜಯ್ ಅವರ ಪತ್ನಿ ಸ್ವಪ್ನಾ ಅವರು ಕಳುಹಿಸಿಕೊಟ್ಟಿರುವ ಸ್ಪೆಷಲ್ ಕೇಕ್ ಅನ್ನು ರಚಿತಾ ಟೇಸ್ಟ್ ಮಾಡಿದ್ದಾರೆ.
