ಬೆಂಗಳೂರು: ಭಾರತ ಕ್ರಿಕೆಟ್ ಕಂಡ ಅಪ್ರತಿಮ ನಾಯಕ ಕೂಲ್ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಜುಲೈ 7ರಂದು 40ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಮಾಹಿಯ ಜನ್ಮದಿನಕ್ಕಾಗಿ ಸ್ಯಾಂಡಲ್‍ವುಡ್ ಸ್ಟಾರ್ ನಟ ಕಿಚ್ಚ ಸುದೀಪ್ ಅವರು ಸಿಡಿಪಿ ಅನಾವರಣಗೊಳಿಸಿದ್ದಾರೆ.
ಮಾಹಿಯ ಅಭಿಮಾನಿಯಾಗಿರುವ ಕಿಚ್ಚ, ಧೋನಿಯ ಹುಟ್ಟುಹಬ್ಬಕ್ಕಾಗಿ ವಿಶೇಷವಾಗಿ ಕಾಮನ್ ಡಿಸ್‍ಪ್ಲೇ ಪಿಕ್ಚರ್(ಸಿಡಿಪಿ)ಯನ್ನು ಬಿಡುಗಡೆ ಮಾಡಿದ್ದಾರೆ. ಈ ಪೋಸ್ಟರ್‍ನಲ್ಲಿ ಧೋನಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಟೀಂ ಇಂಡಿಯಾದ ಜೆರ್ಸಿಯನ್ನು ಒಟ್ಟಿಗೆ ಧರಿಸಿರುವಂತೆ ಭಾಸವಾಗುತ್ತಿದ್ದಾರೆ. ಇದರ ಹಿಂದೆ ಮಾಹಿಯ ನಾನಾ ಅವತಾರದ ಫೋಟೋಗಳು ಕೂಡ ಕಂಗೊಳಿಸುತ್ತಿದೆ. ಇದನ್ನೂ ಓದಿ : ಧೋನಿ ಮಾಸ್ ಮೀಸೆಗೆ ಅಭಿಮಾನಿಗಳು ಫಿದಾ
He is everyone's hero ,,,,, he's everyone's favorite,,,,he's everyone's star,,,n he's everyone's inspiration.
I'm happy and honored to be releasing the CDP of @msdhoni ,,,not as an actor,,, but as a fan.
My bestest wishes to u.
Happy returns Sir.#DhoniBdayFestBegins @msdhoni pic.twitter.com/4N7JoS7EdC
— Kichcha Sudeepa (@KicchaSudeep) July 1, 2021
ಸ್ವತಃ ಕ್ರಿಕೆಟ್ ಆಟಗಾರನಾಗಿ ಕ್ರಿಕೆಟ್ ಪ್ರೇಮಿಯಾಗಿರುವ ಅಭಿನಯಚಕ್ರವರ್ತಿ, ಮಾಹಿಯ ಅಭಿಮಾನಿಯಾಗಿ ಅವರಿಗೆ ತುಂಬಾ ಗೌರವವನ್ನು ಕೊಡುತ್ತಾರೆ. ಈ ಸಿಡಿಪಿಯನ್ನು ಕಿಚ್ಚ ಟ್ವಿಟ್ಟರ್‍ ನಲ್ಲಿ ಪೋಸ್ಟ್ ಮಾಡಿ “ಅವರು ಎಲ್ಲರ ನಾಯಕ, ಎಲ್ಲರ ಅಚ್ಚುಮೆಚ್ಚಿನವರು, ಅವರು ಎಲ್ಲರ ಸ್ಟಾರ್ ಮತ್ತು ಎಲ್ಲರ ಸ್ಫೂರ್ತಿ ಅವರ ಸಿಡಿಪಿ ಬಿಡುಗಡೆ ಮಾಡುತ್ತಿವುರುದು ನನಗೆ ತುಂಬಾ ಸಂತೋಷ ನೀಡಿದೆ. ಹೆಮ್ಮೆ ಅನಿಸುತ್ತಿದೆ. ನಟನಾಗಿ ಅಲ್ಲದೆ, ನಾನೊಬ್ಬ ನಿಮ್ಮ ಅಭಿಮಾನಿಯಾಗಿ ನಿಮಗೆ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದೇನೆ ಸರ್ ಎಂದು ಬರೆದುಕೊಂಡಿದ್ದಾರೆ.
