ಭೋಪಾಲ್: ಶೋಲೆಯ ಗಬ್ಬರ್ ಸಿಂಗ್ ಡೈಲಾಗ್ ಹೇಳಿ ಪೊಲೀಸ್ ಅಧಿಕಾರಿಯೊಬ್ಬರು ಸಂಕಷ್ಟಕ್ಕೆ ಸಿಲುಕಿರುವ ಘಟನೆ ಭೋಪಾಲ್ನ ಮಧ್ಯಪ್ರದೇಶದಲ್ಲಿ ನಡೆದಿದೆ.
ಕರ್ತವ್ಯದಲ್ಲಿದ್ದ ಪೊಲೀಸ್ ಅಧಿಕಾರಿ ಕೆ.ಎಲ್ ದಾಂಗಿ ಅವರು ಬಾಲಿವುಡ್ ಸಿನಿಮಾವಾದ ಶೋಲೆಯ ಗಬ್ಬರ್ಸಿಂಗ್ ಪಾತ್ರದ ಡೈಲಾಗ್ ಹೇಳಿದ್ದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 15 ಸೆಕೆಂಡ್ಗಳ ಈ ವಿಡಿಯೋ ಪೊಲೀಸ್ ಅಧಿಕಾರಿಗೆ ಸಂಕಷ್ಟ ತಂದಿದೆ.
ಪೊಲೀಸ್ ಅಧಿಕಾರಿಯ ಈ ವಿಡಿಯೋ ಮೇಲಾಧಿಕಾರಿಗಳ ಗಮನಕ್ಕೆ ಬಂದಿದ್ದು, ದಾಂಗಿ ಅವರಿಗೆ ಶೋಕಾಸ್ ನೋಟಿಸ್ ನೀಡಲಾಗಿದೆ. ಈ ವಿಚಾರವಾಗಿ ಪ್ರಾಥಮಿಕ ತನಿಖೆ ನಂತರ ಮುಂದಿನ ಕ್ರಮವನ್ನು ಕೈ ಗೊಳ್ಳಲಾಗುತ್ತದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿ ಆನಂದ್ ಸಿಂಗ್ ಹೇಳಿದ್ದಾರೆ.
ವಿಡಿಯೋದಲ್ಲಿ ಏನಿದೆ?
ಜಾಬುವಾ ಜಿಲ್ಲೆಯ ಕಲ್ಯಾಣಪುರ ಠಾಣೆ ಪೊಲೀಸ್ ಅಧಿಕಾರಿ ಕೆ.ಎಲ್ ದಾಂಗಿ ಕರ್ತವ್ಯದಲ್ಲಿದ್ದ ವೇಳೆ ಪೊಲೀಸ್ ಜೀಪ್ನ ಮೆಗಾಫೋನ್ನಲ್ಲಿ ಗಬ್ಬರ್ ಸಿಂಗ್ ಡೈಲಾಗ್ನ್ನು ಸ್ವಲ್ಪ ಬದಲಾವಣೆ ಮಾಡಿಕೊಂಡು ಮಲಗು ಮಗು, ಇಲ್ಲಾ ಅಂದ್ರೆ ಗಬ್ಬರ್ ಬರ್ತಾನೆ (ಸೋಜಾ ಬೇಟಾ, ನಹೀ ತೋ ಗಬ್ಬರ್ ಆಜಾಯೇಗಾ) ಎಂಬ ಬಾಲಿವುಡ್ನ ಶೋಲೆ ಸಿನಿಮಾದ ಫೇಮಸ್ ಡೈಲಾಗ್ ಅನ್ನು ಮಗು ಅತ್ತರೆ ಅಮ್ಮ ಹೇಳ್ತಾಳೆ. ಮಗು ಮಲಗು ಮಗು, ಇಲ್ಲಾಂದ್ರೆ ದಾಂಗಿ ಬರ್ತಾನೆ ಎಂದು ಬದಲಾಯಿಸಿಕೊಂಡು ಸ್ಪೀಕರ್ ಮೂಲಕ ಹೇಳಿದ್ದಾರೆ. ಇದೀಗ ಈ 15 ಸಕೆಂಡ್ಗಳ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Show-cause notice issued to KL Dangi, Incharge of Kalyanpura Police station in Jhabua who was spotted saying an altered version of ”Sholay” from a megaphone mounted on his police jeep @ndtv @ndtvindia pic.twitter.com/wVnQsyIW30
— Anurag Dwary (@Anurag_Dwary) November 16, 2020
