ದಾವಣಗೆರೆ: ಮಹಾಮಾರಿ ಕೊರೊನಾವನ್ನು 8 ತಿಂಗಳ ಮಗು(ರೋಗಿ-632) ಗೆದ್ದು ಬಂದಿದ್ದು, ಸಿಬ್ಬಂದಿ ಚಪ್ಪಾಳೆ ತಟ್ಟುವ ಮೂಲಕ ಆಸ್ಪತ್ರೆಯಿಂದ ಬಿಡುಗಡೆ ಮಾಡಿದ್ದಾರೆ.
ಸ್ಪಾಪ್ ನರ್ಸ್ ಸಂಪರ್ಕದಿಂದ 8 ತಿಂಗಳ ಹೆಣ್ಣು ಮಗುವಿಗೆ ಸೋಂಕು ಹರಡಿತ್ತು. ಈ ಹಿನ್ನೆಲೆಯಲ್ಲಿ ಕೊರೊನಾ ಪಾಸಿಟಿವ್ ಒಳಗಾಗಿ ಮಗು ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿತ್ತು.
ಮಗುವಿಗೆ ಪಾಸಿಟಿವ್ ಎಂದು ವರದಿ ಬಂದ ಬೆನ್ನಲ್ಲೇ ಸರ್ವೆಕ್ಷಣಾ ಇಲಾಖೆ ತಕ್ಷಣ ಸ್ಪಂದಿಸಿದೆ. ಜಿಲ್ಲಾಸ್ಪತ್ರೆ ವೈದ್ಯರು ತುರ್ತು ಕ್ರಮ ಕೈಗೊಂಡು ಚಿಕಿತ್ಸೆ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಪುಟ್ಟ ಕಂದಮ್ಮ ಗುಣಮುಖವಾಗಿದೆ. ಅದೃಷ್ಟವಶಾತ್ ತಾಯಿಗೆ ಕೊರೊನಾ ತಗುಲಿಲ್ಲ. ಸದ್ಯ ಚಪ್ಪಾಳೆ ತಟ್ಟಿ ಆರೋಗ್ಯ ಇಲಾಖೆ ಸಿಬ್ಬಂದಿ ಆಸ್ಪತ್ರೆಯಿಂದ ಬಿಡುಗಡೆ ಮಾಡಿದ್ದಾರೆ.
ಮಗು ಜೊತೆಯಲ್ಲಿ ಒಟ್ಟು 18 ಮಂದಿ ಬಿಡುಗಡೆಯಾಗಿದ್ದಾರೆ. ಎಲ್ಲರನ್ನೂ ಜಿಲ್ಲಾಡಳಿತ ಸಂಭ್ರಮದಿಂದ ಬಿಳ್ಕೊಟ್ಟಿದೆ. ಇಂದು ರೋಗಿ-630, ರೋಗಿ- 631, ರೋಗಿ-755, ರೋಗಿ- 668 ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. ಕಳೆದ 25 ದಿನದಲ್ಲಿ ದಾವಣಗೆರೆಯಲ್ಲಿ 123 ಮಂದಿ ಸೋಂಕಿತರು ದಾಖಲಾಗಿದ್ದರು. ಪಾಸಿಟಿವ್ ಪ್ರಕರಣ ದಾಖಲಾಗುತ್ತಿದ್ದಂತೆ ಆತಂಕದಲ್ಲಿ ಇದ್ದ ಜನರಿಗೆ ಸಂತಸದ ಸುದ್ದಿ ಕೂಡ ಹೊರಬಿದ್ದಿದೆ. ಪ್ರತಿದಿನ ಸೋಂಕಿತರು ಗುಣಮುಖರಾಗುತ್ತಿದ್ದು, ಪಾಸಿಟಿವ್ ಪ್ರಕರಣ 71ಕ್ಕೆ ಇಳಿದಿದೆ.
