ಕೊಲ್ಕತ್ತಾ: ಪಶ್ಚಿಮ ಬಂಗಾಳದ ಪೂರ್ವ ಮಿಡ್ನಾಪೋರ್ ಜಿಲ್ಲೆಯ ಸಮುದ್ರ ತೀರವೊಂದರಲ್ಲಿ 36 ಅಡಿ ಉದ್ದದ ಬೃಹತ್ ತಿಮಿಂಗಿಲದ ಶವವೊಂದು ಪತ್ತೆಯಾಗಿದೆ.
ಮಿಡ್ನಾಪೋರ್ ಜಿಲ್ಲೆಯ ಮಂದಾರಮಣಿ ಬೀಚ್ನಲ್ಲಿ ಸೋಮವಾರ ಬೃಹತ್ ತಿಮಿಂಗಿಲದ ಶವ ಪತ್ತೆಯಾಗಿದೆ. ತಿಮಿಂಗಿಲದ ದೇಹ ಮತ್ತು ಬಾಲದ ಮೇಲೆ ಅನೇಕ ಗಾಯದ ಗುರುತುಗಳು ಪತ್ತೆಯಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ ತಿಮಿಂಗಿಲದ ಸಾವಿಗೆ ಕಾರಣ ತಿಳಿದುಬಂದಿಲ್ಲ.
ತಿಮಿಂಗಿಲದ ಸಾವಿಗೆ ನಿಖರವಾದ ಕಾರಣವನ್ನು ಕಂಡುಹಿಡಿಯಲು ಸ್ಥಳೀಯ ಮಂದಾರಮಣಿ ಪೊಲೀಸ್ ಠಾಣೆ ಮತ್ತು ರಾಜ್ಯ ಅರಣ್ಯ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸುತ್ತಿದ್ದಾರೆ.
ಇನ್ನೂ ಬೃಹತ್ ತಿಮಿಂಗಿಲವನ್ನು ಕಂಡು ಅಚ್ಚರಿಗೊಂಡ ಸ್ಥಳೀಯರು ಕಡಲತೀರದ ಬಳಿ ಜಮಾಯಿಸಿದ್ದು, ತಿಮಿಂಗಿಲದ ಮೃತದೇಹದೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಳ್ಳುತ್ತಿದ್ದರು. ಮಂದಾರಮಣಿ ಬೀಚ್ ಮಿಡ್ನಾಪೋರ್ ನ ಜನಪ್ರಿಯ ಪ್ರವಾಸಿ ತಾಣವಾಗಿದೆ.
West Bengal: A 36-feet-long whale was found dead on the beach of Mandarmani in East Midnapore district yesterday. The carcass of the whale had multiple injury marks. Officials are ascertaining the cause of its injuries and death. pic.twitter.com/wp9FNsWiu4
— ANI (@ANI) June 29, 2020
