ಬೆಂಗಳೂರು: ಕೊರೊನಾ ವಾರಿಯರ್ಸ್ ತಮ್ಮ ಜೀವನದ ಹಂಗು ತೊರೆದು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಅದರಲ್ಲೂ ಮೊಬೈಲ್ ಯುನಿಟ್ ಗಳಲ್ಲಿ ಕರ್ತವ್ಯ ನಿರ್ವಹಿಸುವ ವಾರಿಯರ್ಸ್ ಸ್ಥಿತಿ ಮತ್ತಷ್ಟು ಚಿಂತಾಜನಕವಾಗಿರುತ್ತದೆ. ಈ ವಿಚಾರ ಪಬ್ಲಿಕ್ ಟಿವಿ ನಡೆಸಿದ ರಿಯಾಲಿಟಿ ಚೆಕ್ ವೇಳೆ ಬಯಲಾಗಿದೆ.
ಜೀವ ಪಣಕ್ಕಿಟ್ಟು ಕೆಲಸ ಮಾಡುತ್ತಿರುವ ವಾರಿಯರ್ಸ್ ಗೆ ಸಮಯಕ್ಕೆ ಸರಿಯಾಗಿ ಊಟ ಇಲ್ಲ. ಅಲ್ಲದೆ ಪಿಪಿಐ ಕಿಟ್ ಉಸಿರುಗಟ್ಟಿಸುತ್ತೆ. ದಿನಕ್ಕೆ 6 ರಿಂದ 8 ಗಂಟೆ ಪಿಪಿಇ ಕಿಟ್ ಧರಿಸಿಯೇ ಇರುವಂತಹ ಸ್ಥಿತಿ, ಮೊಬೈಲ್ ಟೆಸ್ಟಿಂಗ್ ಯುನಿಟ್‍ನಲ್ಲಿರೋ ವಾರಿಯರ್ಸ್ ಗೆ ಎದುರಾಗಿದೆ. ಗುಣಮಟ್ಟದ ಪಿಪಿಇ ಕಿಟ್ ಸಿಗದೇ ಕೊರೊನಾ ವಾರಿಯರ್ಸ್ ಗೆ ಆತಂಕ ಉಂಟಾಗಿದೆ.
ಸ್ಥಳ: ಕೆ.ಆರ್ ಮಾರುಕಟ್ಟೆ
ಪ್ರತಿನಿಧಿ – ಪಿಪಿಇ ಕಿಟ್ ಹೆಂಗಿದೆ ಮೇಡಂ
ವಾರಿಯರ್ – 4-6 ಗಂಟೆ ಹಾಕಿಕೊಂಡು ಇರುವುದು ಕಷ್ಟವಾಗುತ್ತದೆ. ಮತ್ತೆ ಡ್ಯೂಟಿ ಮಾಡೊದು 8 ಗಂಟೆ ಆಗುತ್ತದೆ.
ಪ್ರತಿನಿಧಿ – ರೆಸ್ಟ್ ರೂಂ ಯೂಸ್ ಮಾಡಬೇಕಾದಾಗ?
ವಾರಿಯರ್ – ರೆಸ್ಟ್ ರೂಂ ತುಂಬಾನೆ ಕಷ್ಟ ಆಗುತ್ತದೆ. ಸಾರ್ವಜನಿಕ ಶೌಚಾಲಯ ಯೂಸ್ ಮಾಡ್ತಾ ಇರೊದು.. ಸ್ಟಾಫ್ ಗೆ ಅಂತ ಕೊಟ್ಟಿದ್ದರೆ ಚೆನ್ನಾಗಿ ಇರುತ್ತಿತ್ತು.
ಪ್ರತಿನಿಧಿ – ಪಿಪಿಇ ಕಿಟ್ ಸೇಫಾ ಅಲ್ಲ? ಒಳ್ಳೆಯ ಕ್ವಾಲಿಟಿ ಪಿಪಿಇ ಕಿಟ್ ಬೇಕು ಅಂತ?
ವಾರಿಯರ್ – ಕೊಡಬಹುದಾಗಿತ್ತು…ಎರಡ್ ಎರಡ್ ಬಾರಿ ಇದನ್ನೇ ಹಾಕಿ…
ಪ್ರತಿನಿಧಿ – ಎಲ್ಲರ ಕಷ್ಟ ನೋಡ್ತೀರಾ?
ವಾರಿಯರ್ – ಹೌದು.. ನಮ್ ಕಷ್ಟನೂ ನೋಡಬೇಕಿತ್ತಲ್ವ ?
ಪ್ರತಿನಿಧಿ – ನೀರ್ ಬಿದ್ರೆ ಒಳಗೆ ಹೋಗುತ್ತಾ?
ವಾರಿಯರ್ – ಸದ್ಯ ಇದ್ ಕಾಟನ್.. ಏನ್ ಆಗುತ್ತೆ ನೋಡಬೇಕು.. ಸ್ವಲ್ಪ ಭಯ ಆಗುತ್ತದೆ.. ಅದು ವಾಟರ್ ಪ್ರೂಪ್…
ಸ್ಥಳ: ಶ್ರೀನಗರ ಬಸ್ ನಿಲ್ದಾಣ
ಪ್ರತಿನಿಧಿ – ಕಿಟ್ ಕಂಫರ್ಟ್ ಇದೆಯಾ..?
ವಾರಿಯರ್ – 5 ಗಂಟೆ ಹಾಕಿಕೊಳ್ಳಬೇಕು.
ಪ್ರತಿನಿಧಿ – ಬೇವರು ಬರೊದು, ಬೇರೆ ಏನಾದ್ರೂ ತೊಂದರೆ ಇದೆಯಾ..?
ವಾರಿಯರ್ – ಇದು ಕಾಟನ್ ಪರವಾಗಿಲ್ಲ, ಇನ್ನೊಂದು ಇದೆ ಅದು ಸ್ಟೆಟ್ ಆಗುತ್ತದೆ..
ಪ್ರತಿನಿಧಿ – ಹೇಗಿದೆ..?
ವಾರಿಯರ್ – ಪಿಪಿಇ ಕಿಟ್ ನಲ್ಲಿ ಎರಡ್ ಬಗೆ ಇದೆ..
ಪ್ರತಿನಿಧಿ – ಇದು ಪರವಾಗಿಲ್ಲ, ಇನ್ನೊಂದ್ ಉಸಿರಾಡಲು ಆಗಲ್ಲ .. ಕಷ್ಟ ಆಗುತ್ತದೆ..
ವಾರಿಯರ್ – ತುಂಬಾ ಭಾರ ಎನ್ನಿಸುತ್ತದೆ.. ಹೆವಿ ಅನ್ನಿಸುತ್ತದೆ.. ಕಷ್ಟ ಇದು..
ಇದು ಕೊರೊನಾ ವಿರುದ್ಧ ಹೋರಾಟ ಮಾಡುವವರ ಕಷ್ಟವಾಗಿದೆ. ಮೊಬೈಲ್ ಕೋವಿಡ್ ಟೆಸ್ಟ್ ಸೆಂಟರಿನಲ್ಲಿರುವ ಕೊರೊನಾ ವಾರಿಯರ್ಸ್ ಗೆ ಬಿಬಿಎಂಪಿ ರಕ್ಷಣೆ ಕೊಡಲ್ಲ. ಜನಜಂಗುಳಿಯಲ್ಲಿ ನಿಂತು ಕೋವಿಡ್ ಟೆಸ್ಟ್ ಮಾಡಿಸುತ್ತಾರೆ. ಈ ಮೂಲಕ ಇದೇನಾ ಕೊರೊನಾ ವಿರುದ್ಧ ಹೋರಾಟ ಎಂಬ ಪ್ರಶ್ನೆ ಹುಟ್ಟಿದೆ. ಬಿಬಿಎಂಪಿ ಇನ್ನಷ್ಟು ಒಳ್ಳೆಯ ಕ್ವಾಲಿಟಿ ಕಿಟ್ ಕೊಡಬಹುದಿತ್ತು. ಒಟ್ಟಿನಲ್ಲಿ ಶೌಚಾಲಯ ಸಮಸ್ಯೆ, ಪಿಪಿಇ ಕಿಟ್ ಕ್ವಾಲಿಟಿ ಚಾಲೆಂಜ್ ಆಗಿದೆ.
