ದುಬೈ: ಶನಿವಾರ ನಡೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಹೈ ವೋಲ್ಟೇಜ್ ಪಂದ್ಯದ ಕುರಿತು ಸಾಕಷ್ಟು ಚರ್ಚೆ ನಡೆಯುತ್ತಿದ್ದು, ಪ್ರತಿಷ್ಠೆಯ ಪಂದ್ಯವನ್ನು ಗೆಲ್ಲಿಸಿದ್ದಕ್ಕೆ ಆರ್ ಸಿಬಿ ಅಭಿಮಾನಿಗಳು ಸಂಭ್ರಮದಲ್ಲಿ ಮೊಳಗಿದ್ದಾರೆ. ತಂಡದ ನಾಯಕ ವಿರಾಟ್ ಕೊಹ್ಲಿ ಕುರಿತು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇದರ ನಡುವೆಯೇ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ಸಹ ಚಪ್ಪಾಳೆ ತಟ್ಟಿ, ವಿರಾಟ್ಗೆ ಫ್ಲೈಯಿಂಗ್ ಕಿಸ್ ನೀಡುವ ಮೂಲಕ ಆರ್ ಸಿಬಿ ಗೆಲುವನ್ನು ಸಂಭ್ರಮಿಸಿರುವ ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ದುಬೈನಲ್ಲಿ ನಡೆದ ಪಂದ್ಯವನ್ನು ಅನುಷ್ಕಾ ಶರ್ಮಾ ಸ್ಟೇಡಿಯಂನಲ್ಲಿಯೇ ವೀಕ್ಷಿಸಿದ್ದರು. ರೋಚಕ ಪಂದ್ಯವನ್ನು ಕಣ್ತುಂಬಿಕೊಂಡ ಅನುಷ್ಕಾ, ಆರ್ಸಿಬಿ ಗೆಲ್ಲುತ್ತಿದ್ದಂತೆ ಚೀಯರ್ ಮಾಡಿದರು. ಇದನ್ನು ಕಂಡ ಅಭಿಮಾನಿಗಳು ಫುಲ್ ಫಿದಾ ಆಗಿದ್ದಾರೆ. ಪಂದ್ಯ ಗೆಲ್ಲುತ್ತಿದ್ದಂತೆ ಅನುಷ್ಕಾ ಶರ್ಮಾ ಎದ್ದು ನಿಂತು ಚಪ್ಪಾಳೆ ತಟ್ಟುತ್ತಾರೆ ಮಾತ್ರವಲ್ಲ. ಅಲ್ಲಿಂದಲೇ ವಿರಾಟ್ಗೆ ಫ್ಲೈಯಿಂಗ್ ಕಿಸ್ ನೀಡುವ ಮೂಲಕ ಸಂಭ್ರಮಿಸಿದ್ದಾರೆ. ಅನುಷ್ಕಾ ಚೀಯರ್ ಮಾಡಿದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.
ಐಪಿಎಲ್-2020ರ 25ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಮುಖಾಮುಖಿಯಾಗಿದ್ದು, ಈ ಮೂಲಕ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ ಹಾಲಿ ನಾಯಕರ ತಂಡಗಳು ಸೆಣಸಾಡಿದ್ದವು. ಪ್ರತಿಷ್ಠೆಯ ಪಂದ್ಯದಲ್ಲಿ ಆರ್ಸಿಬಿ 37 ರನ್ಗಳಿಂದ ಜಯಗಳಿಸಿದೆ. ಮಾತ್ರವಲ್ಲದೆ ವಿರಾಟ್ ಕೊಹ್ಲಿ ಸಹ ಅಬ್ಬರದ ಆಟವಾಡಿ 52 ಬಾಲ್ಗೆ ಬರೋಬ್ಬರಿ 90 ರನ್ ಸಿಡಿಸುವ ಮೂಲಕ ತಂಡವನ್ನು ಗೆಲ್ಲಿಸಿದ್ದಾರೆ.
ವಿರಾಟ್ ಕೊಹ್ಲಿ ಪಂದ್ಯ ಗೆಲ್ಲಿಸಿ ಪೆವಿಲಿಯನ್ಗೆ ತೆರಳುತ್ತಿರುವ ಅನುಷ್ಕಾ ಸಂಭ್ರಮಿಸಿದ್ದಾರೆ. ಬೆಲ್ ಸ್ಲೀವ್ಸ್ ಡ್ರಸ್ ಹಾಕಿಕೊಂಡು ಬಂದಿದ್ದ ಅನುಷ್ಕಾ, ನಗುತ್ತಲೇ ಪಂದ್ಯ ವೀಕ್ಷಿಸುತ್ತಿದ್ದರು. ಅನುಷ್ಕಾ ಚೀಯರ್ಸ್ ಮಾಡುವ ವಿಡಿಯೋ ನೋಡಿದ ವಿರುಷ್ಕಾ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಅನುಷ್ಕಾ ಸಂಭ್ರಮಿಸುವ ಫೋಟೋ ಹಾಕಿ ಬೆಲೆ ಕಟ್ಟಲಾಗದ ಪ್ರತಿಕ್ರಿಯೆ ಎಂದು ಬಣ್ಣಿಸಿದ್ದಾರೆ.
So today Virat Kohli gave tight slap to those who were saying he fails to play because of Anushka. Have a look at this! ❤#CSKvRCB pic.twitter.com/MpBQzTHbII
— UrMiL07™ (@urmilpatel21) October 10, 2020
ಅನುಷ್ಕಾ ಶರ್ಮಾ ಗರ್ಭಿಣಿಯಾದ ಬಳಿಕ ಸ್ಟೇಡಿಯಂಗೆ ಆಗಮಿಸಿ ಪಂದ್ಯವನ್ನು ವೀಕ್ಷಿಸುತ್ತಿರುವುದು ಇದೇ ಮೊದಲು. ಈ ಹಿಂದೆ ಆರ್ ಸಿಬಿ ಪಂದ್ಯವನ್ನು ಸೋತಾಗ ಕ್ರಿಕೆಟಿಗ ಸುನೀಲ್ ಗವಾಸ್ಕರ್ ಅವರು ಅಸಭ್ಯವಾಗಿ ಕಮೆಂಟ್ ಮಾಡುವ ಮೂಲಕ ಟೀಕೆಗೆ ಗುರಿಯಾಗಿದ್ದರು. ಇದಕ್ಕೆ ಅನುಷ್ಕಾ ಶರ್ಮಾ ಸಹ ತಕ್ಕ ಉತ್ತರ ನೀಡಿದ್ದರು. ಈ ಘಟನೆ ಬಳಿಕವೇ ಅನುಷ್ಕಾ ಸ್ಟೇಡಿಯಂಗೆ ಆಗಮಿಸಿದ್ದು ಹಾಗೂ ಇದೇ ಪಂದ್ಯದಲ್ಲಿ ಕೊಹ್ಲಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶಿಸಿದ್ದು ಅಭಿಮಾನಿಗಳಲ್ಲಿ ಸಂತಸವನ್ನುಂಟು ಮಾಡಿದೆ.
Congratulations Anushka Sharma. You take all the credits today. ❤️ Virat Kohli played well today only because of you.
Yes if he can fail because of her, he can succeed because of her too. Logics.#ViratKohli pic.twitter.com/9DS262ft7p
— Karthi (@The_Hitwicket) October 10, 2020
ಅಭಿಮಾನಿಯೊಬ್ಬರು ಅನುಷ್ಕಾ ಫೋಟೋ ಟ್ವೀಟ್ ಮಾಡಿ, ಶುಭಾಶಯ ಅನುಷ್ಕಾ ಶರ್ಮಾ, ಇಂದು ನೀವು ಎಲ್ಲ ಕ್ರೆಡಿಟ್ಸ್ ತೆಗೆದುಕೊಂಡಿದ್ದೀರಿ. ನಿಮ್ಮಿಂದಾಗಿಯೇ ವಿರಾಟ್ ಕೋಹ್ಲಿ ಅದ್ಭುತವಾಗಿ ಆಟವಾಡಿದ್ದಾರೆ. ಹೌದು ಅವರು ಫೇಲ್ ಆಗುವುದು ಅವರಿಂದಲೇ, ಯಶಸ್ವಿ ಆಗುವುದು ಸಹ ಅವರಿಂದಲೇ ಎಂದು ಬರೆದುಕೊಂಡಿದ್ದಾರೆ.
