ರಿಕ್ಷಾ ಸವಾರಿ ಮಾಡಿದ್ರಾ ಪಾಕ್ ಪ್ರಧಾನಿ..?- ವೈರಲಾದ ವೀಡಿಯೋ ನೋಡಿ

ಇಸ್ಲಾಮಾಬಾದ್: ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ ಕುರಿತಾದ ಸುದ್ದಿಯೊಂದು ಇದೀಗ ಸೋಶಿಯಲ್ ಮೀಡಿಯಾನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.

ಹೌದು. ವ್ಯಕ್ತಿಯೊಬ್ಬ ಆಟೋರಿಕ್ಷಾ ಸವಾರಿಯನ್ನು ಆನಂದಿಸುತ್ತಾ ಹೋಗುತ್ತಿರುವ ವೀಡಿಯೋವೊಂದು ಕೆಲವು ಗಂಟೆಗಳಿಂದ ಸೋಶಿಯಲ್ ಮೀಡಿಯಾನಲ್ಲಿ ವೈರಲ್ ಆಗಿದ್ದು, ಆತ ಈ ವೀಡಿಯೋ ಮೂಲಕ ಈಗ ಬಾರಿ ಪ್ರಸಿದ್ಧಿ ಪಡೆದುಕೊಳ್ಳುತ್ತಿದ್ದಾನೆ.

ಈ ವಿಡಿಯೋದಲ್ಲಿರುವ ವ್ಯಕ್ತಿ ನೋಡುವುದಕ್ಕೆ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಯುವಕರಾಗಿದ್ದಾಗ ಹೇಗಿದ್ದರೂ ಅದೇ ಹೋಲಿಕೆಯನ್ನು ಈತ ಹೊಂದಿದ್ದಾನೆ ಎಂದು ಹಲವು ಅಭಿಮಾನಿಗಳು ಮತ್ತು ಪಾಕ್ ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ವೀಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ.

Prime Minister #ImranKhan'd look alike in Sialkot. pic.twitter.com/xLcdNJf59X

— Abdullah Qamar ツ (@AbdullahQamarr) January 18, 2021

ಸೆಲೆಬ್ರಿಟಿ ಹೋಲಿಕೆ ಹೊಂದಿರುವಂತಹ ಹಲವು ಮಂದಿಗಳನ್ನು ಗಮನಿಸಿರಬಹುದು. ಈ ಹಿಂದೆ ಫೇಮಸ್ ನೀಲಿ ಕಣ್ಣಿನ ಚೈವಾಲಾ ಹೋಲಿಕೆ ಹೊಂದುವ ಮತ್ತೊಬ್ಬ ವ್ಯಕ್ತಿ ಕಂಡು ಬಂದಿದ್ದ, ಅದರಂತೆ ಒಬ್ಬರ ಹೋಲಿಕೆಯನ್ನು ಹೊಂದುವಂತೆ ಮತ್ತೊಬ್ಬರು ಇರುವುದು ಹೊಸ ವಿಚಾರವೇನಲ್ಲ ಎಂದು ಸೋಶಿಯಲ್ ಮೀಡಿಯಾ ವರದಿಯಲ್ಲಿ ತಿಳಿಸಲಾಗಿದೆ.

ಸದ್ಯ ವೈರಲ್ ಆಗುತ್ತಿರುವ ಈ ವೀಡಿಯೋ ಇಮ್ರಾನ್ ಖಾನ್ ಯುವಕರಾಗಿದ್ದಾಗ ಕ್ರಿಕೆಟ್ ಆಟದ ದಿನಗಳನ್ನು ನೆನಪಿಸುತ್ತಿದೆ.
ಇಮ್ರಾನ್ ಖಾನ್ 2018ರ ಆಗಸ್ಟ್ 17 ರಂದು 176 ಮತಗಳನ್ನು ಗಳಿಸಿ, 2018ರ ಆಗಸ್ಟ್ 18ರಂದು ಪ್ರಮಾಣ ವಚನ ಸ್ವೀಕರಿಸುವ ಮೂಲಕ ಪಾಕಿಸ್ತಾನದ 22ನೇ ಪ್ರಧಾನ ಮಂತ್ರಿಯಾದರು.