ರಾತ್ರಿ ಗುಸು ಗುಸು ಮಾತಾಡಿದ ಅರವಿಂದ್, ದಿವ್ಯಾ – ಲೈಟ್ ಆಫ್ ಮಾಡಿ ಅಂದ ಡಿಎಸ್

ಬೆಂಗಳೂರು: ಬೆಡ್ ರೂಮ್ ಇಲ್ಲದೆ ಮನೆಮಂದಿಯೆಲ್ಲಾ ಇದೀಗ ಲಿವಿಂಗ್ ಏರಿಯಾದಲ್ಲಿ ಒಟ್ಟಾಗಿ ಮಲಗಿಕೊಳ್ಳುತ್ತಿದ್ದಾರೆ. ಈ ಮಧ್ಯೆ ದಿವ್ಯಾ ಹಾಗೂ ಅರವಿಂದ್ ಜೊತೆಯಾಗಿ ಮಲಗಿದ್ದರು.

ಈ ವೇಳೆ ದಿವ್ಯಾ ಉರುಡುಗ.. ಬಿಗ್‍ಬಾಸ್ ಅರವಿಂದ್ ಕೆ.ಪಿ ಮೈಕ್ ಹಾಕಿಕೊಳ್ಳದೇ ಮಾತನಾಡುತ್ತಿದ್ದಾರೆ ಎಂದು ಆರೋಪಿಸುತ್ತಾರೆ. ಆಗ ಅರವಿಂದ್ ಬೆಡ್ ಶೀಟ್ ಎತ್ತಿ ಮೈಕ್ ಇಲ್ಲಿಯೇ ಇದೆ ಬಿಗ್‍ಬಾಸ್ ಎಲ್ಲಿಯೂ ತೆಗೆದಿಲ್ಲ. ಇಲ್ಲಿ ನೀವು ಅರವಿಂದ್ ನಿಮ್ಮ ಮೈಕ್‍ನನ್ನು ಸರಿಯಾಗಿ ಧರಿಸಿ ಎಂದು ಹೇಳುತ್ತೀರಾ, ಆಗ ಎಲ್ಲರೂ ನನ್ನನ್ನೇ ಎದ್ದು ನೋಡುತ್ತಾರೆ.

ನಂತರ ದಿವ್ಯಾ ಉರುಡುಗ ಅಲ್ಲಿ ಪ್ರಶಾಂತ್‍ರವರು ಒಬ್ಬರೆ ಮಲಗಿದ್ದರು. ಏನಾದರೂ ಬೇಜಾರಾಗಿದ್ಯಾ ಅಂತ ದಿವ್ಯಾ ಕೇಳಿದಾಗ ಅರವಿಂದ್ ನನಗೆ ಗೊತ್ತಿಲ್ಲ, ನಾನು ಕೇಳುವುದಕ್ಕೂ ಕೂಡ ಹೋಗಲಿಲ್ಲ ಎನ್ನುತ್ತಾರೆ.

ಬಳಿಕ ನಾವು ಕೂಡ ಎಲ್ಲರ ಜೊತೆ ಅಲ್ಲಿಯೇ ಮಲಗಬಹುದಿತ್ತಾಲ್ವಾ ಎಂದು ದಿವ್ಯಾ ಕೇಳಿದಾಗ, ನಾವು ಅಲ್ಲಿ ಮಲಗಬಾರದು ಎಂದಲ್ಲ, ಜಾಗ ಸಾಲುವುದಿಲ್ಲ ಅಂತಾ ಅಷ್ಟೇ. ಯಾಕೆ ನಿನಗೆ ಅಲ್ಲೇ ಮಲಗಬೇಕಾಗಿತ್ತಾ ಎಂದು ಕೇಳುತ್ತಾರೆ. ಆಗ ದಿವ್ಯಾ ಥೂ ಇಲ್ಲಪಾ.. ಅಂತಾರೆ.

ಆಗ ದಿವ್ಯಾ ಸುರೇಶ್ ಇವರೇ.. ಲೈಟ್ ಆಫ್ ಮಾಡಿ ಎಂದು ಬಿಗ್‍ಬಾಸ್‍ಗೆ ಹೇಳುತ್ತಾರೆ. ಈ ವೇಳೆ ಮನೆ ಮಂದಿಯೆಲ್ಲಾ ಜೋರಾಗಿ ನಗುತ್ತಾರೆ.