– ಕಲಬುರಗಿಯಲ್ಲಿ ಮತ್ತೊಂದು ಸಾವು
– ಬೀದರ್‌ನಲ್ಲಿ ಕೊರೊನಾ ಸ್ಫೋಟ
ಬೆಂಗಳೂರು: ಹಾಸನ, ದಾವಣಗೆರೆ, ಬೀದರ್, ಕಲಬುರಗಿಯ ಜಿಲ್ಲೆಯ ಜನರನ್ನು ಕೊರೊನಾ ವೈರಸ್ ಮತ್ತಷ್ಟು ಆತಂಕಕ್ಕೆ ನೂಕಿದೆ. ಈ ಜಿಲ್ಲೆಗಳು ಸೇರಿದಂತೆ ರಾಜ್ಯದಲ್ಲಿ ಇಂದು ಒಂದೇ ದಿನದಲ್ಲಿ 26 ಜನರಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದ್ದು, ಸೋಂಕಿತರ ಸಂಖ್ಯೆ 951ಕ್ಕೆ ಏರಿಕೆಯಾಗಿದೆ. ಜೊತೆಗೆ ಕಲಬುರಗಿಯಲ್ಲಿ ಕೊರೊನಾ ಬಲಿಯಾಗಿದೆ.
ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಧ್ಯಾಹ್ನ ಬಿಡುಗಡೆ ಮಾಡಿದ ಮಾಹಿತಿ ಪ್ರಕಾರ, ಬೀದರ್ 11, ಹಾಸನ 4, ದಾವಣಗೆರೆ, ವಿಜಯಪುರ, ಕಲಬುರಗಿ, ಉತ್ತರ ಕನ್ನಡದ ತಲಾ ಇಬ್ಬರಿಗೆ, ದಕ್ಷಿಣ ಕನ್ನಡ, ಬಳ್ಳಾರಿ ತಲಾ ಒಬ್ಬರಿಗೆ ಸೋಂಕು ಪತ್ತೆಯಾಗಿದೆ. ಈ ಪೈಕಿ 7 ಜನರು ಹೊರ ರಾಜ್ಯದಿಂದ ಬಂದಿರುವವರಾಗಿದ್ದಾರೆ. ಇತ್ತ ರೋಗಿ-928 ಬೆಂಗಳೂರಿನ 37 ವರ್ಷದ ನರ್ಸ್ ಆಗಿದ್ದಾರೆ.
Advertisement
Advertisement
ಕಲಬುರಗಿಯ ಕಂಟೈನ್‍ಮೆಂಟ್ ಝೋನ್ ಸಂಪರ್ಕದಲ್ಲಿದ್ದ 60 ವರ್ಷದ ವೃದ್ಧ ಸಾವನ್ನಪ್ಪಿದ್ದಾರೆ. ಅವರ ಕೋವಿಡ್-19 ರಿಪೋರ್ಟ್ ಪಾಸಿಟಿವ್ ಬಂದಿದೆ. ಈ ಮೂಲಕ ಕಲಬುರಗಿಯಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ 7ಕ್ಕೆ ಏರಿದೆ. ರಾಜ್ಯದಲ್ಲಿ ಕೋವಿಡ್-19ಗೆ 32 ಜನರು ಸಾವನ್ನಪ್ಪಿದ್ದಾರೆ. ಈವರೆಗೂ 442 ಮಂದಿ ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ.
Advertisement
ವಿಜಯಪುರದ ಇಬ್ಬರು ತಬ್ಲಿಘಿಗಳಿಗೆ ಕೊರೊನಾ ಪಾಸಿಟಿವ್ ಬಂದಿದ್ದು, ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 52ಕ್ಕೆ ಏರಿಕೆಯಾಗಿದೆ. ಕಳೆದ ಮೇ 11ರಂದು ಮುಂಬೈನಿಂದ ವಿಜಯಪುರಕ್ಕೆ 13 ತಬ್ಲಿಘಿಗಳು ಆಗಮಿಸಿದ್ದು, ಈ ಪೈಕಿ ಇಬ್ಬರಿಗೆ ಸೋಂಕು ಬಂದಿದೆ. ಇವರು ಮುಂಬೈನ ಮಲಾಡ್ ನಲ್ಲಿ ನಡೆದ ಜಮಾತ್ ನಲ್ಲಿ ಪಾಲ್ಗೊಂಡು ಬಂದಿರುವುದಾಗಿ ಹೇಳಿದ್ದರು. ಒಂದೇ ಬಸ್ ನಲ್ಲಿ 13 ಜನ ತಬ್ಲಿಘಿಗಳು ಪ್ರಯಾಣಿಸಿದ್ದು, ವಿಜಯಪುರ ಗಡಿ ಧೂಳಖೇಡ ಚೆಕ್‌ ಪೋಸ್ಟ್‌ನಲ್ಲಿ ಬಸ್ ನಿಲ್ಲಿಸಿ ಜಿಲ್ಲಾಡಳಿತ ತಪಾಸಣೆ ನಡೆಸಿತ್ತು. ಬಳಿಕ 13 ಮಂದಿಯನ್ನು ಕ್ವಾರಂಟೈನ್ ಮಾಡಿ ಗಂಟಲು ದ್ರವವನ್ನು ಪರೀಕ್ಷೆಗೆ ಕಳುಹಿಸಿತ್ತು.
Advertisement
ತಬ್ಲಿಘಿಗಳ ಸಂಪರ್ಕದಿಂದ ಕಲಬುರಗಿಯಲ್ಲಿ ಮತ್ತಿಬ್ಬರಿಗೆ ಕೊರೊನಾ ಸೋಂಕು ಬಂದಿದೆ. ಸೋಂಕಿತರಲ್ಲಿ 60 ವರ್ಷದ ವೃದ್ಧ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ. ಮೃತ ವೃದ್ಧ ಕಲಬುರಗಿ ನಗರದ ಮೊಮ್ಮಿನಪುರ ನಿವಾಸಿಯಾಗಿದ್ದು, ಕಲಬುರಗಿಯ ಜಿಮ್ಸ್ ಕೊರೊನಾ ವಾರ್ಡ್ ನಲ್ಲಿ ಮಂಗಳವಾರ ರಾತ್ರಿ ಸಾವನ್ನಪ್ಪಿದ್ದಾರೆ.
ಸೋಂಕಿತರ ವಿವರ:
1.ರೋಗಿ-926: ಕಲಬುರಗಿಯ 45 ವರ್ಷದ ಪುರುಷ. ರೋಗಿ-848ರ ಸಂಪರ್ಕದ್ದಲ್ಲಿದ್ದರು.
2.ರೋಗಿ-927: ಕಲಬುರಗಿಯ 60 ವರ್ಷದ ವೃದ್ಧ. ಕಲಬುರಗಿಯ ಕಂಟೈನ್‍ಮೆಂಟ್ ಝೋನ್ ಸಂಪರ್ಕದಲ್ಲಿದ್ದರು.
3.ರೋಗಿ-928: ಬೆಂಗಳೂರಿನ 37 ವರ್ಷದ ಮಹಿಳೆ. ಸೋಂಕಿನ ಮೂಲ ಪತ್ತೆಯಾಗಿಲ್ಲ.
4.ರೋಗಿ-929: ಉತ್ತರ ಕನ್ನಡದ 02 ವರ್ಷದ ಬಾಲಕಿ. ರೋಗಿ-786ರ ಸಂಪರ್ಕದಲ್ಲಿದ್ದಳು.
5.ರೋಗಿ-930: ಬಳ್ಳಾರಿಯ 18 ವರ್ಷದ ಯುವತಿ. ತೀವ್ರ ಉಸಿರಾಟದ ತೊಂದರೆ.
6.ರೋಗಿ-931: ಬೀದರ್‌ನ 30 ವರ್ಷದ ಯುವಕ. ಬೀದರ್ ಜಿಲ್ಲೆಯ ಕಂಟೈನ್‍ಮೆಂಟ್ ಝೋನ್ ಸಂಪರ್ಕದಲ್ಲಿದ್ದರು.
7.ರೋಗಿ-932: ಬೀದರ್‌ನ 26 ವರ್ಷದ ಯುವತಿ. ಬೀದರ್ ಜಿಲ್ಲೆಯ ಕಂಟೈನ್‍ಮೆಂಟ್ ಝೋನ್ ಸಂಪರ್ಕದಲ್ಲಿದ್ದರು.
8.ರೋಗಿ-933: ದಾವಣಗೆರೆಯ 33 ವರ್ಷದ ಮಹಿಳೆ. ರೋಗಿ-695ರ ಸಂಪರ್ಕ ಹೊಂದಿದ್ದರು.
9.ರೋಗಿ-934: ದಾವಣಗೆರೆಯ 11 ವರ್ಷದ ಬಾಲಕ. ರೋಗಿ-695ರ ಸಂಪರ್ಕದಲ್ಲಿ ಇದ್ದರು.
10.ರೋಗಿ-935: ಬೀದರ್‌ನ 19 ವರ್ಷದ ಯುವತಿ. ಬೀದರ್ ಜಿಲ್ಲೆಯ ಕಂಟೈನ್‍ಮೆಂಟ್ ಝೋನ್ ಸಂಪರ್ಕದಲ್ಲಿದ್ದರು.
11. ರೋಗಿ-936: ಬೀದರ್‌ನ 36 ವರ್ಷದ ಮಹಿಳೆ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
12. ರೋಗಿ-937: ಬೀದರ್‌ನ 17 ವರ್ಷದ ಬಾಲಕ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
13. ರೋಗಿ-938: ಬೀದರ್‌ನ 36 ವರ್ಷದ ಮಹಿಳೆ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
14. ರೋಗಿ-939: ಬೀದರ್‌ನ 31 ವರ್ಷದ ಮಹಿಳೆ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
15. ರೋಗಿ-940: ಬೀದರ್‌ನ 15 ವರ್ಷದ ಬಾಲಕಿ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
16. ರೋಗಿ-941: ಬೀದರ್‌ನ 16 ವರ್ಷದ ಬಾಲಕಿ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
17. ರೋಗಿ-942: ಬೀದರ್‌ನ 14 ವರ್ಷದ ಬಾಲಕಿ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
ಕೋವಿಡ್19: ಬೆಳಗಿನ ವರದಿ
ಒಟ್ಟು ಪ್ರಕರಣಗಳು: 951
ಮೃತಪಟ್ಟವರು: 32
ಗುಣಮುಖರಾದವರು: 442
ಹೊಸ ಪ್ರಕರಣಗಳು: 26#KarnatakaFightsCorona pic.twitter.com/WN3q96QddC
— B Sriramulu (@sriramulubjp) May 13, 2020
18. ರೋಗಿ-943:ಬೀದರ್‌ನ 35 ವರ್ಷದ ಮಹಿಳೆ. ಬೀದರ್ ಜಿಲ್ಲೆಯ ಕಂಟೈಮೆಂಟ್ ಝೋನ್‍ನಲ್ಲಿ ಸಂಪರ್ಕ.
19. ರೋಗಿ-944: ವಿಜಯಪುರದ 30 ವರ್ಷದ ಪುರುಷ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
20. ರೋಗಿ-945: ವಿಜಯಪುರದ 18 ವರ್ಷದ ಯುವಕ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
21. ರೋಗಿ-946: ಉತ್ತರ ಕನ್ನಡದ 26 ವರ್ಷದ ಯುವಕ. ಮಹಾರಾಷ್ಟ್ರದ ರತ್ನಗಿರಿಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
22. ರೋಗಿ-947: ದಕ್ಷಿಣ ಕನ್ನಡದ 38 ವರ್ಷದ ಮಹಿಳೆ. ರೋಗಿ-507 ಸಂಪರ್ಕ.
23. ರೋಗಿ-948: ಹಾಸನದ 38 ವರ್ಷದ ಮಹಿಳೆ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
24. ರೋಗಿ-949: ಹಾಸನದ 17 ವರ್ಷದ ಯುವಕ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
25. ರೋಗಿ-950: ಹಾಸನದ 14 ವರ್ಷದ ಬಾಲಕಿ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
26. ರೋಗಿ-951: ಹಾಸನದ 43 ವರ್ಷದ ಪುರುಷ. ಮಹಾರಾಷ್ಟ್ರದ ಮುಂಬೈಗೆ ಪ್ರಯಾಣ ಮಾಡಿರುವ ಹಿನ್ನೆಲೆ.
