ರಾಜ್ಯಗಳಿಗೆ ನೀಡುವ ಕೋವ್ಯಾಕ್ಸಿನ್ ಬೆಲೆಯಲ್ಲಿ 200 ರೂ. ಇಳಿಕೆ

ಹೈದರಾಬಾದ್: ಭಾರತ್ ಬಯೋಟೆಕ್ ರಾಜ್ಯ ಸರ್ಕಾರಗಳಿಗೆ ನೀಡುವ ಕೋವ್ಯಾಕ್ಸಿನ್ ದರವನ್ನ 200 ರೂ.ನಷ್ಟು ಇಳಿಕೆ ಮಾಡಿದೆ. ಈ ಮೊದಲು ಪ್ರತಿ ಡೋಸ್‍ಗೆ 600 ರೂ.ನಿಗದಿಯಾಗಿತ್ತು. ಇದೀಗ ರಾಜ್ಯಗಳಿಗೆ 400 ರೂ.ಗೆ ಲಭ್ಯವಾಗಲಿದೆ. ಇದಕ್ಕೂ ಮೊದಲು ಸೀರಮ್ ಇನ್ಸಿಟ್ಯೂಟ್ ಬುಧವಾರ ತನ್ನ ಕೋವಿಶೀಲ್ಡ್ ಬೆಲೆಯನ್ನ ಇಳಿಸಿತ್ತು.

ಕೇವಲ ರಾಜ್ಯ ಸರ್ಕಾರಗಳಿಗೆ ನೀಡುವ ಬೆಲೆಯಲ್ಲಿ ಮಾತ್ರ ಇಳಿಕೆಯಾಗಿದೆ. ಈ ಮೊದಲಿನ ದರದಂತೆಯೇ ಕೇಂದ್ರ ಸರ್ಕಾರ (ಪ್ರತಿ ಡೋಸ್‍ಗೆ 150 ರೂ.) ಮತ್ತು ಖಾಸಗಿ ಆಸ್ಪತೆಗಳಿಗೆ (ಪ್ರತಿ ಡೋಸ್‍ಗೆ 1,200 ರೂ.) ನೀಡಲಿದೆ.

ಸೀರಂ ತನ್ನ ಕೋವಿಶೀಲ್ಡ್ ಮತ್ತು ಭಾರತ್ ಬಯೋಟೆಕ್ ತನ್ನ ಕೋವ್ಯಾಕ್ಸಿನ್ ಲಸಿಕೆಯನ್ನ ಕೇಂದ್ರ, ರಾಜ್ಯ ಮತ್ತು ಖಾಸಗಿ ಆಸ್ಪತ್ರೆಗಳಿಗೆ ಪ್ರತ್ಯೇಕ ಮೂರು ಬೆಲೆಯಲ್ಲಿ ನೀಡುತ್ತಿವೆ. ರಾಜ್ಯಗಳಿಗೆ ನೀಡುತ್ತಿವೆ.