ಹೈದರಾಬಾದ್: ರಶ್ಮಿಕಾ ಮಂದಣ್ಣ ಸಾಮಾಜಿಕ ಜಾಲತಾಣಗಳಲ್ಲಿ ಆ್ಯಕ್ಟಿವ್ ಆಗಿದ್ದು, ಈ ಮೂಲಕ ಅಭಿಮಾನಿಗಳೊಂದಿಗೆ ಸಂಪರ್ಕದಲ್ಲಿರುತ್ತಾರೆ. ಅದೇ ರೀತಿ ಅವರ ಅಭಿಮಾನಿಗಳು ಸಹ ಕಮೆಂಟ್ ಮಾಡಿ ತಮ್ಮ ನೆಚ್ಚಿನ ನಟಿಯ ಪೋಸ್ಟ್ ಕುರಿತು ಅಭಿಪ್ರಾಯ ತಿಳಿಸುತ್ತಾರೆ. ಕೇವಲ ಅಭಿಮಾನಿಗಳು ಮಾತ್ರವಲ್ಲ ನಿರ್ದೇಶಕರು, ನಟ, ನಟಿಯರು ಸಹ ಕಮೆಂಟ್ ಮಾಡುತ್ತಾರೆ. ಅದೇ ರೀತಿ ಇದೀಗ ಟಾಲಿವುಡ್ ನಿರ್ದೇಶಕ ನಾಗ್ ಅಶ್ವಿನ್ ಅವರು ರಶ್ಮಿಕಾ ಪೋಸ್ಟ್ ಗೆ ಕಮೆಂಟ್ ಮಾಡಿರುವುದು ಚರ್ಚೆಗೆ ಕಾರಣವಾಗಿದೆ.
Advertisement
ಲಾಕ್‍ಡೌನ್ ಬಳಿಕ ರಶ್ಮಿಕಾ ಮಂದಣ್ಣ ಮತ್ತೆ ಫೋಟೋ ಶೂಟ್ ಮಾಡಿದ್ದ ಹಾಗೂ ಶೂಟಿಂಗ್ ಸಂದರ್ಭದ ಹಳೆಯ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಈ ಮೂಲಕ ತಮ್ಮ ಅಭಿಮಾನಿಗಳೊಂದಿಗೆ ಕನೆಕ್ಟ್ ಆಗುತ್ತಿದ್ದಾರೆ. ಈ ಫೋಟೋಗಳ ಬಗ್ಗೆ ಹಲವರು ಹೊಗಳಿದ್ದಾರೆ. ಆದರೆ ಟಾಲಿವುಡ್ ನಿರ್ದೇಶಕ ನಾಗ್ ಅಶ್ವಿನ್ ಕಮೆಂಟ್ ನೆಟ್ಟಿಗರನ್ನು ಸೆಳೆದಿದ್ದು, ಚರ್ಚಿಸುವಂತೆ ಮಾಡಿದೆ.
Advertisement
Advertisement
ಹೌದು ಚೆಷ್ಮಾ ಸುಂದರಿ ತಮ್ಮ ಹಳೆಯ ಸಿನಿಮಾ ದೇವದಾಸ್ ಸೆಟ್‍ನಲ್ಲಿ ತೆಗೆದ ಚಿತ್ರವೊಂದನ್ನು ಹಂಚಿಕೊಂಡಿದ್ದಾರೆ. ಇದಕ್ಕೆ ಹಲವರು ಬ್ಯೂಟಿಫುಲ್, ಕ್ಯೂಟ್ ಎಂದೆಲ್ಲ ಕಮೆಂಟ್ ಮಾಡಿದ್ದಾರೆ ಆದರೆ ನಾಗ್ ಅಶ್ವಿನ್ ಅವರು ವಿಭಿನ್ನವಾಗಿ ಕಮೆಂಟ್ ಮಾಡಿದ್ದಾರೆ. ‘ಒಮ್ಮೆ ನಿಮ್ಮ ಬಲ ಭುಜದ ಬಳಿ ಕಾಣುವ ಹುಡುಗಿಯನ್ನು ನೋಡಿದರೆ, ನಮಗೆ ಮತ್ತೆ ಏನೂ ನೋಡಲಾಗುವುದಿಲ್ಲ’ ಎಂದು ಕಮೆಂಟ್ ಮಾಡಿದ್ದಾರೆ. ಈ ಮೂಲಕ ರಶ್ಮಿಕಾ ಮಂದಣ್ಣ ಅವರ ಕಾಲೆಳೆದಿದ್ದಾರೆ.
Advertisement
ರಶ್ಮಿಕಾಗಿಂತ ಅವರ ಪಕ್ಕದಲ್ಲಿ ಕ್ಯಾಮೆರಾಗೆ ಬೆನ್ನು ಮಾಡಿ ನಿಂತಿರುವ ಸಹ ನೃತ್ಯಗಾರ್ತಿಯೇ ಚಂದ ಎಂದು ಪರೋಕ್ಷವಾಗಿ ಹೇಳಿದ್ದಾರೆ. ಈ ಮೂಲಕ ಚೆಷ್ಮಾ ಸುಂದರಿಯನ್ನು ಕಿಚಾಯಿಸಿದ್ದಾರೆ. ಈ ಕಮೆಂಟ್‍ಗೆ ಹಲವು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ನಾಗ್ ಅಶ್ವಿನ್ ಅವರು ರಶ್ಮಿಕಾರನ್ನು ರೇಗಿಸಿದ್ದಾರೆ ಎಂದು ಹೇಳಿದ್ದಾರೆ. ಇದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿದೆ.
ರಶ್ಮಿಕಾ ಮಂದಣ್ಣ ಸದ್ಯ ಪೊಗರು ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಇನ್ನೇನು ಕೊನೆ ಹಂತದ ಶೂಟಿಂಗ್ ಬಾಕಿ ಇದೆ. ಹೀಗಿರುವಾಗಲೇ ತಮಿಳಿನ ಸುಲ್ತಾನ್ ಹಾಗೂ ತೆಲುಗಿನ ಪುಷ್ಪ ಸಿನಿಮಾಗೆ ಆಫರ್ ಬಂದಿವೆ. ಹೀಗೆ ಸಾಲು ಸಾಲು ಸಿನಿಮಾಗಳಲ್ಲಿ ಕಿರಿಕ್ ಬೆಡಗಿ ಬ್ಯುಸಿಯಾಗಿದ್ದಾರೆ. ಆದರೆ ಲಾಕ್‍ಡೌನ್ ಹಿನ್ನೆಲೆ ಚಿತ್ರೀಕರಣ ಸ್ಥಗಿತವಾಗಿದ್ದು, ಇನ್ನೇನು ಶೂಟಿಂಗ್‍ಗೆ ಅನುಮತಿ ಸಿಗಬೇಕಿದೆ. ಚಿತ್ರೀಕರಣ ಆರಂಭವಾಗಲು ರಶ್ಮಿಕಾ ಸಹ ಅಷ್ಟೇ ಕಾತರದಿಂದ ಕಾಯುತ್ತಿದ್ದಾರೆ.
