ಬೆಂಗಳೂರು: ಸ್ಯಾಂಡಲ್‍ವುಡ್ ನಟಿ ಮೇಘನಾ ರಾಜ್ ಇತ್ತೀಚೆಗಷ್ಟೇ ಮಲೆಯಾಳಂ ನಟ ಇಂದ್ರಜಿತ್ ಸುಕುಮಾರನ್‍ರನ್ನು ಜೊತೆಗಿರುವ ಫೋಟೋವನ್ನು ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಮೇಘನಾ ಇಂದ್ರಜಿತ್‍ರನ್ನು ಪ್ರೀತಿಯಿಂದ ಇಂದ್ರು ಎಂದು ಕರೆಯುತ್ತಾರೆ. ಅಲ್ಲದೆ ಫೋಟೋ ಜೊತೆ ಮೇಘನಾ, ಕೆಲವು ದಿನಗಳ ಹಿಂದೆ ಇಂದ್ರಜಿತ್‍ರನ್ನು ಭೇಟಿ ಮಾಡಿದ್ದು, ಇದೀಗ ಫೋಟೋವನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ಶೇರ್ ಮಾಡಿಕೊಳ್ಳುತ್ತಿರುವ ವಿಚಾರವನ್ನು ಬಹಿರಂಗಗೊಳಿಸಿದ್ದಾರೆ. ಜೊತೆಗೆ ಮೇಘನಾ ಹಾಗೂ ಇಂದ್ರಜಿತ್ ಹಲವು ವರ್ಷಗಳಿಂದ ಸ್ನೇಹಿತರಾಗಿದ್ದು, ಜ್ಯೂನಿಯರ್ ಚಿರು ಇಂದ್ರಜಿತ್‍ರವರ ಕಂಪನಿಯನ್ನು ಬಹಳ ಎಂಜಾಯ್ ಮಾಡಿದ್ದಾರೆ ಎಂದು ಕ್ಯಾಪ್ಷನ್ ಹಾಕಿಕೊಂಡಿದ್ದಾರೆ.
ಇಂದ್ರಜಿತ್ ಸುಕುಮಾರನ್ ಮೇಘನಾ ಕುಟುಂಬದೊಂದಿಗೆ ಭೋಜನ ಮಾಡಿದ್ದಾರೆ. ಜೊತೆಗೆ ಜ್ಯೂನಿಯರ್ ಚಿರು, ಮೇಘನಾ ಹಾಗೂ ಅವರ ಪೋಷಕರಾದ ಸುಂದರ್ ರಾಜ್, ಪ್ರಮೀಳಾ ಜೋಷಾಯ್ ಜೊತೆ ಉತ್ತಮ ಕಾಲ ಕಳೆದಿದ್ದಾರೆ. ಅಲ್ಲದೆ ಮೇಘನಾ ಶೇರ್ ಮಾಡಿರುವ ಫೋಟೋದಲ್ಲಿ ಇಂದ್ರಜಿತ್ ಜ್ಯೂನಿಯರ್ ಚಿರುವನ್ನು ಎತ್ತಿಕೊಂಡಿರುವುದನ್ನು ಕಾಣಬಹುದಾಗಿದೆ.
View this post on Instagram
ಫೋಟೋ ಜೊತೆಗೆ ಮೇಘನಾ ಇಂದ್ರಜಿತ್ ಅವರ ಪತ್ನಿ ಪೂರ್ಣಿಮರನ್ನು ನೋಡಲು ಕಾತುರದಿಂದ ಕಾಯುತ್ತಿರುವುದಾಗಿ ತಿಳಿಸಿದ್ದಾರೆ. ಕೊಂಚ ತಡವಾಗಿ ಫೋಟೋವನ್ನು ಹಾಕುತ್ತಿದ್ದು, ಬಹಳ ವರ್ಷಗಳ ನಂತರ ನಾವು ಕೊನೆಗೂ ಭೇಟಿಯಾದೆವು, ಪೂರ್ಣಿಮರನ್ನು ಕೂಡ ಶೀಘ್ರವೇ ಕಾಣುತ್ತೇನೆಂದು ನಿರೀಕ್ಷಿಸುತ್ತೇನೆ. ಅದ್ಭುತ ಕ್ಷಣಗಳನ್ನು ಹೊಂದಿದೆ. ಬಿರಿಯಾನಿಯನ್ನು ಇಷ್ಟಪಟ್ಟಿದ್ದೀರಿ ಎಂದು ಭಾವಿಸುತ್ತೇನೆ. ಜ್ಯೂನಿಯರ್ ಚಿರು ನಿಮ್ಮ ಕಂಪನಿಯನ್ನು ಎಂಜಾಯ್ ಮಾಡಿದ್ದಾನೆ ಎಂದು ಕ್ಯಾಪ್ಷನ್ ಹಾಕಿದ್ದರು.
