ಮಹಾ ನಾಯಕನಿರುವ ಒಂದು ಫೋಟೋ, ವಿಡಿಯೋವನ್ನು ಸಂಗ್ರಹಿಸಿದ ಜಾರಕಿಹೊಳಿ ತಂಡ

ಬೆಂಗಳೂರು: ಸಿಡಿ ಯುವತಿ ಪ್ರತ್ಯಕ್ಷ ಬೆನ್ನಲ್ಲೇ ರಮೇಶ್ ಜಾರಕಿಹೊಳಿ ತಂಡ ಇದೀಗ `ಮಹಾ ನಾಯಕ’ನಿಗೆ ಕೌಂಟರ್ ಕೊಡಲು ಸಜ್ಜಾಗಿದೆ. ನಾಳೆ ಅಧಿವೇಶನದಲ್ಲಿ ಕಾಂಗ್ರೆಸ್ ಪ್ರಸ್ತಾಪ ಮಾಡುವ ಮುನ್ನವೇ ಮಹಾನಾಯಕನ ಹೆಸರನ್ನು ರಿವೀಲ್ ಮಾಡೋಕೆ ರಮೇಶ್ ಟೀಂ ತಂತ್ರಗಾರಿಕೆ ಹೆಣೆದಿದೆ ಎಂಬ ವಿಚಾರ ತಿಳಿದು ಬಂದಿದೆ.

ಕಾರ್ಯಕ್ರಮ ಒಂದರ ಫೋಟೋ, ವಿಡಿಯೋವನ್ನು ಜಾರಕಿಹೊಳಿ ತಂಡ ಸಂಗ್ರಹಿಸಿದೆ. ಆ ವಿಡಿಯೋದಲ್ಲಿ ಆ ಮಹಾನ್ ನಾಯಕ ಇದ್ದು, ಆ ವಿಡಿಯೋ, ಫೋಟೋ ಸಾಕ್ಷಿ ಇಟ್ಟುಕೊಂಡು ಹೆಸರು ಬಹಿರಂಗಪಡಿಸಲು ಮಾಸ್ಟರ್ ಪ್ಲಾನ್‌ ಮಾಡಿದೆ.

ಜಾರಕಿಹೊಳಿ ತಂಡದ ಮಾಸ್ಟರ್ ಪ್ಲಾನ್‍ಗೆ ಕಾನೂನು ತಜ್ಞರಿಂದ ಗ್ರೀನ್ ಸಿಗ್ನಲ್ ಸಿಕ್ಕಿಲ್ಲ. ಹೆಸರು ಬಹಿರಂಗ ಪಡಿಸಿದರೆ ರಾಜಕೀಯ ತಿರುವು ಪಡೆದುಕೊಳ್ಳುತ್ತದೆ. ಆಗ ನಮ್ಮ ಇನ್ನಷ್ಟು ತಂತ್ರಗಾರಿಕೆ ವಿಫಲ ಆಗಬಹುದು. ಸ್ವಲ್ಪ ಕಾಲ ಕಾದು ನೋಡುವ ತಂತ್ರವನ್ನು ಅನುಸರಿಸೋಣ ಎಂದು ರಮೇಶ್ ಪರ ವಕೀಲರ ಸಲಹೆ ನೀಡಿದ್ದಾರೆ ಎಂಬ ವಿಚಾರ ಮೂಲಗಳಿಂದ ತಿಳಿದು ಬಂದಿದೆ.