ಹಾಸ್ಟೆಲ್‍ನಲ್ಲಿದ್ದಾಗ ಎಲ್ಲರೂ ಮನೆಯವರ ಸಂಪರ್ಕಕ್ಕೆ ಚಡಪಡಿಸುತ್ತಾರೆ. ಅಂದಹಾಗೇ ಇದೀಗ ಬಿಗ್ ಬಾಸ್ ಮನೆಯಲ್ಲಿ ಕೂಡ ಹಾಸ್ಟೆಲ್ ಸದಸ್ಯರ ಮನೆಯವರು ಪತ್ರಗಳನ್ನು ಕಳುಹಿಸಿದ್ದಾರೆ. ಆದರೆ ಸದಸ್ಯರು ತಮಗೆ ಬಂದಿರುವ ಪತ್ರಗಳನ್ನು ಓದಲು ಬಿಗ್‍ಬಾಸ್ ನೀಡುವ ಟಾಸ್ಕ್ನಲ್ಲಿ ಗೆಲ್ಲಬೇಕು. ಆಗ ಮಾತ್ರ ಗೆಲ್ಲುವ ಸದಸ್ಯರಿಗೆ ಮಾತ್ರ ಪತ್ರ ಓದುವ ಅವಕಾಶ ಸಿಗುತ್ತದೆ ಎಂದು ಸೂಚಿಸಿದ್ದರು.
ಅದರಂತೆ ಬಿಗ್‍ಬಾಸ್ ನಿನ್ನೆ ಗೋಲಿ ಚಮಚ ಟಾಸ್ಕ್ ನೀಡಿದ್ದರು. ಇದರಲ್ಲಿ ಶಮಂತ್ ಹಾಗೂ ದಿವ್ಯಾ ಸುರೇಶ್ ಭಾಗವಹಿಸಿದ್ದರು. ಕೊನೆಯಲ್ಲಿ ಈ ಟಾಸ್ಕ್ನಲ್ಲಿ ದಿವ್ಯಾ ಸುರೇಶ್ ಗೆದ್ದು ಪತ್ರವನ್ನು ಪಡೆಯುತ್ತಾರೆ. ನಂತರ ಗಾರ್ಡನ್ ಏರಿಯಾದಲ್ಲಿ ಏಕಾಂಗಿಯಾಗಿ ಕುಳಿತು ಪತ್ರ ಓದಿದ ದಿವ್ಯಾ ಸುರೇಶ್, ಮನೆಯವರನ್ನು ನೆನೆದು ಬಿಕ್ಕಿ-ಬಿಕ್ಕಿ ಅತ್ತಿದ್ದಾರೆ. ಬಳಿಕ ಬೆಡ್ ರೂ ಏರಿಯಾಗೆ ಹೋಗಿ ಪತ್ರವನ್ನು ಮತ್ತೊಮ್ಮೆ ಓದಿ ಅಳುತ್ತಾ ಕೊನೆಯಲ್ಲಿ ಲೆಟರ್ ಕಳುಹಿಸಿ ಕೊಟ್ಟಿದ್ದಕ್ಕೆ ಬಿಗ್‍ಬಾಸ್‍ಗೆ ಧನ್ಯವಾದ ತಿಳಿಸಿದರು.
ಇದಾದ ನಂತರ ಕಿಚನ್ ಏರಿಯಾ ಬಳಿ ದಿವ್ಯಾ ಸುರೇಶ್ ಹೋದಾಗ ಮನೆಯವರು ಏನಂತಾ ಹೇಳಿದ್ದಾರೆ ಎಂದು ರಘು, ದಿವ್ಯಾ ಉರುಡುಗ, ಶುಭ ಕೇಳಿದಾಗ, ನಮ್ಮ ಮನೆಯವರು ತುಂಬಾ ಖುಷಿಪಟ್ಟಿದ್ದಾರೆ. ನಿನ್ನನ್ನು ಫಿನಾಲೆಯಲ್ಲಿ ನೋಡಲು ಬರುತ್ತೇವೆ ಎಂದಿದ್ದಾರೆ. ಅಲ್ಲದೆ ನಮ್ಮ ಅಮ್ಮ ಡೂಡೂ ಬಗ್ಗೆ ನೀನು ಯೋಚಿಸಬೇಡ. ನೀನು ಎಷ್ಟು ಸ್ಟ್ರಾಂಗ್ ಅಂತ ನಿನಗೆ ಗೊತ್ತು ಯಾಕೆ ಅಳುತ್ತೀಯಾ, ಅಳಬೇಡ. ಗ್ರೂಪ್ ಟಾಸ್ಕ್ ಇದ್ದಾಗ ನೀನು ಯಾವ ಟೀಂನಲ್ಲಿ ಇರುತ್ತೀಯಾ ಆ ಟೀಂನಲ್ಲಿ ತುಂಬಾ ಹೋಪ್ಸ್ ಇರುತ್ತದೆ. ಅದನ್ನು ನೀನು ಹಾಗೆಯೇ ನಿಭಾಯಿಸಿಕೊಂಡು ಹೋಗು. ಚೆನ್ನಾಗಿ ಆಡುತ್ತೀಯಾ ಚೆನ್ನಾಗಿ ಆಡಿಕೊಂಡು ಹೋಗು ಎಂದಿದ್ದಾರೆ.
ಮನೆಯಲ್ಲಿ ಚಿಕನ್ ಮಾಡಿದಾಗ ಮಿಥುನ್ ದಿವ್ಯಾ ಮಾಡಿದಂತೆ ನೀನು ಮಾಡುವುದೇ ಇಲ್ಲ ಎಂದು ಬೈಯ್ಯುತ್ತಿರುತ್ತಾನೆ. ಚಿಕನ್ ಮಾಡಿದಾಗಲೆಲ್ಲಾ ನಿನ್ನನ್ನು ಜ್ಞಾಪಿಸಿಕೊಳ್ಳುತ್ತಿರುತ್ತೇವೆ. ನೀನು ಮಲ್ಲಿಗೆ ಹೂ ಮುಡಿದುಕೊಂಡಿದ್ದಾಗ ಎಲ್ಲರೂ ತುಂಬಾ ಜಾಸ್ತಿ ನಕ್ಕಿದ್ದೇವೆ. ವೀಕೆಂಡ್‍ನಲ್ಲಿ ನೀನು ಕಲ್ರ್ಸ್ ಮಾಡುತ್ತೀಯಾಲ್ಲ ಯಾವಾಗಲೂ ಕಲ್ರ್ಸ್ ಮಾಡು ತುಂಬಾ ಮುದ್ದಾಗಿ ಕಾಣಿಸುತ್ತೀಯಾ. ಜೊತೆಗೆ ಸಾರಿಯಲ್ಲಿ ನೀನು ತುಂಬಾನೇ ಚೆನ್ನಾಗಿ ಕಾಣಿಸುತ್ತೀಯಾ ಹಾಗಾಗಿ ಸಾರಿ ಹಾಕು ಎಂದು ಬರೆದಿದ್ದಾರೆ ಎನ್ನುತ್ತಾ ಸಂತಸ ವ್ಯಕ್ತಪಡಿಸಿದರು.
