ನವದೆಹಲಿ: ಮಡದಿಗೆ ಮದುವೆ ವಾರ್ಷಿಕೋತ್ಸವದ ಅಂಗವಾಗಿ ಚಂದ್ರನ ಮೇಲೆ 3 ಎಕರೆ ಭೂಮಿ ಖರೀದಿಸಿ ಪತ್ನಿಗೆ ಗೀಫ್ಟ್ ಕೊಟ್ಟು ಪತಿ ಸುದ್ದಿಯಾಗಿದ್ದಾರೆ.
ಚಂದ್ರನ ಮೇಲೆ ಭೂಮಿ ಖರೀದಿಸಿದ ದಂಪತಿಯನ್ನು ಧರ್ಮೇಂದ್ರ ಅನಿಜಾ ಮತ್ತು ಸಪ್ನಾ ಆಗಿದ್ದಾರೆ. ಧರ್ಮೇಂಧ್ರ ವಿಶೇಷವಾದ ಊಡುಗೊರೆಯನ್ನು ಪತ್ನಿಗೆ ನೀಡಿದ್ದಾರೆ.
ಈ ಡಿಸೆಂಬರ್ 24 ಕ್ಕೆ ನಾವು ಮದುವೆಯಾಗಿ 8 ವರ್ಷವಾಗುತ್ತದೆ. ನಾನು ಈ ಮದುವೆ ವಾರ್ಷಿಕೋತ್ಸವಕ್ಕೆ ನನಗೆ ವಿಶೇಷವಾದ ಉಡುಗೊರೆ ಬೇಕು ಎಂದು ಹೇಳಿದ್ದೇ ಆದರೆ ನನ್ನ ಪತಿ ಕೊಟ್ಟಿರುವ ಊಡುಗೊರೆ ತುಂಬಾ ವಿಶೇಷ ಮತ್ತು ವಿಭಿನ್ನವಾಗಿದೆ. ನನಗೆ ತುಂಬಾ ಸಂತೋಷವಾಗಿದೆ. ಅವರು ನನಗೆ ವಿಶೇಷವಾದದ್ದನ್ನು ಉಡುಗೊರೆಯಾಗಿ ನೀಡುತ್ತಾರೆಂದು ನಾನು ಎಂದೂ ನಿರೀಕ್ಷಿಸಿರಲಿಲ್ಲ ಎಂದು ಧರ್ಮೇಂಧ್ರ ಪತ್ನಿ ಸಪ್ನಾ ಹೇಳಿದ್ದಾರೆ.
ಅಮೆರಿಕದ ನ್ಯೂಯಾರ್ಕ್ ನಗರದಲ್ಲಿರುವ ಲೂನಾ ಸೊಸೈಟಿ ಇಂಟನ್ರ್ಯಾಷನಲ್ ಎಂಬ ಸಂಸ್ಥೆಯ ಮೂಲಕ ಈ ಭೂಮಿಯನ್ನು ಖರೀದಿಸಿದ್ದೇನೆ. ಅದನ್ನು ಖರೀದಿಸುವ ಪ್ರಕ್ರಿಯೆಯು ಪೂರ್ಣಗೊಳ್ಳಲು ಸುಮಾರು ಒಂದು ವರ್ಷ ಸಮಯವನ್ನು ತೆದುಕೊಂಡಿತ್ತು. ಪ್ರತಿಯೊಬ್ಬರೂ ಕಾರುಗಳು ಮತ್ತು ಆಭರಣಗಳಂತಹ ಆಸ್ತಿಗಳನ್ನು ಉಡುಗೊರೆಯಾಗಿ ನೀಡುತ್ತಾರೆ, ಆದರೆ ನಾನು ಬೇರೆ ಏನನ್ನಾದರೂ ನನ್ನ ಪತ್ನಿಗೆ ನೀಡಬೇಕು ಎಂದು ಯೋಚಿಸಿದ್ದೇನು. ಆದ್ದರಿಂದ, ನಾನು ಅವಳಿಗೆ ಚಂದ್ರನ ಮೇಲೆ ಭೂಮಿಯನ್ನು ಖರೀದಿಸಿದೆ ಎಂದು ಧರ್ಮೇಂಧ್ರ ಅನಿಜಾ ಹೇಳಿದ್ದಾರೆ.
2018ರಲ್ಲಿ ದಿವಂಗತ ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಹ ಚಂದ್ರನಲ್ಲಿ ಭೂಮಿ ಖರೀದಿಸಿದ್ದರು.
