ಮದುವೆಯಾದ ಎರಡೇ ತಿಂಗಳಿಗೆ ಗುಡ್ ನ್ಯೂಸ್ ಕೊಟ್ಟ ನೇಹಾ ಕಕ್ಕರ್..!

ಮುಂಬೈ: ಮದುವೆಯಾದ ಕೇವಲ ಎರಡೇ ತಿಂಗಳಿಗೆ ಬಾಲಿವುಡ್ ಗಾಯಕಿ ನೇಹಾ ಕಕ್ಕರ್ ಗುಡ್ ನ್ಯೂಸ್ ಕೊಟ್ಟಿದ್ದಾರೆ.

ಹೌದು. ನೇಹಾ ಕಕ್ಕರ್ ಅವರು ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋ ಪೋಸ್ಟ್ ಮಾಡುವ ಮೂಲಕ ತಮ್ಮ ಅಭಿಮಾನಿಗಳಲ್ಲಿ ಅಚ್ಚರಿ ಮೂಡಿಸಿದ್ದಾರೆ. ಈ ಫೋಟೋ ಬೇಬಿ ಬಂಪ್ ತೋರಿಸುವಂತಿದೆ.

ಫೋಟೋ ಶೇರ್ ಮಾಡಿಕೊಂಡು ಏನೂ ಬರೆದುಕೊಳ್ಳದಿದ್ದರೂ ನೇಹಾ ಅವರು, ಕಾಳಜಿ ವಹಿಸು ಎಂದು ಹ್ಯಾಶ್ ಟ್ಯಾಗ್ ಹಾಕಿದ್ದಾರೆ. ಈ ಪೋಸ್ಟ್ ಗೆ ಪತಿ ರೋಹನ್ ಕೂಡ ಕಾಮೆಂಟ್ ಮಾಡಿದ್ದು, ಇನ್ನು ಮುಂದೆ ನಾನಿ ಇನ್ನಷ್ಟು ಇನ್ನಷ್ಟು ಕೇರ್ ಮಾಡಬೇಕು ನೇಹೂ ಎಂದು ತಿಳಿಸಿದ್ದಾರೆ.

ಸದ್ಯ ದಂಪತಿ ಎಲ್ಲೂ ತಾವು ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಇದ್ದೇವೆ ಎಂದು ಬಹಿರಂಗಪಡಿಸಿಲ್ಲ. ಹೀಗಾಗಿ ಅಭಿಮಾನಿಗಳಲ್ಲಿ ಕತೂಹಲ ಮತ್ತಷ್ಟು ಹೆಚ್ಚಿದೆ. ನೇಹಾ ಹಂಚಿಕೊಂಡಿರುವ ಫೋಟೋಗೆ ಸಾಕಷ್ಟು ಕಾಮೆಂಟ್ ಗಳು ಬರುತ್ತಿವೆ. ನೀವು ಗರ್ಭಿಣಿಯಾಗಿರುವುದು ನಿಜವೇ ಆಗಿದ್ದರೆ ತಿಳಿಸಿ ಎಂದು ಅಭಿಮಾನಿಗಳು ಕಾಮೆಂಟ್ ಮೂಲಕವೇ ಒತ್ತಾಯಿಸಿದ್ದಾರೆ.

ಗಾಯಕಿ ಹಾಗೂ ನಟಿ ನೇಹಾ ಅವರು ಅಕ್ಟೋಬರ್ 24ರಂದು ತಮ್ಮ ಗೆಳೆಯ ರೋಹನ್ ಪ್ರೀತ್ ಸಿಂಗ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಮದುವೆಯ ನಂತರ ಜೋಡಿ ಹನಿಮೂನ್ ಗಾಗಿ ದುಬೈಗೆ ತೆರಳಿ ವಾಪಸ್ಸಾಗಿತ್ತು.

 

View this post on Instagram

 

A post shared by Neha Kakkar (Mrs. Singh) (@nehakakkar)