– ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್
ನವದೆಹಲಿ: ಸಾಕು ನಾಯಿಯೊಂದು ಮಗುವಿಗೆ ಅಂಬೆಗಾಲು ಹಾಕುವುದನ್ನು ಕಲಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಮುದ್ದಾದ ಸಾಕು ನಾಯಿಯೊಂದು ಮಗುವಿನ ಮುಂದೆ ಮಲಗಿ ನೆಲದ ಮೇಲೆ ತೆವಳುತ್ತಾ ಮುಂದೆ ಹೋಗಿದೆ. ಮಗು ಇದಕ್ಕೆ ಅನುಗುಣವಾಗಿ ನಾಯಿ ಮರಿಯ ಹಿಂದೆ ತೆವಳುತ್ತಾ ಮುಂದೆ ಸಾಗಿರುವ ವಿಡಿಯೋ ಮುದ್ದಾಗಿದೆ.
ವಿಡಿಯೋದಲ್ಲಿ ಏನಿದೆ?
ವೈರಲ್ ವಿಡಿಯೋದಲ್ಲಿರುವ ಈ ಪುಟ್ಟ ಮಗು ಸಾಕು ನಾಯಿ ಬರುವ ಮೊದಲು ಆಟಿಕೆಗಳೊಂದಿಗೆ ಆಟವಾಡುತ್ತಿತ್ತು. ನಾಯಿ ಬಂದು ಮಗುವನ್ನು ನೋಡುತ್ತದೆ. ಮಗುವಿಗೆ ಮುಂದೆ ಹೋಗಲು ಸಾಧ್ಯವಿಲ್ಲ ಎಂದು ಅರಿತುಕೊಂಡಿರುವ ನಾಯಿಮರಿ ಮಗುವಿನ ಮುಂದೆ ನೆಲಕ್ಕೆ ಮಲಗಿ ತೆವಳುತ್ತಾ ಮುಂದೆ ಹೋಗುತ್ತದೆ. ಇದನ್ನು ಗಮನಿಸಿದ ಮಗು ಕೂಡಾ ನಾಯಿ ಹಾಗೇ ತೆವಳುತ್ತಾ ಅಂಬೆಗಾಲು ಇಟ್ಟು ಮುಂದೆ ಸಾಗುತ್ತಿರುವ ವಿಡಿಯೋವನ್ನು ನೆಟ್ಟಿಗರು ನೋಡಿ ಫುಲ್ ಖುಷಿಯಾಗಿದ್ದಾರೆ.
This dog realised he can’t walk so decided to teach him how to crawl instead ❤️ pic.twitter.com/W7T3U5EsBB
— Simon BRFC Hopkins (@HopkinsBRFC) November 10, 2020
ನಾಯಿ ಮಗುವಿಗೆ ನಡೆಯಲು ಸಾಧ್ಯವಿಲ್ಲ ಎಂದು ಅರಿತುಕೊಂಡು ಮಗುವಿಗೆ ಹೇಗೆ ಅಂಬೆಗಾಲು ಹಾಕಬೇಕು ಎಂದು ಕಲಿಸಲಿಸಿದೆ ಎನ್ನುವಂತೆ ಕಾಣುತ್ತದೆ ಎಂಬು ಶೀರ್ಷಿಕೆಯೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
