ಮಗನ ಜೊತೆ ಮಗಳ ಮದುವೆ ಮಾಡಿದ ತಾಯಿ!

ಬೀಜಿಂಗ್: ಕಳೆದು ಹೋಗಿದ್ದ ಮಗಳನ್ನು ಸೊಸೆಯಾಗಿ ತಂದುಕೊಂಡ ಒಂದು ವಿಚಿತ್ರ ಘಟನೆ ಚೀನಾದಲ್ಲಿ ನಡೆದಿದೆ.

ಮಾರ್ಚ್ 31ರಂದು ಮದುವೆ ಸಂಭ್ರಮ ಜೋರಾಗಿತ್ತು. ಮದುವೆ ಮಂಟಪದಲ್ಲಿ ಸಾವಿರಾರು ಮಂದಿ ನೆರೆದಿದ್ದರು. ಈ ವೇಳೆ ವಧು, ವರ ಎದುರಾಗಿ ನಿಂತುಕೊಂಡಿದ್ದರು. ಆಗ ವರನ ತಾಯಿಗೆ ವಧುವಿಗೆ ಇರುವ ಒಂದು ಮಾರ್ಕ್ ಕಣ್ಣಿಗೆ ಬಿದ್ದಿದೆ. ತಕ್ಷಣ ವಧುವಿನ ತಂದೆಯಲ್ಲಿ ಈ ವಿಚಾರಿಸಿದ್ದಾಳೆ. ಆಗ ವಧುವಿನ ಪೋಷಕರು 20 ವರ್ಷಗಳ ಹಿಂದೆ ನಮಗೆ ರಸ್ತೆಯಲ್ಲಿ ಸಿಕ್ಕಿದ್ದಾಳೆ ಎಂದು ಹೇಳಿದ್ದಾರೆ. ಆಗ ವರನ ತಾಯಿ ಒಂದು ಕ್ಷಣ ಭಯಗೊಂಡಿದ್ದಾರೆ.

ತಾನು ಕಳೆದುಕೊಂಡ ಹೆಣ್ಣು ಮಗುವನ್ನೇ ನಾನು ಸೊಸೆಯಾಗಲು ತರಲು ಸಿದ್ಧವಾಗಿದ್ದೇನಾ ಎಂದು ಕೊಂಚ ಬೇಸರಗೊಂಡಿದ್ದಾರೆ. ನಂತರ ಈ ವಿಚಾರವಾಗಿ ಮಹಿಳೆ ಎಲ್ಲರಿಗೂ ಹೇಳಿ ದ್ದಾರೆ. ಹೆಣ್ಣಿಗೆ ಕಳೆದ ಹೋದ ಕುಟುಂಬ ಸಿಕ್ಕ ಸಂತೋಷ ಒಂದುಕಡೆಯಾದರೆ ಇನ್ನೊಂದೆಡೆ ನಾನು ಅಣ್ಣನನ್ನು ಮದುವೆಯಾಗಲು ಹೊರಟಿದ್ದೇನಾ ಎಂದು ಬೇಸರಗೊಂಡಿದ್ದಾಳೆ.

ಮಗಳು ಕಳೆದುಕೊಂದಾಗ ನಾವು ಎಲ್ಲ ಕಡೆ ಹುಡುಕಿದೇವು. ಮಗಳು ಸಿಗದೇ ಇದ್ದಾಗ ನಾವು ಬೇರೆಯವರ ಮಗನನ್ನು ದತ್ತು ಪಡೆದುಕೊಂಡೆವು. ಇದೀಗ ಅದೇ ಮಗ ಮಂಟಪದಲ್ಲಿರುವ ವರನಾಗಿದ್ದಾನೆ. ಹೀಗಾಗಿ ಒಂದೇ ತಾಯಿಯ ಮಕ್ಕಳು ಇವರು ಆಗುವುದಿಲ್ಲ. ಎಂದು ಇಬ್ಬರಿಗೂ ಮದುವೆ ಮಾಡಿ ತನ್ನ ಮಗಳನ್ನು ತಾಯಿ ಸೊಸೆಯಾಗಿ ಪಡೆದುಕೊಂಡಿದ್ದಾರೆ.