ವೀಕೆಂಡ್ ಬಂದ್ರೆ ಸಾಕು ಜನ ನಾನ್ ವೆಜ್ ಮೊರೆ ಹೋಗುತ್ತಾರೆ. ಅಂತೆಯೇ ಪ್ರತಿನಿತ್ಯ ಚಿಕನ್, ಮಟನ್ ತಿಂದು ತಿಂದು ಬೇಜಾರಾಗಿರುತ್ತೆ. ಹೀಗಾಗಿ ಈ ಬಾರಿ ಮಂಗಳೂರು ಸ್ಟೈಲ್ ನ ಸ್ಪೆಷಲ್ ಫಿಶ್ ಪುಳಿಮುಂಚಿ ಮಾಡಿ ಸವಿಯಿರಿ.
Advertisement
ಬೇಕಾಗುವ ಸಾಮಗ್ರಿಗಳು:
* ಮೀನು- 1 ಕೆ.ಜಿ
* ಅಡುಗೆ ಎಣ್ಣೆ – 1 ಕಪ್
* ಒಣಮೆಣಸಿನಕಾಯಿ – 10 ರಿಂದ 12
* ಗುಂಟೂರು ಮೆಣಸು – 10
* ಕೊತ್ತಂಬರಿ ಬೀಜ – 2 ರಿಂದ 3 ಟೀ ಸ್ಪೂನ್
* ಜೀರಿಗೆ – 1 ಟೀ ಸ್ಪೂನ್
* ಮೆಂತೆ – 2 ಚಮಚ
* ಹುಣೆಸೆ ಹಣ್ಣು – ಸ್ವಲ್ಪ
* ಅರಿಶಿಣ- ಚಿಟಿಕೆ
* ಟೊಮೆಟೋ- 2
* ಈರುಳ್ಳಿ -2
* ಹಸಿಮೆಣಸಿನಕಾಯಿ- 3 ರಿಂದ 4
* ಶುಂಠಿ- ಒಂದು ಇಂಚು
* ಉಪ್ಪು ರುಚಿಗೆ ತಕ್ಕಷ್ಟು
Advertisement
Advertisement
ಮಾಡುವ ವಿಧಾನ:
* ಮೊದಲು ಕಟ್ ಮಾಡಿಟ್ಟುಕೊಂಡಿರುವ ಮೀನನ್ನು ಅರಿಶಿಣ ಮತ್ತು ಉಪ್ಪು ಹಾಕಿ 5 ನಿಮಿಷಗಳ ಕಾಲ ಇಟ್ಟು ನಂತರ ಚೆನ್ನಾಗಿ ತೊಳೆಯಬೇಕು.
* ನಂತರ ಮಸಾಲೆಗೆ ಬೇಕಾದ ಒಣ ಮೆಣಸು, ಕೊತ್ತಂಬರಿ ಬೀಜ, ಜೀರಿಗೆ, ಗುಂಟೂರು ಮೆಣಸು, ಮೆಂತೆಯನ್ನು ಪ್ರತ್ಯೇಕವಾಗಿ ಹುರಿದು ಇಟ್ಟುಕೊಳ್ಳಬೇಕು.
* ಹುರಿದ ಮಸಾಲೆಯೊಂದಿಗೆ ಹುಣಸೆಹಣ್ಣು ಸೇರಿಸಿ ರುಬ್ಬಿಕೊಂಡು ಮಸಾಲೆಯನ್ನು ತಯಾರಿಸಿಟ್ಟುಕೊಳ್ಳಬೇಕು.
* ಟೊಮೆಟೋ, ಈರುಳ್ಳಿ, ಹಸಿಮೆಣಸಿನಕಾಯಿ, ಶುಂಠಿಯನ್ನು ಸಣ್ಣದಾಗಿ ಕತ್ತರಿಸಿ ಒಂದು ಕಡೆ ಎತ್ತಿಟ್ಟುಕೊಳ್ಳಬೇಕು.
Advertisement
* ನಂತರ ಒಂದು ಪಾತ್ರೆಯನ್ನು ಸ್ಟೌ ಮೇಲೆ ಇಟ್ಟು 4 ರಿಂದ 5 ಚಮಚ ಎಣ್ಣೆಯನ್ನು ಹಾಕಿ ಬಿಸಿ ಮಾಡಬೇಕು.
* ಎಣ್ಣೆ ಬಿಸಿಯಾದ ನಂತರ ಈ ಮೊದಲು ಕತ್ತರಿಸಿಟ್ಟ ಟೊಮೆಟೋ, ಈರುಳ್ಳಿ, ಹಸಿಮೆಣಸಿನಕಾಯಿ, ಶುಂಠಿಯನ್ನು ಹಾಕಿ ಚೆನ್ನಾಗಿ ಫ್ರೈ ಮಾಡಬೇಕು.
* ನಂತರ ನಾವು ಈ ಮೊದಲೇ ತಯಾರಿಸಿಟ್ಟ ಮಸಾಲೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಮಸಾಲೆಯ ಹಸಿ ಅಂಶ ಹೋಗುವವರೆಗೆ ಪ್ರೈ ಮಾಡಿಕೊಳ್ಳಬೇಕು. ನಂತರ 2 ಗ್ಲಾಸ್ ನೀರು ಸೇರಿಸಿ ಚೆನ್ನಾಗಿ ಕುದಿಸಬೇಕು
* ನಂತರ ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಈ ಮೊದಲೇ ತೊಳೆದಿಟ್ಟ ಮೀನನ್ನು ಹಾಕಿ ಚೆನ್ನಾಗಿ ಕುದಿಸಿದರೆ ರುಚಿಯಾದ ಫಿಶ್ ಪುಳಿಮುಂಚಿ ಸವಿಯಲು ಸಿದ್ಧವಾಗುತ್ತದೆ.
