ಬಿಗ್‍ಬಾಸ್ ಮನೆಯಲ್ಲಿ ನಾನು ಹೈಲೈಟ್ ಆಗುತ್ತಿಲ್ಲ – ಬೇಸರದಲ್ಲಿ ದಿವ್ಯಾ

ಬಿಗ್‍ಬಾಸ್ ಮನೆಯಲ್ಲಿ ಮೇಲ್ನೋಟಕ್ಕೆ ಎಲ್ಲರೂ ಚೆನ್ನಾಗಿದ್ದಾರೆ. ಆದರೆ ಅವರೊಳಗೊಳಗೆ ಎನೋ ಒಂದು ನಡೆಯುತ್ತಿದೆ ಎನ್ನುವುದು ಮಾತ್ರ ಸತ್ಯ. ಮನೆಯಲ್ಲಿ ನೋವು, ಕಷ್ಟ, ಸುಖ, ದುಃಖ ಇದೆ. ಜೊತೆಯಲ್ಲಿ ಗೆಲ್ಲಬೇಕು ಎನ್ನುವ ಹಂಬಲವು ಎಲ್ಲರಲ್ಲಿದೆ. ಈ ಮಧ್ಯೆ ಒಬ್ಬ ಸ್ಪರ್ಧಿ ನಾನು ಹೈಲೈಟ್ ಆಗಿ ಕಾಣುತ್ತಿಲ್ಲ ಎಂದು ಬೇಸರ ಮಾಡಿಕೊಂಡಿದ್ದಾರೆ.

ಹೌದು ಬಿಗ್‍ಬಾಸ್ ಆರಂಭವಾದ ದಿನದಿಂದಲೂ ದಿವ್ಯಾ ಸುರೇಶ್ ಹಾಗೂ ಮಂಜು ಸ್ಟೋರಿ ಹೈಲೈಟ್ ಆಗಿತ್ತು. ಬಿಗ್‍ಬಾಸ್ ಕ್ಯಾಮೆರಾಗಳು ಮಂಜು ಮತ್ತು ದಿವ್ಯಾ ಸುರೇಶ್ ಅವರನ್ನು ಸೆರೆಹಿಡಿದದ್ದೆ ಹೆಚ್ಚು. ಹೀಗಿರುವಾಗ ದಿವ್ಯಾ ಮೂರನೇ ವಾರದಲ್ಲಿ ಮನೆಯಲ್ಲಿ ಒಂದು ಹೊಸ ಲವ್ ಸ್ಟೋರಿ ಹುಟ್ಟಿಕೊಂಡಿದೆ. ಅದೇ ದಿವ್ಯಾ ಉರುಡುಗ ಮತ್ತು ಅರವಿಂದ್. ಈ ಈಬ್ಬರು ಹೆಚ್ಚು ಹೈಲೈಟ್ ಆಗಿದ್ದಾರೆ. ನಾವು ಸೈಡ್‍ಲೈನ್ ಆಗುತ್ತಿದ್ದೇವೆ ಎನ್ನುವ ರೀತಿಯಲ್ಲಿ ದಿವ್ಯಾ ಸುರೇಶ್ ಬೇಸರವಾಗಿದ್ದಾರೆ ಅಂತೆ. ಈ ಕುರಿತಾಗಿ ನಿಧಿ ಮತ್ತು ಶುಭಾ ಪೂಂಜಾ ಮಾತನಾಡಿಕೊಂಡಿದ್ದಾರೆ.

ದಿವ್ಯಾ ಅವರು ಬೇಸರದಿಂದ ಕೂತಿದ್ದರು. ನಾನು ಹೋಗಿ ಏಕೆ ಏನಾಯಿತ್ತು ಎಂದು ವಿಚಾರಿಸಿದೆ. ಆಗ ದಿವ್ಯಾ ಸುರೇಶ್ ಈಗ ದಿವ್ಯಾ ಉರುಡುಗ ಅವರದ್ದೇ ಹೈಲೈಟ್ ಆಗ್ತಾ ಇದೇ ಅಲ್ಲವಾ ಎಂದು ಹೇಳಿದರು. ನಾನು ನೀವು ಮತ್ತೆ ಮಂಜು ಹೈಲೈಟ್ ಆಗುತ್ತಿಲ್ಲ ಎಂದು ಬೇಜಾರಾ ಎಂದು ಹೇಳಿದೆ. ಅವರು ತುಂಬಾ ಬುದ್ಧಿವಂತರು ಎಂದು ನಿಧಿ ಹೇಳಿದ್ದಾರೆ. ಈ ವೇಳೆ ಶುಭಾ ಹೌದು ನಾನು ನೋಡಿದೆ ದಿವ್ಯಾ ಸುರೇಶ್ ಬೇಜಾರ್ ಆಗಿದ್ದಾರೆ ಎಂದು ಹೇಳುತ್ತಾ ಇಬ್ಬರು ಸೇರಿ ನಕ್ಕಿದ್ದಾರೆ.

ಅವರ ಗೇಮ್‍ಪ್ಲಾನ್ ಅವರು ಮಾಡುತ್ತಿದ್ದಾರೆ. ನಾವು ಇಬ್ಬರು ಸ್ಟ್ರಾಂಗ್ ಆಗಿ ಇದ್ದೇವೆ ನಮಗೆ ಅದರ ಅವಶ್ಯಕತೆ ಇಲ್ಲ. ನಾವು ಇಬ್ಬರು ಸ್ಟ್ರಾಂಗ್ ಆಗಿರುವುದಕ್ಕೆ ಬಿಗ್‍ಬಾಸ್ ಮನೆಗೆ ಕರೆದಿದ್ದು ಎಂದು ಶುಭಾ ಮತ್ತು ನಿಧಿ ಮಾತನಾಡಿಕೊಂಡಿದ್ದಾರೆ.

ಈ ವಾರ ಬಿಗ್‍ಬಾಸ್ ಮನೆಯಲ್ಲಿ ಒಂದು ದೊಡ್ಡ ಫೈಟ್ ನಡೆಯುತ್ತಿದೆ. ಮನೆಯ ಕ್ಯಾಪ್ಟನ್ ಬಿಟ್ಟು ಉಳಿದ 13 ಸ್ಪರ್ಧಿಗಳು ನೇರವಾಗಿ ನಾಮಿನೇಟ್ ಆಗಿದ್ದಾರೆ. ಪ್ರತಿಯೊಬ್ಬರು ತಾವು ಬಚಾವ್ ಆಗಬೇಕು ಎಂದು ಪಣತೊಟ್ಟಿದ್ದಾರೆ. ಸ್ಪರ್ಧಿಗಳು ತಮ್ಮ ಬಣ್ಣವನ್ನು ಬದಲಾಯಿಸುತ್ತಿದ್ದಾರೆ. ಬಿಗ್‍ಬಾಸ್ ಇವರ ಹಿಂದೆ ನಿಂತು ಸೂತ್ರದ ಗೊಂಬೆಯಂತೆ ಆಟವಾಡಿಸುತ್ತಿದ್ದಾರೆ.