ಮುಂಬೈ: ಕ್ರಿಕೆಟ್ ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅಭಿಮಾನಿ ಬಳಗಕ್ಕೆ ಸಿಹಿ ಸುದ್ದಿ ಸಿಕ್ಕಿದೆ. ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ದೃಶ್ಯದ ತುಣುಕು ಕಂಡು ಫ್ಯಾನ್ಸ್ ವಾವ್ ಅಂತಿದ್ದು, ಫುಲ್ ವೀಡಿಯೋ ನೋಡಲು ಕಾತುರರಾಗಿದ್ದಾರೆ.
ಮಹೇಂದ್ರ ಸಿಂಗ್ ಧೋನಿ ಐಪಿಎಲ್ ನಲ್ಲಿ ನಿರಾಶದಾಯಕ ಪ್ರದರ್ಶನದ ಬಳಿಕ ಪತ್ನಿ ಸಾಕ್ಷಿ ರಾವತ್, ಪುತ್ರಿ ಜೀವಾ ಜೊತೆ ರಜಾ ಸಮಯವನ್ನ ಕಳೆಯುತ್ತಿದ್ದಾರೆ. ಈಗಾಗಲೇ ಹಲವು ಜಾಹೀರಾತುಗಳಲ್ಲಿ ನಟಿಸಿರುವ ಕೂಲ್ ಧೋನಿ ನಟನೆಗೂ ಸೈ ಅನ್ನಿಸಿಕೊಂಡಿದ್ದರು. ಇದೀಗ ಪುತ್ರಿ ಜೀವಾ ಸಹ ಜಾಹೀರಾತು ಲೋಕಕ್ಕೆ ಪಾದಾರ್ಪಣೆ ಮಾಡುತ್ತಿದ್ದಾಳೆ. ಈ ವಿಷ್ಯ ಕೇಳಿದ ಅಭಿಮಾನಿಗಳು ಧೋನಿ ಸಿಕ್ಸ್ ಹೊಡೆದಷ್ಟೇ ಸಂಭ್ರಮಿಸುತ್ತಿದ್ದಾರೆ.
View this post on Instagram
ಸೆಲೆಬ್ರಿಟಿ ಫೋಟೋಗ್ರಾಫರ್ ವಿರಲ್ ಭಯಾನಿ ಈ ವಿಷಯವನ್ನ ರಿವೀಲ್ ಮಾಡಿದ್ದಾರೆ. ಬಿಸ್ಕಟ್ ಜಾಹೀರಾತಿಯನ್ನ ಅಪ್ಪ-ಮಗಳು ಜೊತೆಯಾಗುತ್ತಿದ್ದಾರೆ. ಇತ್ತ ಬಿಸ್ಕಟ್ ಕಂಪನಿ ಸಹ ತಮ್ಮ ತಂಡಕ್ಕೆ ಹೊಸ ಪ್ರತಿಭೆ ಎಂಟ್ರಿ ನೀಡುತ್ತಿರುವ ಸುಳಿವು ನೀಡಿದೆ. ಆದ್ರೆ ಈ ಬಗ್ಗೆ ಧೋನಿ ಅಧಿಕೃತ ಹೇಳಿಕೆಯನ್ನ ನೀಡಿಲ್ಲ.
View this post on Instagram
