ಫ್ರೀಯಾಗಿ ಐಸ್ ಕ್ರೀಂ ಕೊಡದಕ್ಕೆ ಗಾಡಿ ತೊಗೊಂಡು ಹೋದ ಪೊಲೀಸರು

Public TV
1 Min Read
UP Police

– ವಿಡಿಯೋ ವೈರಲ್ ಬಳಿಕ ಎಸ್‍ಪಿ ಸ್ಪಷ್ಟನೆ

ಲಕ್ನೋ/ಕಾನ್ಪುರ: ಉಚಿತವಾಗಿ ಐಸ್ ಕ್ರೀಂ ನೀಡದಕ್ಕೆ ಕೋಪಗೊಂಡ ಪೊಲೀಸರಿಬ್ಬರು ಗಾಡಿಯನ್ನು ತೆಗೆದುಕೊಂಡು ಹೋದ ಘಟನೆ ಉತ್ತರ ಪ್ರದೇಶದ ಬರ್ರಾದಲ್ಲಿ ನಡೆದಿದೆ. ಕರ್ತವ್ಯ ನಿರತ ಪೊಲೀಸ್ ಗಾಡಿಯನ್ನು ತೆಗೆದುಕೊಂಡು ಹೋಗುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ವಿಡಿಯೋದಲ್ಲಿ ಏನಿದೆ?: ಓರ್ವ ಪೊಲೀಸ್ ಐಸ್ ಕ್ರೀಂ ಗಾಡಿಯನ್ನು ತೆಗೆದುಕೊಂಡು ಹೋಗ್ತಿದ್ದರೆ, ಮತ್ತೋರ್ವ ಪೊಲೀಸ್ ಬೈಕಿನಲ್ಲಿ ಹೋಗ್ತಿರೋದನ್ನ ಕಾಣಬಹುದು. ಐಸ್ ಕ್ರೀಂ ಗಾಡಿಯ ಹಿಂದೆ ಅದರ ಮಾಲೀಕ ಓಡುತ್ತಿದ್ದಾನೆ.

ಈ ವಿಡಿಯೋ ವೈರಲ್ ಬಳಿಕ ಸ್ಪಷ್ಟನೆ ನೀಡಿರುವ ಎಸ್.ಪಿ. ಅಪರ್ಣಾ ಗುಪ್ತಾ, ನೈಟ್ ಕರ್ಫ್ಯೂ ಜಾರಿಯಲ್ಲಿದ್ದರೂ ಐಸ್ ಕ್ರೀಂ ಮಾರಾಲಾಗುತ್ತಿತ್ತು. ಹಾಗಾಗಿ ಗಸ್ತಿನಲ್ಲಿದ್ದ ಪೊಲೀಸರು ಗಾಡಿಯನ್ನು ತೆಗೆದುಕೊಂಡು ಹೋಗುವಂತೆ ನಾಟಕ ಮಾಡಿದ್ದಾರೆ. ಕೊನೆಗೆ ಐಸ್ ಕ್ರೀಂ ಮಾರುವ ವ್ಯಕ್ತಿಗೆ ಬುದ್ಧಿ ಹೇಳಿ ಕಳುಹಿಸಿದ್ದಾರೆ ಎಂದು ತಿಳಿಸಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *