ಫೋಟೋ ಜರ್ನಲಿಸ್ಟ್ ಅಸೋಸಿಯೇಷನ್‍ನಿಂದ ಮಂಗಳಮುಖಿಯರಿಗೆ ಫುಡ್ ಕಿಟ್

ಬೆಂಗಳೂರು: ಫೋಟೋ ಜರ್ನಲಿಸ್ಟ್ ಅಸೋಸಿಯೇಷನ್‍ನಿಂದ ಮಂಗಳಮುಖಿಯರಿಗೆ ಫುಡ್ ಕಿಟ್ ಜೊತೆ ಅವಶ್ಯಕ ವಸ್ತುಗಳನ್ನು ವಿತರಿಸಲಾಯ್ತು.

ಕೊರೊನಾದಿಂದಾಗಿ ಮಂಗಳಮುಖಿಯರು ಸಂಕಷ್ಟದಲ್ಲಿ ಸಿಲುಕಿದ್ದನ್ನು ಮನಗಂಡ ಬೆಂಗಳೂರಿನ ಫೋಟೋ ಜರ್ನಲಿಸ್ಟ್ ಅಸೋಸಿಯೇಷನ್ 50 ಜನರಿಗೆ ನಗರದ ಪ್ರೆಸ್ ಕ್ಲಬ್ ಆವರಣದಲ್ಲಿ ಆಹಾರ ಸಾಮಾಗ್ರಿಗಳನ್ನು ವಿತರಣೆ ಮಾಡಲಾಯ್ತು.

ಹಂಚಿಕೆಯ ಜೊತೆ ಕಾಳಜಿ (ಶೇರಿಂಗ್ ಇಸ್ ಕೇರಿಂಗ್) ಅನ್ನುವಂತೆ ನಿರ್ಲಕ್ಷಿಸಲ್ಪಟ್ಟ ತೃತೀಯ ಲಿಂಗ ಸಮುದಾಯಕ್ಕೆ ಫುಡ್ ಕಿಟ್ ವಿತರಿಸಲು ಬೆಂಗಳೂರಿನ ಫೋಟೋ ಜರ್ನಲಿಸ್ಟ್ ಅಸೋಸಿಯೇಷನ್ ನಿರ್ಧರಿಸಿತ್ತು. ಇನ್ನಷ್ಟು ದಾನಿಗಳು, ಸಂಘ ಸಂಸ್ಥೆಗಳು ಮಂಗಳಮುಖಿಯರ ಸಹಾಯಕ್ಕೆ ಮುಂದಾಗಬೇಕೆಂದು ಮನವಿ ಮಾಡಿಕೊಳ್ಳಲಾಗಿದೆ.