ಬಾಗಲಕೋಟೆ: ಕೊರೊನಾ ಮಹಾಮಾರಿಯ ಹಾವಳಿಯ ನಡುವೆಯೂ ಕೆಲವರು ಫಾಲ್ಸ್ನಲ್ಲಿ ಬಿಂದಾಸ್ ಆಗಿ ಎಂಜಾಯ್ ಮಾಡುತ್ತಾ ಸಮಯ ಕಳೆಯುತ್ತಿದ್ದಾರೆ. ಫಾಲ್ಸ್ನಲ್ಲಿ ಸ್ನಾನ ಮಾಡುವ ಮೂಲಕ ನಿಯಮಾವಳಿಗಳನ್ನ ಗಾಳಿಗೆ ತೂರಿರುವ ಘಟನೆ ಬಾಗಲಕೋಟೆ ಜಿಲ್ಲೆಯ ಗುಳೇದ ಗುಡ್ಡ ತಾಲೂಕಿನ ಕೋಟೆಕಲ್ ಫಾಲ್ಸ್ ನಲ್ಲಿ ನಡೆಯುತ್ತಿದೆ.
ಹೌದು ಮಳೆಗಾಲ ಆರಂಭವಾದರೆ ಕೋಟೆಕಲ್ ಗ್ರಾಮದ ವಲಯದಲ್ಲಿ ಫಾಲ್ಸ್ ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತದೆ. ಈ ಹಿಂದೆ ಜನರು ಇಲ್ಲಿಗೆ ಬಂದು ಸ್ನಾನ ಮಾಡಿ ಎಂಜಾಯ್ ಮಾಡುತ್ತಿದ್ದರು. ಆದರೆ ಇದೀಗ ಕೊರೊನಾ ಲಾಕ್ಡೌನ್ ಸಂದರ್ಭದಲ್ಲಿಯೂ ಜನರು ಬಿಂದಾಸ್ ಆಗಿ ಮೋಜು ಮಸ್ತಿಯಲ್ಲಿ ತೊಡಗಿದ್ದಾರೆ.
ಕೊರೊನಾ ಇರೋದ್ರಿಂದ ಸರ್ಕಾರ ಸಾಕಷ್ಟು ಮುಂಜಾಗೃತ ಕ್ರಮಗಳನ್ನ ತೆಗೆದುಕೊಳ್ಳಲು ತಿಳಿಸಿದೆ. ಆದರೆ ಎಲ್ಲಾ ನಿಯಮಗಳನ್ನ ಗಾಳಿಗೆ ತೂರಿದ ಯುವ ಜನತೆ ಸಾಮಾಜಿಕ ಅಂತರ ಮರೆತು ಸಾಮೂಹಿಕವಾಗಿ ಫಾಲ್ಸ್ನಲ್ಲಿ ಸ್ನಾನದಲ್ಲಿ ತೊಡಗಿದ್ದಾರೆ. ಹೀಗೆ ಬೇಕಾಬಿಟ್ಟಿ ತಿರುಗಾಟಕ್ಕೆ ಸ್ಥಳೀಯ ಆಡಳಿತ ಬ್ರೆಕ್ ಹಾಕುವುದರ ಮೂಲಕ ಕೊರೊನಾ ನಿಯಂತ್ರಣಕ್ಕೆ ಕ್ರಮ ಜರುಗಿಸಬೇಕಿದೆ ಎನ್ನುವದು ಕೆಲ ಸ್ಥಳೀಯರ ಆಗ್ರಹವಾಗಿದೆ.
