ಪ್ಲೀಸ್, ಸೋದರನಿಗೆ ಬೆಡ್ ಕೊಡಿಸಿ: ಕೇಂದ್ರ ಸಚಿವ ವಿ.ಕೆ.ಸಿಂಗ್ ಮನವಿ

ನವದೆಹಲಿ: ಕೊರೊನಾ ಸೋಂಕು ತಗುಲಿರುವ ನನ್ನ ಸೋದರಿಗೆ ಬೆಡ್ ಕೊಡಿಸಿ ಎಂದು ಕೇಂದ್ರ ಸಚಿವ ಜನರಲ್ ವಿ.ಕೆ.ಸಿಂಗ್ ಟ್ವೀಟ್ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.

ನನ್ನ ಸೋದರನಿಗೆ ಕೊರೊನಾ ಸೋಂಕು ತಗುಲಿದ್ದು, ಬೆಡ್ ಅವಶ್ಯಕತೆ ಇದೆ. ಸದ್ಯ ಗಾಜಿಯಾಬಾದ್ ನಲ್ಲಿ ಬೆಡ್ ವ್ಯವಸ್ಥೆ ಆಗುತ್ತಿಲ್ಲ. ದಯವಿಟ್ಟು ಸಹಾಯ ಮಾಡಿ ಎಂದು ಟ್ವಿಟ್ಟರ್ ನಲ್ಲಿ ಗೋಗೆರೆದಿದ್ದಾರೆ. ಈ ಟ್ವೀಟ್ ಉತ್ತರ ಪ್ರದೇಶ ಸಿಎಂ ಸಲಹೆಗಾರ ಶಲಬ್ ಮನಿ ತ್ರಿಪಾಠಿ, ಉತ್ತರ ಪ್ರದೇಶ ಬಿಜೆಪಿಯ ಉಪ ಅಧ್ಯಕ್ಷ ಪಂಕಜ್ ಸಿಂಗ್ ಮತ್ತು ಗಾಜಿಯಾಬಾದ್ ಜಿಲ್ಲಾಧಿಕಾರಿಗಳ ಕಚೇರಿಯ ಖಾತೆಗಳಿಗೆ ಟ್ಯಾಗ್ ಮಾಡಲಾಗಿದೆ.

https://twitter.com/Gen_VKSingh/status/1383674297017802753

ದೇಶದಲ್ಲಿ ಕೊರೊನಾ ತನ್ನ ರೌದ್ರ ತಾಂಡವ ಮುಂದುವರಿಸಿದ್ದು, ಪರಿಸ್ಥಿತಿ ದಿನದಿಂದ ದಿನಕ್ಕೆ ಬಿಗಡಾಯಿಸುತ್ತಿದೆ. ಇಂದು ಸಹ ದೇಶದಲ್ಲಿ 2,61,500 ಕೊರೊನಾ ಪ್ರಕರಣಗಳು ವರದಿಯಾಗಿವೆ. ಕಳೆದ 24 ಗಂಟೆಯಲ್ಲಿ 1,501 ಜನ ಮೃತಪಟ್ಟಿದ್ದಾರೆ. ಇದನ್ನೂ ಓದಿ: ಆರಂಭದಲ್ಲಿ ಹೆಚ್‍ಡಿಕೆಗೆ ಸಿಗದ ಬೆಡ್ -ಕೊನೆಗೆ ಸಾಗರ್ ಅಪೋಲೋ ಆಸ್ಪತ್ರೆಗೆ ಶಿಫ್ಟ್