-ಮಹಿಳೆಯ ಗಂಡ, ಕುಟುಂಬಸ್ಥರಿಂದ ಕೊಲೆ
-ಘಟನೆ ಬಳಿಕ ಆರೋಪಿಗಳು ಪರಾರಿ
ಪಾಟ್ನಾ: ಪಕ್ಕದ ಮನೆಯ ಮಹಿಳೆಯನ್ನ ಪ್ರೀತಿಸುತ್ತಿದ್ದ 19 ವರ್ಷದ ಯುವಕನನ್ನು ಕೊಲೆಗೈದಿರುವ ಘಟನೆ ಬಿಹಾರದ ಇಮಾಮಗಂಜ್ ಜಿಲ್ಲೆಯ ಡಿಬರ್ ಗ್ರಾಮದಲ್ಲಿ ನಡೆದಿದೆ.
ಸಂಜೀವ್ ಕುಮಾರ್ ಕೊಲೆಯಾದ ಯುವಕ. ಮಹಿಳೆಯ ಪತಿ ವಿಕಾಸ್ ಕುಮಾರ್ ತನ್ನ ಸಹಚರರ ಜೊತೆ ಸೇರಿ ಸಂಜೀವ್ ನನ್ನು ಕೋಲುಗಳಿಂದ ಹೊಡೆದು, ಕತ್ತು ಹಿಸುಕಿ ಕೊಲೆಗೈಯಲಾಗಿದೆ. ಘಟನೆ ಬಳಿಕ ಆರೋಪಿಗಳು ಪರಾರಿಯಾಗಿದ್ದಾರೆ.
ನನ್ನ ಸೋದರ ವಿಕಾಸ್ ಕುಮಾರ್ ಪತ್ನಿಯನ್ನ ಪ್ರೀತಿಸುತ್ತಿದ್ದನು. ಇಬ್ಬರ ಪ್ರೇಮ ವಿಚಾರ ತಿಳಿದ ವಿಕಾಸ್ ಕುಮಾರ್ ಸೋದರನಿಗೆ ಜೀವ ಬೆದರಿಕೆ ಸಹ ಹಾಕಿದ್ದನು. ಸೋದರನ ಶವವೂ ಆರೋಪಿ ವಿಕಾಸ್ ಮನೆ ಹಿಂದೆಯ ಜಮೀನಿನಲ್ಲಿ ಸಿಕ್ಕಿದೆ. ತಮ್ಮನನ್ನು ವಿಕಾಸ್ ಕೊಲೆ ಮಾಡಿದ್ದಾನೆ ಎಂದು ಸಂಜೀವ್ ಸೋದರಿ ಆರೋಪಿಸಿದ್ದಾರೆ. ಇತ್ತ ಸಂಜೀವ್ ತಂದೆ ಜುಗೇಶ್ ಪ್ರಸಾದ್ ಮಗನನ್ನು ಕತ್ತು ಹಿಸುಕಿ ಕೊಲೆ ಮಾಡಲಾಗಿದೆ ಎಂದು ಕಣ್ಣೀರು ಹಾಕುತ್ತಿದ್ದಾರೆ.
ವಿಷಯ ತಿಳಿದು ಸ್ಥಳಕ್ಕಾಗಮಿಸಿರುವ ಪೊಲೀಸರು ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಿದ್ದಾರೆ. ಹಾಗೆ ಸಂಜೀವ್ ಕುಟುಂಬಸ್ಥರು ಹಾಗೂ ಗ್ರಾಮಸ್ಥರ ಹೇಳಿಕೆಯನ್ನ ದಾಖಲಿಸಿಕೊಂಡಿದ್ದಾರೆ. ಆರೋಪಿಗಳನ್ನು ಶೀಘ್ರದಲ್ಲಿಯೇ ಬಂಧಿಸಲಾಗುವುದು ಎಂದು ಪೊಲೀಸರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
